"Ерөнхийлөгчийг УИХ-аас сонгодог байх систем рүү орох хэрэгтэй" | News.MN

"Ерөнхийлөгчийг УИХ-аас сонгодог байх систем рүү орох хэрэгтэй"

ТЭМҮҮЛЭН

"Ерөнхийлөгчийг УИХ-аас сонгодог байх систем рүү орох хэрэгтэй"

"Ерөнхийлөгчийг УИХ-аас сонгодог байх систем рүү орох хэрэгтэй"

УИХ-ын чуулганы нэгдсэн хуралдаанаар Үндсэн хуулийн нэмэлт, өөрчлөлтийн төслийн гурав дахь хэлэлцүүлгийг хийж байна. Төрийн байгуулалтын байнгын хорооны дэмжсэн саналуудаар санал хураалт явагдаж байна.

Энэ үеэр УИХ-ын гишүүн Г.Тэмүүлэн сонгуулийн холимог тогтолцоог дэмжихгүй байгаагаа илэрхийлсэн юм.

Тэрбээр “Зарчмын хувьд Үндсэн хуульд нэмэлт, өөрчлөлт оруулах зайлшгүй шаардлага бий. Энэ үүднээс хуулийн төслийг би дэмжиж байгаа. Хуулийн төслийн нэмэлт, өөрчлөлтийн хүрээнд бид Монголын төрийг яаж хүчтэй болгох уу, төрийн албыг яаж тогтвортой болгох уу, цаашид Монголын хөгжилд чөдөр тушаа болж байгаа асуудлуудыг хэрхэн шийдвэрлэх үү гэдэгт чиглэгдэж байгаа. Гурав дахь хэлэлцүүлгээр орж ирсэн саналын томьёолуудад төрийн тогтолцоотой холбоотой хоёр асуудал орж ирээгүй байна. Ерөнхийлөгчийг УИХ-аас сонгодог байх АН-ын санал орж ирсэнгүй. УИХ-ын гишүүд гараа өргөөд 100 хувь дэмжих ийм санал байсан.

Хоёрдугаарт, сонгуулийн холимог тогтолцоо буюу сонгуулийн жагсаалтыг оруулж ирснийг би дэмжихгүй. Үүнд би анхнаасаа л байр сууриа хатуу илэрхийлж ирсэн. Нам улс төрийн хүчний зүгээс Үндсэн хуулийн нэмэлт, өөрчлөлтийн асуудалд ямар нэгэн байдлаар хайрцаглах эсвэл улс төрийн бодлого гэж тулгах шаардлагагүй. Шинэ Үндсэн хуульдаа эрхзүйт төрийг бий болгох гэж байгаа бол орж ирж байгаа саналуудад гишүүд бүр чөлөөтэй байр сууриа илэрхийлж, сонгогчдынхоо дуу хоолойг илэрхийлэх үүрэгтэй. Ерөнхийлөгчийг УИХ-аас сонгодог байх АН-ын саналыг яагаад гацаачихав. Зөвшилцлийн ажлын хэсэг юун дээр очоод гацав, ямар эрх ашгийн үндсэн дээр ярилцав. Д.Эрдэнэбат гишүүний ярьж байгаагаар энэ саналаа АН татаагүй гэдгээ хэлсэн байна лээ. Уг нь энэ асуудалд намчирхалгүйгээр, улстөржихгүйгээр нэгдсэн байр суурь, ойлголцолд хүрч шийдвэрлэх асуудал байсан.

