ОХУ-ын Эдийн засгийн яам, Дотоод явдлын яам хамтран автомашины азын дугаар олгох ерөнхий журмын талаар тохирлоо хэмээн "Коммерсант" сонин мэдээллээ.

Энэхүү журмын гол зорилго нь иргэдийн авах дуртай байдаг азын дугаарыг илүү үнэ төлөн худалдан авах боломжийг олгох юм. Дугаарыг төрийн үйлчилгээний цахим порталаар дамжуулан олгохоор эхний тохироонд хүрсэн байна. Бас зарим бүс нутагт азын дугаарыг дуудлага худалдаагаар борлуулахыг үгүйсгэхгүй байгаа ажээ.

Одоогоор азын дугаарын үнийг тохироогүй, ердийн дугаарын үнээс илүү байх нь ойлгомжтой юм.

Эх сурвалж: РИА НОВОСТИ