Лиза, Жэнни, Рөүз, Жисү хэмээх дөрвөн гишүүнтэй YG энтертайнментын Blackpink охидын хамтлагийн 2018 оны зургадугаар  сарын 15-нд гаргасан "Ддү-дү ддү-дү" дуу юүтүб дээр нэг тэрбум үзэгчтэй болж,  Солонгосын урлагийн түүхэнд бичигдлээ.

Blackpink хамтлагийн нэрийн хуудас болсон "Square up", "Ддү-дү ддү-дү" дуунуудыг Солонгос-Америк рэппер, дуу зохиогч, продюсер Тэдди бичиж, продюсерлэсэн гэнэ.

Тэрбум үзэгчтэй болсон дээрх дууг Биллбоард "Дур булаам чанараар дүүрэн хип хоп дуу", "гайхалтай трап хэмнэлтэй" хэмээн тодорхойлжээ.

Blackpink хамтлаг ийнхүү Солонгосын анхны тэрбум үзэгчтэй хамтлаг болж байгаа нь сайшаалтай ч бид PSY-ыг мартаж болохгүй. PSY "Ганнам стайл" дуугаараа гурван тэрбум үзэгчтэй болж байсан билээ. Мөн PSY ч гэсэн YG энтертайнментэд харьяалагддагийг дурдъя.

Б.АМАРБАЯСГАЛАН 

Эх сурвалж: nextshark.com