Алдагдал, асуудал дагуулсан АМНАТ-ийг хэзээ хэлэлцэх вэ? | News.MN

Алдагдал, асуудал дагуулсан АМНАТ-ийг хэзээ хэлэлцэх вэ?

Алдагдал, асуудал дагуулсан АМНАТ-ийг хэзээ хэлэлцэх вэ?

Алдагдал, асуудал дагуулсан АМНАТ-ийг хэзээ хэлэлцэх вэ?

Энэ долоо хоногт УИХ хоёр том ажлын ард гарлаа. Тодруулбал, Үндсэн хуульд оруулах нэмэлт, өөрчлөлтийн төслийг баталсан бол  удаах нь ирэх оны төсөв.

Том амьсгаа авч, түр амсхийсэн УИХ одоо АМНАТ-ийн хуулийн нэмэлт, өөрчлөлтийг батлах учиртай. Ялангуяа төсөв баталсан энэ үед АМНАТ-ийн хууль тодорхой бус байгаа нь ирэх оны  төсвийн орлого тасалдахад хүрэх эрсдэлтэй. Учир нь, АМНАТ-өөс Монгол Улсын төсөвт 1.3 их наяд төгрөгийн орлого төвлөрдөг.

Үндсэн хуулийн Цэц Ашигт малтмалын тухай хуулийн 47 дугаар зүйлийн холбогдох хэсэг, заалтуудаар ашигт малтмалын нөөц ашигласны төлбөрийг давхардуулан ногдуулахгүй байх зохицуулалтыг тодорхой тусгаагүйн улмаас Монгол Улсын Үндсэн хуулийн тавдугаар зүйлийн 4 дэх хэсэг, арванесдүгээр зүйлийн 1 дэх хэсгийг зөрчсөн гэж үзсэн билээ.

Уг хуулийн зөрчлийг арилгахаар Эдийн засгийн байнгын хорооноос ажлын хэсэг байгуулагдаж ашигт малтмалын нөөц ашигласны төлбөр төлөгч болон уг төлбөрийг ямар хувь хэмжээгээр, хэрхэн давхардуулалгүй ногдуулах тухай зохицуулалтыг ойлгомжтойгоор нарийвчлан тусгасан нэмэлт, өөрчлөлт оруулах тухай хуулийн төслийг боловсруулж, тус хуулийн төслийг анхны хэлэлцүүлгээр нь батлахыг Эдийн засгийн байнгын хороо дэмжсэн.

Өнгөрсөн Баасан гаригийн /2019.11.08/ чуулганы хуралдаанаар уг хуулийн төслийг хэлэлцээд гишүүдийн олонхын саналаар хойшлуулсан. Энэ долоо хоногийн чуулганаар Ашигт малтмалын тухай хуульд нэмэлт, өөрчлөлт оруулах тухай хуулийн төслийг батлахаар төлөвлөсөн ч одоогоор хэзээ хэлэлцэх нь тодорхой бус байна. Уг нь ирэх оны төсвийг батлахаас өмнө АМНАТ-ын тухай хуулийг батлах ёстой гэж Сангийн сайд хэлсэн ч УИХ-ын дарга "Засгийн газар байр сууриа бичгээр өгөөрэй" гэдэг тайлбарыг өгсөн.

Ирэх оны төсвийн хууль нь батлагдчихаад байхад орлого талыг бүрдүүлэх АМНАТ-ийн хууль эрх зүйн зохицуулалт тодорхой бус байгаагаас ирэх оны төсвийн орлого төлөвлөсөн хэмжээнд хүрнэ гэхэд эргэлзээтэй.

Энэ тухай Сангийн сайд Ч.Хүрэлбаатар "АМНАТ-т Засгийн газрын байр суурь нэг байгаа гэдгийг  би албан ёсоор чуулганы танхимд илэрхийлсэн. Цэцийн шийдвэр гарсан тохиолдолд Засгийн газар байр сууриа дахин бичгээр өгнө гэсэн хуулийн заалт байхгүй. Төсөв батлагдахад орлогууд тодорхой байх ёстой. Цэцийн шийдвэр гарснаас хойш буюу 2019 оны арваннэгдүгээр сарын 1-нээс эхлэн улсын төсөвт АМНАТ-ийн орлого орж ирээгүй. Ирэх жилд орж ирэхгүй гэсэн үг. 2020 оны төсөвт АМНАТ-өөс  1.3 их наяд төгрөгийн орлого орно гэж тооцоолсон байтал энэ мөнгө орохооргүй болчихлоо гэдгийг би удаа дараа хэлж байгаа” гэсэн тайлбарыг тэрбээр өгсөн юм.

Харин Ашигт малтмалын тухай хуульд нэмэлт, өөрчлөлт оруулах тухай хуулийн төслийг боловсруулсан ажлын хэсгийн ахлагч, УИХ-ын гишүүн Б.Баттөмөр "АМНАТ-ийг давхардуулж авахгүй гэсэн  Засгийн газрын тогтоол нь байсаар байтал Цэц давхардуулж авч байна гэдэг шийдвэр гаргасан. Энэ дагуу ашигт малтмалын нөөц ашигласны төлбөр төлөгч болон уг төлбөрийг ямар хувь хэмжээгээр, хэрхэн давхардуулалгүй ногдуулах тухай зохицуулалтыг ойлгомжтойгоор нарийвчлан тусгасан нэмэлт, өөрчлөлт оруулах тухай хуулийн төслийг  УИХ-ын хэлэлцээд түр хойшлуулсан. Д.Сумъяабазар сайд томилолттой байгаа юм билээ. Үдээс хойшдоо  чуулган хуралдаж магадгүй” гэлээ.

