БНСУ:"Элит" сургуулийг улсынх болгосноор үе тэнгийн гадуурхал буурна гэж үзжээ | News.MN

БНСУ:"Элит" сургуулийг улсынх болгосноор үе тэнгийн гадуурхал буурна гэж үзжээ

БНСУ:"Элит" сургуулийг улсынх болгосноор үе тэнгийн гадуурхал буурна гэж үзжээ

БНСУ:"Элит" сургуулийг улсынх болгосноор үе тэнгийн гадуурхал буурна гэж үзжээ

Өнөөгийн Өмнөд Солонгосын нийгэмд аль их сургуулийг төгссөн нь тухайн хүний ирээдүйг тодорхойлдог. Улсын нэр хүндтэй их сургуулийг төгссөн оюутан хүссэн ажилдаа орж, амжилт гаргах цаашлаад гэр бүл зохиох боломж өндөр байдаг. Тиймээс ч дунд сургуулийн сурагчдын хувьд элсэлтийн шалгалт ирээдүйг нь шийдвэрлэх гол зүйл болдог байна. Эцэг, эхчүүд ч хүүхдээ элсэлтийн шалгалтдаа өндөр оноо авч, нэр хүндтэй их сургуульд оруулахын тулд аль болох сайн дунд сургууль, хэлний дамжаа бусад сургалтуудад хамруулахыг хичээдэг. Өмнөд Солонгост нэр хүндтэй элит хувийн дунд сургуулийн жилийн төлбөр улсын сургуулийнхаас гурав дахин өндөр байдаг аж. Түүнчлэн эцэг, эхчүүд эдгээр элит сургуулиудад хүүхдээ оруулахын тулд 1,5-1,7 дахин их мөнгийг боловсрол олгох хувийн институтэд зарцуулдаг гэсэн судалгаа гарчээ.  Харин ирэх 2025 оноос эхлэн эдгээр элит хувийн сургуулийн статусыг өөрчилж, сургалтын кредит системтэй болгох шийдвэрийг Өмнөд Солонгосын Боловсролын сайд гаргажээ. Боловсролын сайд Ёо Юн Э мэдэгдэхдээ боловсролын ялгаатай систем нь нийгмийн анги давхаргын ялгааг нэмэгдүүлж байгааг шүүмжилж, цаашид шударга боловсролын тогтолцоог бий болгохоо амлажээ. Энэ оны дөрөвдүгээр сарын байдлаар Өмнөд Солонгост тусгай боловсролын 79 институт идэвхтэй үйл ажиллагаа явуулдаг ч дунд сургуулийн сурагчдын ердөө 4 хувь нь тэдгээрт хамрагддаг байна. Гэтэл орон даяарх 1555 энгийн дунд сургуульд 1,1 сая хүүхэд суралцдаг аж. Түүнчлэн өнгөрсөн есдүгээр сард явуулсан судалгаагаар 13 их сургуулийн сурагчдын 25 хувь нь хувийн элит дунд сургууль эсвэл тус их сургуулийн лицейг төгссөн сурагчид эзэлж байгааг тогтоожээ. Харин 2025 оноос эхлэн дунд сургуулийн систем сурагчдын хэрэгцээ, сонирхолд нийцсэн системээр ажиллаж эхлэх аж. Өөрөөр хэлбэл өрсөлдөөнд суурилж, зэрэглэлд анхаарсан боловсролын системийг хувь сурагчдад чиглэсэн болгож өөрчилнө гэсэн үг. Тухайлбал, ахлах ангийн сурагчид хүссэн чиглэлээрээ хичээлээ сонгож болох ба урлаг, дууны чиглэлээр ч хичээлээ гүнзгийрүүлэн үзэх боломжийг нээж өгөх гэнэ. Мөн энгийн сургуулийн хүчин чадлыг нэмэгдүүлэх зорилгоор таван жилийн хугацаанд улсын төсвөөс хоёр их наяд вон буюу ойролцоогоор 2,3 тэрбум ам.долларыг зарцуулах аж. Элит дунд сургуулийг үгүй болгох нь Өмнөд Солонгосын Ерөнхийлөгч Мун Жэ Иний 2017 оны сонгуулийн амлалтын нэг аж. Түүнчлэн өнгөрсөн наймдугаар сард 10 элит дунд сургуулийн лицензийг цуцалсан байна.

