Сүхбаатар дүүргийн Мэргэжлийн хяналтын хэлтсийн дарга асан М.Баасандоржийг өнгөрөгч баасан гаригт /2019.11.15/ цагдан хорих 461 дүгээр ангид хорьжээ. Тодруулбал, Авлигатай тэмцэх газраас түүнийг албан тушаалаа урвуулан ашиглан мөнгө нэхдэг, хээл хахууль авсан байж болзошгүй гэсэн үндэслэлээр шүүгчийн захирамжаар нэг сарын хугацаатай цагдан хорьсон юм байна.

Дээрх асуудлаар Авлигатай тэмцэх газраас тодруулбал “Цагдан хорьсон нь үнэн. Шалгаж байгаа учраас дэлгэрэнгүй мэдээлэл өгөх боломжгүй" гэлээ.

Сануулахад, М.Баасандорж нь энэ оны дөрөвдүгээр сард тус газрын байцаагчдаа бэлгийн дарамт үзүүлсэн гэх дуулианд холбогдож байсан бөгөөд энэ талаар албаны эх сурвалжууд төдийлөн хариулт өгөөгүй юм.

Э.АРИУН