1992 оноос хойш УИХ болон Ерөнхийлөгчийн нийт долоон удаагийн сонгууль явагдсан. Нийт таван удаа ерөнхийлөгч сонгогдсон. Таван ерөнхийлөгч тавуулаа муу байсан гэж бид хэлж болохгүй. Тэгэхээр хүндээ бус тогтолцоондоо асуудал байгааг илтгэнэ. Тогтолцоо нь хүнээ эвдээд байна гэсэн үг. Үүнийг цэгцлэх үүднээс Ерөнхийлөгчийг УИХ-аас сонгодог байх систем рүү орох хэрэгтэй. Энэ нь цаашид Монголын хөгжлийн төлөвшилд хэрэгтэй гэж харж байгаа. Ерөнхийлөгчөө парламентаас томилдог байх парламентын сонгодог жишиг рүү орох цаг нь болсон. Яагаад энэ асуудалд зөвшилцлийн ажлын хэсэг санаачилга гаргаж ажилласангүй вэ. Үе үеийн парламент нь Ерөнхийлөгчдөө тал зассаар эрх мэдлийг нь нэмсээр тогтолцооны согогтой болгочихсон. Үүнийг өөрчлөх ёстой.

Дараагийн асуудал бол сонгуулийн холимог тогтолцоо. Намын жагсаалтын ард нуугддаг эргээд очих тойрог, буцах хаяг, эзэнгүй ийм гишүүд хэрэггүй гэж ард түмэн хэлдэг. Сонгуулийн холимог тогтолцоо хэрэгжих боломжгүй гэж харж байгаа. 30 намаас тус бүр 25 хүн нэр дэвшүүллээ гэхэд нийт 750 хүнээс сонгогчид яаж сонголтоо хийх вэ. Техник технологи болон цаг хугацааны хувьд асуудалтай. Энэ тохиолдолд эмэгтэйчүүд, залуус жагсаалтын хойгуур л жагсана. Энэ нь шударга зарчмыг хангаж чадах уу. Холимог тогтолцоог нь улс төрийн намууд цэвэрших тогтолцооны эсрэг болно. Өнөөдөр нийгэмд улс төрийн намуудын нэр хүнд унасан, намууд нь төлөвшөөгүй ийм цаг үед тохиромжгүй заалт. Хэдийгээр намын жагсаалтад орсон нэр дэвшигчийг сонгоно гэж байгаа боловч эхний тав, 10-т хэн хэн жагсах вэ гэдэг нь тухайн улс төрийн нам хүчнээс бүрэн хамаарна. “Бух залсан” гэдэг шиг  эхний тав, 10-т  байнгын сонгогддог, 10-20 жилээр төрд байсан хүмүүс л жагсана. Ноёны бөхийг сонгохгүй гэж байгаа ч ноёны бөх нь ноёнтойгоо орж ирэх тогтолцоог бий болгох гэж байна. Ардчилсан шударга зарчмаараа явж, ард түмнээрээ дүнгээ тавиулдаг энэ зарчаараа явсан нь зөв. Ард түмний хүсэхгүй байгаа зүйлийг бид хүчлээд хэрэггүй байх” гэлээ.

"УИХ-ын сонгуулийг олонхын болон хувь тэнцүүлсэн зарчмыг хослуулан явуулна. Сонгогч тойрогт нэр дэвшсэн болон намын жагсаалтад орсон нэр дэвшигчийн төлөө санал өгнө" гэсэн заалтыг Үндсэн хуульд оруулах эсэхээр санал хураалт явуулахад 59.4 хувийн саналаар дэмжигдсэнгүй.

"Болор дуран"-аар шалгав.
Энэ мэдээнд өгөх таны сэтгэгдэл?
3
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-11-14 66.181.161.10

Энэ 30 жилд улсаа хамгийн их хорлосон газар бол УИХ. Эзэн холбогдогч байхгүй баахан шийдвэрүүд. Одоогийн УИХ-ын 50 орчим нь гэмт хэрэгт холбогдсон. Тэгээд ханахгүй бас Ерөнхийлөгчөө хамсаатан болгох. Жинхэнэ МАНАН олигархуудын санаа.

Avatar

Зочин 2019-11-14 182.160.40.22

Төрийн нэг өндөрлөгөй ай? . Ерөнхий сайдийг УИХ-аас, Ерөнхийлөчийг бас УИХ-аас УИХ-н дараагын гишүүдийг бас өмнөх УИХ-аас . .. Дараа нь иргэн Дорж , Дондог , Бат нар ямар ямар эхнэр авхыг бас УИХ -томилох уу? Бас байж болхол юм даа хэ хэ

Avatar

Зочин 2019-11-14 202.179.31.124

Ерөнхийлөгчийг ард түмнээс сонгох нь зөвшдээ. Эрдэнэ 2021 онд ерөнхийлөгч болно гээд зүүдлээд байгаа юм.

