Азийн Хөлбөмбөгийн Холбооны 16 хүртэлх насны аварга шалгаруулах тэмцээний урьдчилсан шатны “К” хэсгийн тоглолтууд манай улсад болж байна. Монголын хөлбөмбөгийн холбооны гадаад харилцааг шат ахиулсан, өсвөрийн тамирчдын ур чадварыг нэмэгдүүлэхэд бодитой хувь нэмэр оруулах эл тэмцээнийг зохион байгуулж байгаа нь өөрөө маш том ач холбогдолтой юм.

Хөлбөмбөгийн спортын ирээдүйг харсан, үр дүнтэй хөрөнгө оруулалт хийж, Монголын хөлбөмбөгийн холбоотой 500 сая төгрөгийн гэрээ хийн, хөлбөмбөгийн спортын хөгжлийг дэмжиж буйгийн хувьд хүнсний манлай үйлдвэр “Арвайн үндэс” компанийн хамт олон талархалтай байна.

Спортын хөгжилд спонсор байгууллагын дэмжлэг, оролцохоо чухал болохыг харуулсан бидний хамт ажиллагаа Монголын хөлбөмбөгийн холбооны “Хүрхрээ” дээд лигийг өндөр түвшинд гаргах, мэргэжлийн шигшээ багийн амжилт, чанарыг сайжруулахад цаашид олон дэвшил гаргана гэдэгт итгэлтэй байна.

Азийн хөлбөмбөгийн холбооны 16 хүртэлх насны аварга шалгаруулах тэмцээнд өрсөлдөж байгаа Монголын шигшээ багийн хөвгүүддээ амжилт хүсье.