Голомт банкны Бизнес Хөгжлийн Газрын менежер – Э.Болдбаатар

– Голомт банк шуурхай зээл олгож эхэлсэн гэсэн. Энэ нь бусад зээлийн үйлчилгээнээс юугаараа онцлогтой вэ? Яагаад ийм үйлчилгээг нэвтрүүлэх болов?

– Тиймээ. Бид 2015 оны 05-р сараас эхлэн өөрийн салбаруудаараа дамжуулан нийт харилцагчиддаа шуурхай зээлийн бүтээгдэхүүнийг санал болгож байна. Шуурхай зээлийн хувьд бусад зээлийн бүтээгдэхүүнээс ялгарах  гол онцлог нь хамгийн хурдан хугацаанд буюу өдөртөө авч болох зээл юм. 

Иргэд болон компаниудын хувьд төлөвлөсөн санхүүжилт нь орж ирэхгүй хойшлох, яаралтай бараа бүтээгдэхүүн татах үед санхүүжилт дутах,  ирээдүйд орж ирэх орлогоо баталгаажуулан зээл авах шаардлага ч тулгардаг. Бид энэ хэрэгцээг хангахын тулд хамгийн бага шаардлага тавьж, хамгийн хурдан хугацаанд шийдвэрлэх боломжтой шуурхай зээлийг зах зээлд нэвтрүүлээд байна.

– Банк зээл олгохдоо маш олон төрлийн шаардлага тавьдаг л даа. Шуурхай зээл авахыг хүсэгчдийн хувьд?

– Банк санхүүгийн байгууллага харилцагчдынхаа хэрэгцээнд нийцүүлсэн олон төрлийн зээлийн бүтээгдэхүүнийг санал болгодог. Энэ бүхэн өөрийн гэсэн онцлогоосоо шалтгаалж шаардлага нь ч өөр байдаг. Харин бидний зах зээлд нэвтрүүлээд байгаа Шуурхай зээлийн бүтээгдэхүүн ердөө 4  үндсэн шаардлагатай.

• Байнгын оршин суух хаягтай Монгол Улсын иргэн эсвэл Монгол Улсад үйл ажиллагаа явуулдаг компани байх;

• Хугацаа хэтэрсэн болон чанаргүй зээлийн өргүй байх;

• Барьцаа хөрөнгө зээл хүсэгчийн эзэмшилд байх;

• Ирээдүйн орлогоороо зээлээ төлөх чадвартай байх.

Эдгээр нөхцөлийг хангаж буй харилцагч  Шуурхай зээл авахаар хүсэлт гаргах боломжтой юм.

– Зээл авахыг хүсэгч ирээдүйд орж ирэх орлогоо хэрхэн нотлох вэ? Мөн өмнө нь зээлтэй хүн, шуурхай зээл авч болох уу?

– Зээл хүсэгчийн хувьд ирээдүйд орж ирэх орлогоо яг ингэж тэгж нотол гэсэн хатуу шаардлага байхгүй. Ийм эх үүсвэрээр төлөх боломжтой гэдгээ л банкинд нотлох хэрэгтэй юм. Зээлтэй харилцагчийн хувьд Шуурхай зээл авах боломжтой. 

– Зээл хүсэгчийн барьцаа хөрөнгөд ямар шаардлага тавих вэ?

– Зээл хүсч буй харилцагчийн өөрийн нэр дээр эзэмшиж буй орон сууц болон үйлдвэрлэл, үйлчилгээ, оффисийн зориулалттай үл хөдлөх хөрөнгө байх шаардлагатай. Хэрвээ өмнө нь зээл авсан харилцагч бол зээлийн үлдэгдэл багассан тохиолдолд, одоогийн зээлд барьцаалсан хөрөнгөө давхар барьцаалах боломжтой.

– Шуурхай зээл нь жирийн зээлтэй харьцуулбал хугацаа болон хэмжээний хувьд ямар байх вэ? Мөн бусад нөхцөлийн талаар…

– Харилцагч өөрийн зээлийн материалыг бүрэн бүрдүүлсэн тохиолдолд өдөрт нь шийдвэр гаргах боломжтой юм. Хугацааны хувьд 12 сар хэмжээний хувьд дээд тал нь 100 сая төгрөг хүртэл олгож байна. Мөн бид харилцагчдынхаа зээлийн эргэн төлөлтийн хуваарийг ирээдүйд орж ирэх мөнгөн урсгалтай нь уялдуулж байгаа нь харилцагчдад давуу талыг олгож  байна.

– Зээл авахыг хүсэгчид хаана хандаж болох вэ?

– Манай зээлийн бүтээгдэхүүнийг авахаар сонирхож буй харилцагчид маань  Голомт банкны Хан-Уул бизнес төв болон Улаанбаатар хотын аль ч салбарт хандаж, зөвлөгөө аван зээлээ судлуулах боломжтой.