2019 оны 11 дүгээр сарын 12-ны өдөр ХУД-н ХХҮХ-ийн дарга Б.Бадамсүрэн, мэргэжилтэн Б.Дашцэнд, Л.Амарсайхан,Х.Нарантунгалаг нар хөгжлийн бэрхшээлтэй хүүхэдтэй эцэг, эхийн холбооны Хан-Уул дүүрэг дэх салбарын үйл ажиллагаатай танилцан хамтран ажиллах талаар сана солилцлоо.

Хөгжлийн бэрхшээлтэй хүүхэдтэй эцэг, эхийн холбооны нь Нийслэлийн 3 дүүрэг, 16 аймагт хүүхэд хөгжлийн төвүүдтэй бөгөөд Хан-Уул дүүрэг дэх НОГООН ГАРХАН урланд оюуны хомстолтой иргэдэд ажлын байр гаргаж тэднийг хөдөлмөр эрхлүүлэх замаар нийгэмшүүлэх, хөгжүүлэх, чадавхижуулах зорилготой ажиллуулж байгаа талаар холбооны тэргүүн С.Сэлэнгэ танилцуулав.

ХУД-ийн ХХҮХ-ийн дарга оюуны хомстолтой хөдөлмөр эрхэлж буй иргэдтэй уулзаж тэдний үйлдвэрлэж буй бараа бүтээгдэхүүнийг ХУД-н ХХҮХ-ийн дэргэдэх борлуулалтын цэгээр дамжуулан борлуулах, тэдний үйлдвэрлэж буй бэлэг дурсгалын зүйлсээс байгууллагадаа захиалга авч дэмжихээр боллоо. Оюуны бэрхшээлтэй иргэд юм ойлгохгүй юу ч хийж чадахгүй гэдэг ойлголт сэтгэлгээг өөрчилж тэдэнтэй уйгагүй ажиллаж буй багш ажилтнуудтай уулзахад бахархалтай байлаа.

ЭХ СУРВАЛЖ: ХУД