Avatar

Зочин 2019-11-14 66.181.166.134

baliar erh medeld shunasan humuus uls turuus garahaas naash Mongol uls tiim ymand belen bishshuu

Avatar

Чагнаа 2019-11-14 124.158.109.140

Ерөнхийлөгч ард түмний эв нэгдэлийн илэрхийлэл байхаа больж Их хурлын 76-ын эв нэгдэлийн илэрхийлэл болно гэсэн үг.

Avatar

Зочин 2019-11-14 202.21.122.166

Парламент нь ажлаа хийж чадахгүй байж яаж ерөнхийлөгчийг сонгох гээд бгаа юм бэ. Манай танай гэсээр бгаад нэг хүүхэлдэй тавьчихвал яахийн. Ард түмнээс сонгосон нь хамаагүй дээр. 76 гахайнууд ард түмнээ төлөөлж чадахгүй бгаа биздээ.Тэгээд ч 76 хулгайч бснаас 20 хүний баг байсан нь дээр. Ядаж цөөхөн хүн байвал бага идэх юм даа

Avatar

/*/ 2019-11-14 49.0.212.139

Парламентаас сонгоно гэдэг чинь намын бүлгээс сонгоно гэсэн үг, намын бүлэг чинь хэнийг дэвшүүлэх вэ, мэдээж намынхаа хамгийн баян санхүүжүүлэгчийг. Тэгвэл ер нь ерөнхийлөгч гэдэг орон тоо гаргаж тэжээх ямар хэрэг байх юм бэ

Avatar

Uher 2019-11-14 66.181.161.120

Teneg maluud ve kk parliament iin zartstai boloh geed bgaa muu. Buh ard tumen songoh yostoi

Avatar

зочин 2019-11-14 202.9.43.11

Ерөнхийлөгч гэдэг албан тушаалыг бүр ор мөргүй устгаж хаях хэрэгтэй …… Парламент аа 2 танхимтай болгоо…

Avatar

Зочин 2019-11-14 182.160.2.153

Ерөнхийлөгчөө парламентаасаа / сэхээтнүүдээсээ/ сонгох нь зөв. Ингэхгүй бол Гантулга Хүүк, Батзандан мэтийн хэнээтнүүд ерөнхийлөгч болчих аюултай.

Avatar

Зочин 2019-11-14 59.153.84.70

Тус тусдаа сонгодог байсан нь дээр бие биенээ хянаж байг нэгэнт УИХ гишүүд болон Ерөнхийлөгч дархан эрхтэйгээс хойш мөн олигтойг нь нэр дэвшүүлж сонгож чадахгүй учраас

Avatar

Ерөнхийлөгчийг бүх Ард түмнээс сонгоно 2019-11-14 192.82.74.2

Үе үеийн хулхи 76 Ерөнхийлөгчийг сонгодог болбол Монгол улс улам уруудаж мөхнө. Эсвэл Ерөнхийлөгчийн засаглалтай болсон дээр. Ухаантай нэг л толгойгоор 3 сая хүнийг удирдаж Монгол улсаа хөгжүүлэх боломжтой. Парламентийн засаглал гэж олонхи нэрээр хариуцлага үүрдэггүй балай засаглалаас эгнэгт залхав Ард түмэн бид.

Avatar

Зочин 2019-11-14 59.153.84.70

Тэнэг нэг толгой гарвал Венесуэлийн Мадуро Зимбабийн Мугабэ шиг улсаа сүйрүүлэх биз

Avatar

Зочин 2019-11-14 124.158.109.140

Харин ч өөрийн толгойтой гээч…

Avatar

Зочин 2019-11-14 202.179.24.91

Ерөнхийлөгчийг парламентаас сонгох нь зөв.

NewsMN Гар утасны хувилбар Татах
NEWS.mn

Мэдээллийн эх сурвалж