Хотын захирагч С.Амарсайхан амралтын өдөр Чингэлтэй дүүргийн алслагдсан хэсэгт ажиллалаа | News.MN

Хотын захирагч С.Амарсайхан амралтын өдөр Чингэлтэй дүүргийн алслагдсан хэсэгт ажиллалаа

Хотын захирагч С.Амарсайхан амралтын өдөр Чингэлтэй дүүргийн алслагдсан хэсэгт ажиллалаа

Хотын захирагч С.Амарсайхан амралтын өдөр Чингэлтэй дүүргийн алслагдсан хэсэгт  ажиллалаа

Нийслэлийн Засаг дарга бөгөөд Улаанбаатар хотын Захирагч С.Амарсайхан өнгөрөгч бямба гараг /2019.11.16/-ийн үдэш нийслэлийн Чингэлтэй дүүргийн 18 дугаар хорооны гэр хорооллын төв зам дагуух халтиргаа гулгаа үүссэн хэсэгт цас, мөс хайлуулагч давс бодис цацсан эсэх, сайжруулсан түлшний түгээлт борлуулалт дүүргийн алслагдсан гэр хорооллын хэсэгт ямар хэмжээнд байгаа зэрэг асуудалд хяналт тавьж  ажиллалаа.

Тус хорооны нутаг дэвсгэрийн зам дээр давс, бодис цацагч том оврын гурван автомашиныг ажиллуулж байгаа талаар албаны хүмүүс хэлсэн юм. Хотын Захирагч С.Амарсайхан "Халтиргаа хулгаанаас сэргийлэх мөс цас хайлуулах давс, бодис  энэ жил хангалттай нөөцлөгдсөн байгаа. Тиймээс техник хүн хүчнийхээ нөөцийг зөв хувиарлаж ажиллах хэрэгтэй. Авто замын машин явдаг хэсэгт давс бодис цацсаны дараа замын голд овоорсон цасыг сайн цэвэрлэж, замыг чөлөөлөх хэрэгтэй. Ингэж цэвэрлээгүйгээс болж автомашинд давс бодистой цас наалддаг. Мөн явган хүний зам талбайн мөстсөн цасыг цэвэрлэж, иргэд хальтирч унах, гэмтэж бэртэхээс сэргийлэх нь чухал” гэв.

Энэ үеэр Хотын захирагч  дэлгүүрийнхээ гаднах цасыг цэвэрлэж байсан Чингэлтэй дүүргийн 18 дугаар хорооны иргэн, хувиараа бизнес эрхлэгч Б.Дансрангийнхаар орж сайжруулсан түлшний хэрэглээний талаар санал бодлыг нь сонсож, санал бодлоо солилцлоо. Б.Дансрангийнх өнгөрсөн хавраас сайжруулсан түлш хэрэглэж эхэлсэн бөгөөд түлшний илчлэг чанар, хөө тортоггүй байдалд сэтгэл хангалуун байгаагаа хэлж байлаа.

Тэрбээр утааг бууруулах талаар авсан арга хэмжээний нэг нь гэр хорооллын цахилгааны шөнийн тарифийг тэглэсэн явдал бөгөөд энэ нь ихээхэн хэмнэлттэй байгааг дуулгаад, цахилгааны төлбөрийг тэглэсэн шөнийн цагт цахилгаан халаалтаа залгаж, дулаанаа шийдвэрлэдэг тухайгаа Хотын захирагчид танилцууллаа. Иргэн Б.Дансран "Урт намар болж хүйтрээгүй үед утаа гарахгүй байна гэж бодож байсан. Харин одоо хүйтэрсэн ч утаа байхгүй байгаа нь сайжруулсан түлшний том үр дүн гэж харж байна. Манай энэ хавиар орой өглөө хүн гадаа удаан байхын аргагүй утаатай байдаг байсан" гэв.

Хотын Захирагч С.Амарсайхан иргэн Б.Дансрангийнд зочлоод, тэндээсээ гарч Чингэлтэй Зүрх уул орчимын буюу тус дүүрийн 17 дугаар хороонд байрлах Сайжруулсан түлшний түлшний борлуулалтын нэгдсэн цэгээр орлоо.

