Английн премьер лигийн зургадугаар тойргийн хүрээнд өчигдөр “Челси” талбайдаа “Арсенал”-ыг хүлээж авч, 2:0-ээр буулгаж авлаа. Эхний таван тойргоос ердөө л 4 оноо зулгаагаад байсан “Цэнхэрүүд” энэ тойрогт Лондоны өөр нэг хүчирхэг баг болох “Арсенал”-ыг хэл амтай тоглолтын эцэст хожлоо.

Тоглолтын 45 дахь минутад Габриэл Паулиста хоёр дахь шар хуудсаа авч, талбайг чөлөөлсөн. Костагийн өдөөн хатгалаг маш амжилттай болж, эсрэг багийн хамгаалагчаа хөөлгөж чадсан. Энэ үйл явдлын дараахан буюу 53 дахь минутад Курт Зума гоолдож, тооны харьцааг нээсэн. 

Хүн дуртаа “Арсенал” буу өгөлгүй цөөнгүй аюултай довтолгоог өрнүүлсэн. Гэвч 79 дэх минутад Касорла хоёр дахь шар хуудсаа авч, талбайг чөлөөлсөн.  Ийнхүү хоёр хүн дутуу багийн эсрэг 90 дэх минутад Азар нэг гоол оруулснаар, багтаа гурван оноо авчирлаа.

Ингэснээр “Челси” 7 оноотой болж, 13 дугаар байр руу дэвшлээ. Харин “Арсенал” 10 оноотой хэвээр үлдэж, тавдугаар байрт бичигдэж байна.

Н.ПУНЦАГБОЛД

Эх сурвалж: www.mminfo.mn