Америкийн телевизийн реалити шоуны од Кардашианы гэр бүлийн отгон гишүүн Кайли Женнер өөрийн үүсгэн байгуулсан “Kylie Cosmetics” компанийнхаа 51 хувийг э “Coty” компанид 600 сая ам.доллараар заржээ.

Өдгөө дөнгөж 22 настай тэрбээр энэ онд “Forbes” сэтгүүлээс гаргадаг дэлхийн шилдэг 100 бизнес эрхлэгчдийн эгнээнд багтаж, хөрөнгө нь нэг тэрбум ам.доллар давж, дэлхийн хамгийн залуу тэрбумтан болж байсан юм.

Гэхдээ тэрбээр компанийнхаа тал илүү хувийг зарсан ч “Kylie Cosmetics”-ийн нүүр царай хэвээр үлдэх гэнэ.  “Kylie Cocmetics”-ийн 51 хувийг худалдаж авсан “Coty” компани “CoverGirl”, “Burberry”, “Hugo Boss” зэрэг дэлхийн алдартай брэндүүдийг эзэмшдэг.

Эх сурвалж: BBC