Өмнөд Солонгосын боловсролын системийн энэхүү том өөрчлөлт нь нийгмийн бүх давхаргад ижил боломж, шударга өрсөлдөөнийг нээгээд зогсохгүй, элсэлтийн шалгалтын дарамтаас сурагчдыг гаргах боломжтой. Өмнөд Солонгост элсэлтийн шалгалтаас үүдсэн стресс, дарамт сурагчдын дунд их байдгийг уран сайхны болон олон ангит киногоор дүрслэн харуулсан байдаг. Түүнчлэн нийгмийн давхаргаас шалтгаалсан сургууль дээр сурагчид нэгнээ дээрэлхэх, дарамтлах үзэгдэл (school bullying) хэрээс хэтэрчээ. Өмнөд Солонгост 15-24 насны хүүхэд, залуучуудын дунд амиа хорлолт өндөр байдаг аж. Сурагчид ихэвчлэн хичээл сурлагын ширүүн өрсөлдөөнөөс үүдсэн стресс бухимдал эсвэл сургууль дээр дээрэлхүүлж, дарамтлуулснаас амиа хорлодог байна. Албан ёсны судалгаагаар 2015 оны байдлаар Өмнөд Солонгосын  10 сурагчийн  3 нь ямар нэгэн байдлаар сургуулийн орчинд бусдад дарамтлуулж, дээрэлхүүлсэн гэж мэдүүлжээ. Аргаа барсан эцэг, эхчүүд хүүхдээ сургууль дээрээ дарамтлуулахаас сэргийлэн булчин шөрмөслөг, шивээстэй “хуурамч” ах нарыг хөлсөх болжээ. Өмнөд Солонгосын хэвлэлд мэдээлснээр эдгээр хуурамч ах нар өдрийн 450-1790 ам.долларын хөлсөөр тухайн сурагчийг бусдад дээрэлхүүлсэн нөхцөлд бичлэг хийх, зургийг нь авах зэргээр баримт цуглуулж, тэднийг айлгах зэрэг ажлыг хийдэг гэнэ. Улмаар хохирогч сурагчдын эцэг, эхчүүд шүүхэд зарга мэдүүлэх нь нэмэгдсэн байна.

"Болор дуран"-аар шалгав.
Энэ мэдээнд өгөх таны сэтгэгдэл?
5
ЗөвЗөв
2
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Ардчилал бол зүгээр л зохион байгуулалт 2019-11-14 202.126.89.28

Бидний ардчилал гэх ойлголт бол хөл толгойгүй замбраагүй байдал.Харин ертөнц арай өөрөөр ажиллаад байна даа

Avatar

Зочин 2019-11-14 103.57.95.233

So nar japaniig buh yuman deer duuriah yumaa. Tegcheed japaniig uzen yadna huulsan yumaa uursduu bii bolgoson gej yarina. Japanii bolovsroliin system mundag shuudee. Huviin surguuli gej baihgui. Buh surguuli ijil zeregleliin

Avatar

Зочин 2019-11-14 64.119.25.140

энэ ер нь зөв зоригтой шийдвэр байна даа. Монголын үнэтэй хувийн сургуулиудад хүнээ байсан хүүхдүүд их болоод байгаа сурагтай. Баячуудын хэдэн тэнэг цадиггүй хүүхдүүд юу ч хийхээс буцдаггүй гэж байгаа. Ухамсар нь төлөвшөөгүй хүүхдүүд манай аав ээж дэлхийг атгадаг би яасан ч болно гэж ойлгодог юм шиг байгаа юм.

Avatar

Зочин 2019-11-14 1.223.35.59

orchin uyiin zaluus sexiin erh choloo gej zambaraagui zavhai bolson baina lee muuhaishd hun dotor gadar buh talaaraa goo saihan baih heregtei

Avatar

smokeless stove 2019-11-14 1.223.35.59

mongoliin bolovsrol uneheer muudsan baina lee. bolovsrol gedeg bol systemchiulsen medleg. getel ereever huraavar setguul shig bolson surah bichigtei bolson ih muudsan baina unshaad uzsen chin surah yum barag alga. orosiin surgalt deer baisiin

Avatar

Зочин 2019-11-14 1.223.35.59

hervee bugd adil surgalttai boloh yum bol surguuliin surgalt mash ondorjih heregtei. bugd ondor surgalt yavuuldag boloh

Avatar

Зочин 2019-11-14 1.223.35.59

yum l bol solongosiig duuriahaa bolih heregtei. harin ch ur dung n huleej harsan n deer

Avatar

Зочин 2019-11-14 203.91.115.44

Монголын хувийн элит дунд сургуулиудыг бүгдийг нь татан буулгая аа төрөөс хувьсах зардал нэрээр жил бүр хэдэн их наяд мөнгө хусдаг хулгайлдаг

МОНГОЛД БАЙГАА ЭЛИТ ГЭГДСЭН ХУВИЙН ДУНД СУРГУУЛИУДЫГ БҮГДИЙГ ТАТАН БУУЛГАЯ ЭХ ОРНОО ХӨГЖҮҮЛЬЕ

Avatar

зөв 2019-11-14 202.21.127.160

Арагагүй л улс орныхоо ирээдүйг боддог төр засаг гэж энэ байх даа, юуных нь элит байхав дээ, бэлэн юман дээр зовлон үзээгүй өссөн хүүхдүүд ирээдүйд нийгэмд маш аюултай сөрөг нөлөө үзүүлнэ. Манайд ч бас ингэх хэрэгтэй.

NewsMN Гар утасны хувилбар Татах
NEWS.mn

Мэдээллийн эх сурвалж