Тус цэгт түлшний түгээлт өдөр бүр хангалттай ирдэг бөгөөд  иргэдийн хувьд олноор нь авах хүсэлттэй байдагч тэдний хүссэн хэмжээгээр өгч чаддаггүй, үүнээс болж иргэд бухимдаж загнадаг тухай борлуулагч бүсгүй Хотын захирагчид уламжилсан юм. Тэрбээр иргэд сайжруулсан түлш авахдаа картаар уншуулж, мөнгөөрөө худалдан авч хэвшсэн тухай өгүүллээ. Хотын захирагч С.Амарсайхан сайжруулсан түлшний борлуулагч бүсгүйтэй ярилцаж, санал бодлыг нь сонсоод “Өвлийн хүйтнийг үл хайхран, өөрийн гэсэн ажилтай болохын тулд ажлыг гололгүй хөдөлмөрлөж, нийслэл хотоо агаарын бохирдлоос сэргийлэх үйл хэрэгт хувь нэмэр оруулахаар хүчин зүтгэж, залуу хүний эрч хүч, итгэл сэтгэлээр бусад олон залууст үлгэр дуурайлал болж байгаад талархаж, борлуулагч бүсгүйд амжилт хүслээ” гэж Нийслэлийн ЗДТГ-ын Хэвлэл мэдээлэлтэй харилцах хэлтсээс мэдээллээ.

"Болор дуран"-аар шалгав.
Энэ мэдээнд өгөх таны сэтгэгдэл?
6
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Хотын Дарга гэдэг маш нэр хүндтэй Иргэдийн итгэлийг хүлээсэн чухал ажилдаа 2019-11-18 202.131.239.166

…..Замын цагдаа нартаа Нийслэлийн засаг дарга мөн хэлмээр юм. Явган зорчигчдоо хүндэлж, жолооч нартаа энэ талын шаардлага тавьж ажиллуулмаар. Нэг тэнэг Замын цагдаа МҮОНТВ-ээр Явган зорчигч Тээврийн хэрэгслээс айж зорч гэж хэлээд л сууж байна билээ. Энэ хэцүү байна даа.

Avatar

Хотын Дарга гэдэг маш нэр хүндтэй Иргэдийн итгэлийг хүлээсэн чухал ажилдаа 2019-11-18 202.131.239.166

…….Нарны гүүрний Нарны зам талын гэрэл дохиог жолооч нар маш их зөрчдөг, явган зорчигчоо гарцаар огт гаргададггүй аймаар хүнд байдал хэвээр байна. Манай жолооч нар ер нь явган зорчигчыг огт хүндлэхгүй, бүр гарцаар, дохиогоор гарч байхад нь хурдаа нэмээд, сигналдаад байх юм. Энэ хөгжингүй улсуудад бол ийм жолооч сэтгэцийн эмнэлэгт л эмчлүүлэх. Манайд бол бүгд жолооч нар эрүүл биш, сэтгэцийн өвчтэй байна. Сэтгэцийн эрүүл мэндийн үндэсний хөтөлбөр Жолооч нарт чиглэмээр.

Avatar

Хотын Дарга гэдэг маш нэр хүндтэй Иргэдийн итгэлийг хүлээсэн чухал ажилдаа 2019-11-18 202.131.239.166

Хотын дарга ингэж ажиллах хэрэгтэй л дээ. Энд тэнд яваа харагддаг юм. Энэ хүмүүс нь буюу ажилтнууд нь даалгасан ажлыг нь сайн хичээж, сэтгэлээ гаргаж ажиллаж, зөв биелүүлж сурмаар юм. Жишээлэхэд энэ өдрөөс 2 сар хүрэхгүй өмнө Засаг дарга Нарны гүүр орчмоор ажилласан. Үүний дараа тэнд ганцхан замыг л нөхсөн. Алтай хотхоны үүдний хавьд зарим өөрчлөлт зохицуулалт хийгдэх гээд ажилууд явагдлаа. Гэтэл тэр Нарны гүүрний замын хашилга нь эвдэрсэн нь засагдахгүй, Нарны гүүрний Нарны зам талын 0?????

Avatar

ygaar 2019-11-18 59.153.112.143

songuuli uu

Avatar

Иргэн 2019-11-18 202.21.117.194

Багшийн дээдийн туннель хавийн ТҮЦүүдийг нүүлгэж хотын төвөө хогноос салгах хэрэгтэй байна шүү хотын даргаа хотын төв хогийн цэг боллоо шүү .хотын захиргааныхан явж үздэг ч болоосой

NewsMN Гар утасны хувилбар Татах
NEWS.mn

Мэдээллийн эх сурвалж