“Гэрч, хохирогчийг хамгаалах, туслалцаа үзүүлэх, үндэсний хөтөлбөр” болон гэрч, хохирогчийг хамгаалах үйл ажиллагаанд төрийн болон төрийн бус байгууллагын хуулиар хүлээсэн үүрэг, оролцоо, дэмжлэгийг нэмэгдүүлэх, талуудын эрх, үүрэг, хариуцлага, оролцоог тодорхой болгох зорилгоор Цагдаагийн ерөнхий газар, Хан-Уул дүүргийн Гэр бүл, хүүхэд, залуучуудын хөгжлийн хэлтэстэй хамтын ажиллагааны талаарх “Санамж бичиг” байгууллаа.

Энэхүү “Санамж бичиг”-ийг байгуулснаар Гэр бүлийн хүчирхийлэлтэй тэмцэх тухай хууль, тэдгээрийг дагалдах бусад хууль, журмыг хэрэгжүүлэх, чиглэлээр хамтран ажилллах, гэрч, хохирогчдод хамгаалалтын арга хэмжээ шуурхай, тасралтгүй хэрэгжих, тэдэнд үзүүлэх дэмжлэг, туслалцаа, үйлчилгээний чанар хүртээмж нэмэгдэх юм. Ингэснээр гэмт хэргийн улмаас хохирсон гэрч, хохирогч, тэдгээрийн хамаарал бүхий иргэдийн амь нас, эрүүл мэндийг хамгаалах ажилд ахиц гарах юм.

Санамж бичигт Цагдаагийн ерөнхий газрын Тэргүүн дэд дарга, цагдаагийн хурандаа Р.Отгонжаргал, Хан-Уул дүүргийн Гэр бүл, хүүхэд, залуучуудын хөгжлийн хэлтсийн дарга О.Мягмарсүрэн нар гарын үсэг зурлаа.

ЭХ СУРВАЛЖ: ХУД