"Болор дуран"-аар шалгав.
Энэ мэдээнд өгөх таны сэтгэгдэл?
3
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-11-15 202.70.38.18

Ерөнийдөө Ашигт малтмалын нөөц ашигласны төлбөрийг үгүй хийдэг нь Оюутолгойн тэр их алтыг үнэгүй авах гэсэн далд явуулга гэдгийг хэн ч гадарладаггүй.
Монголын хэдэн алтны компаниуд нийлээд ч Оюутолгойн алтны нөөцийн хаана ч хүрэхгүй.
Та бүхэн хэнийг хардахаа ядаж мэдэх хэрэгтэй.

Avatar

ард 2019-11-15 192.82.68.133

Ч. Хүрэлбаатар гэгч төрсөн ах дүүстэйгээ бүлэглэн Хотгор шанагын уурхайг солонгосуудад олон арван сая доллараар зарсан ширэн нүүрлэсэн хулгайчийг хамгийн түрүүнд Сангийн сайдаас огцруулаачээ.

Avatar

зочин 2019-11-15 192.82.68.245

Нөөц ашигласны татварыг борлуулалт, үйлдвэрлэлтээс давхар авах нь буруу.Харин АМНАТ-ыг олборлогчоос авах хувийг бараг 50 хувь хүртэл өндөр тогтоох хэрэгтэй

Avatar

МОНГОЛ ХҮН 2019-11-15 203.217.139.227

Талх үйлдвэрлэгч нь татвар төлсөн бол талх борлуулагч, талхыг ашиглаад хоол хийдэг газрууд НӨАТ төлөхгүй гэсэнтэй яг адилхан бусуу. Төрд бугшсан энэ мэт бузруудаас даруйхан салцгаая. АМНАТ-ыг хэн ч байсан төлөх ёстой.

Avatar

зочин 2019-11-15 192.82.68.245

Нөөц ашигласны татвар ашгийн татварыг бүү холь. Талх борлуулагч ашгийн татвар төлж байгаа. ойн нөөц буюу мод бэлтгэсэн хүн нөөцийн татвар гоожин төлдөг. Харин модыг авч мебель хийсэн ААН ашгийн татвараа төлнө. Та түлээ захаас авч түлсэн бол бас гоожин төлөх юм уу

Avatar

Сонгогч 2019-11-15 202.126.88.200

Зөв хэллээ энэ мэт Хүрэлбаатар малын хөлсний бичээч нарын эргүүг ойлгууллаа

Avatar

Зочин 2019-11-15 43.242.242.189

Гөлөгнүүд уул уурхайн компаниудын лоббинд автсан нь гарцаагүй дээ. Шалгах хэрэгтэй

Avatar

Иргэн 2019-11-15 122.201.24.5

Иргэн 1 минутын өмнө 202.21.108.174
Монголд бүртгэлтэй Монголын хуулийн итгээд Оюунтолгой компаны 34 хувийг үнэгүйгээр авч болох байтал заавал зээл авч, хүүний төлбөрийг жил болгон төлөх шидвэр гаргасан хүмүүсийн үнэнд гүйцэгдэх цаг нь ирж байгаа юм байна.
АМНАТ буюу Royalty-ийн тухай ярих тусам энэ асуудал улам ойлгомжтой болно.
Одоо сандраад байгаа юм уу?

Avatar

Иргэн 2019-11-15 64.119.24.105

АМНАТ-ыг өөр татвараар орлуулах болж дээ

Avatar

зочин 2019-11-15 202.126.88.159

АМНАТыг авч чадахгүй улс орныг төлбөрийн чадваргүй болгосон Засгийн газрыг огцруул монголчуудаа. Байгалийн баялгаа үнэ цэнэтэй, шавхагддаг гэдгийг наадуул чинь ойлгохгүй бна. Ойлгосон ч тоохгүй бна.

Avatar

Иргэн 2019-11-15 202.21.108.174

Монголд бүртгэлтэй Монголын хуулийн итгээд Оюунтолгой компаны 34 хувийг үнэгүйгээр авч болох байтал заавал зээл авч, хүүний төлбөрийг жил болгон төлөх шидвэр гаргасан хүмүүсийн үнэнд гүйцэгдэх цаг нь ирж байгаа юм байна.
АМНАТ буюу Royalty-ийн тухай ярих тусам энэ асуудал улам ойлгомжтой болно.
Одоо сандраад байгаа юм уу?

Avatar

ГЭ гээд бичихе таагаад олоорой 2019-11-15 103.111.68.3

АМНАТ гэж юу гэсэн ч үг юм.
А, М, Н, А, Т үсгүүдээр эхэлдэг хэдэн үг байдаг юм бэ? тааж унших хэцүү байна шүү

Avatar

Зочин 2019-11-15 66.181.187.164

Ашигт малтмалын нөөц ашигласны төлбөр

NewsMN Гар утасны хувилбар Татах
NEWS.mn

Мэдээллийн эх сурвалж