Монголчууд бид ямар авьяастай вэ гэдгийг мэдрүүлэх шоу эхлэхэд бэлэн болжээ. Ирэх Ням гаригаас “Авьяаслаг монголчууд” шоуг “Монгол ТВ”-ийн дэлгэцээр хүлээн авна.

Английн продюсер Саймон Коулын “Syco Entertainment” болон “FremantleMedia” хамтын бүтээл тус шоуг Монгол Улсад бүтээн, нэвтрүүлэх эрхийг “Монгол ТВ” авсан. Шоуны бэлтгэл ажлыг энэ оны турш хийж одоо үзэгчдэдээ өргөн барихад бэлэн болжээ. Шоуны бэлтгэлийн баг сүүлийн найман сарын турш эх орныхоо өнцөг булан бүрт очиж нийт 2,000 гаруй авьяастнуудаас эхний шатны шалгаруулалтаа хийгээд байна.  

“Авьяаслаг монголчууд” шоуны шүүгчээр хөгжмийн зохиолч, продюсер, "Харанга" хамтлагийн ахлагч Ц.Чулуунбат, хөтлөгч нэвтрүүлэгч С.Чимгээ, реппер продюсер Rokitbay, хийлч Ч.Дэлгэрцэцэг нар ажиллажээ. Харин шоуны хөтлөгчөөр жүжигчин Анхаа, Ууганаа нар сонгогдсон байна.

Шоу Ням гариг бүрийн үдэш нэвтрэх юм.

А.ТУЛГА