Дэлхийн шилдэг хөлбөмбөгчин К.Роналдо тэргүүтэй Португалын шигшээ баг аваргаа “Евро-2020” тэмцээний эрхээ авлаа. Ингэснээр 2016 оны Европын аваргын алтан медальт Португалын шигшээ баг аваргаа хамгаалах өрсөлдөөнд оролцох болж байна. Португалын шигшээ баг Европын аваргын урьдчилсан шатны В хэсэгт Украйн, Серби, Литва болон Люксембургийн шигшээ багуудтай нэг хэсэгт өрсөлдөн 2-р шалгарч байна. Шийдвэрлэх тоглолтоо Люксембургийн талбайд зочлон Бруно, К.Роналдо нарын гоолоор ялалт байгуулсан юм. Харин тэдэнтэй эцсийн шат хүртэл Сербийн шигшээ баг өрсөлдөж байсан ч Сербийн шигшээ баг Украйнтай тэнцэснээр Европын аваргын гадна үлдээд байна.

Ирэх зун зургадугаар сарын 12-оос долдугаар сарын 12-ны хооронд Европын 12 улсад зохиогдох Европын АШТ-д 24 баг өрсөлдөнө. 24 багаас 17 нь өнөөдрийн байдлаар “Евро-2020”-д өрсөлдөх эрхээ аваад байна.

1. Бельги
2. Итали
3. Орос
4. Польш
5. Украйн
6. Испани
7. Франц
8. Турк
9. Англи
10. Чех
11. Финланд – анх удаагаа оролцоно
12. Швед
13. Хорват
14. Австри
15. Нидерланд
16. Герман
17. Португал

Б.БЯМБАБАЯР