24 цагийн ажиллагаатай цагдаагийн кабон байгууллаа | News.MN

24 цагийн ажиллагаатай цагдаагийн кабон байгууллаа

24 цагийн ажиллагаатай цагдаагийн кабон байгууллаа

24 цагийн ажиллагаатай цагдаагийн кабон байгууллаа

Нийслэлийн Гэмт хэргээс урьдчилан сэргийлэх ажлыг зохицуулах зөвлөл (НГХУСАЗЗ)-өөс гудамж талбайд аюулгүй байдлыг сахиулах, олон нийтийг аливаа гэмт хэргээс урьдчилан сэргийлэх зорилгоор шат дараатай арга хэмжээ авч буй. Энэ хүрээнд Сонгинохайрхан дүүргийн XII хороо, Саппорогийн тойргийн автобусны буудлын дэргэд цагдаагийн кабон байршуулж, өнөөдрөөс үйл ажиллагааг нь эхлүүллээ.

Саппоро орчимд гар дээрээс зөвшөөрөлгүй худалдаа эрхлэх, цаашлаад биеэ үнэлэх, архидан согтуурч бусдын амгалан байдлыг алдагдуулах гэмт хэрэг, зөрчил олноор үйлдэгддэг болохыг цагдаагийн байгууллагаас мэдээлж буй. Тиймээс нийслэлийн ИТХ-ын төлөөлөгч С.Мөнхчулуун тухайн хэсэгт цагдаагийн кабон байршуулах санаачилга гаргасныг НГХУСАЗЗ-өөс дэмжиж ажил болгосон юм. НГХУСАЗЗ-ийн Нарийн бичгийн дарга Б.Батбямба кабоны нээлтийн үеэр “Цагдаагийн байгууллагаас Саппоро орчимд үйлдэгддэг гэмт хэрэг, зөрчлийн талаарх статистик мэдээллийг гаргасан байдаг. Гарч буй гэмт хэрэг, зөрчлийг бууруулахын тулд уг кабоныг ажиллуулж байна. Тухайн ажлын санжхүүжилт 2019 онд төсөвт суугаагүй ч НГХУСАЗЗ-аас хөрөнгө шийдвэрлэж, кабоныг байршуулж буй. Нийслэлийн удирдлагын үндсэн үүрэг бол иргэдийг ажиллаж, амьдрахад таатай орчин бүрдүүлэх, Үндсэн хуулиар олгогдсон эрхийг эдлүүлэхэд онцгойлон анхаарах явдал юм. Тиймээс Нийслэлийн цагдаагийн удирдах газартай хамтран арга хэмжээ авч байгаа юм” гэв.

Өмнө нь Сонгинохайрхан дүүргийн нутаг, “Хархорин” захын орчимд мөн ийм кабон байршуулсан бөгөөд үр дүнд нь тухайн орчимд үйлдэгддэг гэмт хэрэг 20 орчим хувиар буурсан үзүүлэлттэй байгааг цагдаагийн байгууллагаас мэдээлэв. “Цагдаагийн байгууллагын хяналтыг сайжруулсанаар хэрэг, зөрчил гарах нь цөөрдөг гэдгийг “Хархорин” захын дэргэд байршуулсан кабоны жишээнээс харж болно. Тухайн орчинд мөн л гар дээрээс худалдаа эрхлэх, архидан согтуурах, хулгай, танхайн хэрэг олон гардаг байсан тул цагдаагийн кабон байршуулах санаачилга гаргаж, дүүргийн ГХУСАЗЗ-ийн санхүүжилтээр шийдүүлж байсан. Энэ удаа НГХУСАЗЗ-ийн хөрөнгөөр Саппорогийн автобусны буудлын дэргэд кабон байршуулуулж, Сонгинохайрхан дүүргийн Цагдаагийн III хэлтэст хүлээлгэн өгч байна. Энэ хавьд гэмт хэрэг олон гардаг. Үүнийг шийдэхийн тулд эхний ээлжинд цагдаагийн байнгын посттой болгож байгаа юм. Тус кабон 24 цагийн турш үйл ажиллагаа явуулах тул Саппоро орчимд гэмт хэрэг, зөрчил гарах тохиолдол багасна” гэж нийслэлийн ИТХ-ын төлөөлөгч С.Мөнхчулуун онцолсон.

Б.ЦЭЦЭГ

"Болор дуран"-аар шалгав.
Энэ мэдээнд өгөх таны сэтгэгдэл?
2
ХахаХаха
1
ГайхмаарГайхмаар
0
ЗөвЗөв
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-11-13 202.126.89.233

Хархорин захын хойно гар дээрээс худалдаа хийж явган хүний зам талбайг хааж бохирдуулан, архидалт мөрийтэй тоглоом, зодоон байнга явагдан гэмт хэрэг зөрчлийн гол цөм болж байгааг БГД-ийн цагдаагийн хэлтэс огт анхаарахгүй байна. Цагдаа нар нь торгууль нэрээр өдөр бүр 500 000-600 000 төгрөгийн авилга шан харамж авч энэ хүмүүсийг тараах хууль бус үйлдлийг таслан зогсоох арга хэмжээ авах сонирхолгүй байна. Торгууль нэрээр авч буй авилга нь бэлэн мөнгөөр хийгддэг учраас цагдаа нарт ч ашигтай.

Avatar

Zarim sarmagchin mongolchuudad 2019-11-13 207.6.112.23

Zagdaagiin shovgor l geech dee, shalihgui umnuud baij neeh kabon ch geh shig sarvagchinguud chin, tenegtezgeedgiin.

Avatar

Зочин 2019-11-13 207.6.112.23

Ene neg orond barigdsan hujaa shig uheh gej baigaa unjiisan zaraitai 1 hun bna, darga bolchihno l gej moroodood yavaad baidgiin baihdaa. darga bolohgui bol amid yavah yamar ch arga baikhgui humuus mon hezuu ee!!

Avatar

Зочин 2019-11-13 103.57.95.38

Eruuleer uildsen tanhai etgeed

Avatar

Зочин 2019-11-13 104.238.46.173

Chi kharin ooriinkhoo selem erguuldeg baaraa khaachikh.

Avatar

УЛААНГОМ 2019-11-13 64.119.21.251

КАБОН БИШ КООБАН ЮМ АА.  交番 буюу иргэд ирж цагдаатай мэдээлэл солилцдог харилцдаг путка юм аа. Хэрэв оршин суугчид ирж цагдаа нартай харилцахгүй цагдаа нар үүрмэглээд сууж байдаг, эсвэл гадуур явж явж ирээд дулаацдаг газар болчих юм бол харин кообан биш жинхэн кабон ч юм уу габон ч юм уу хапон ч юм уу болж хувирах байх.

Avatar

тайлбар 2019-11-13 122.201.24.18

Кобан, амбаар бишээ 4-6 цагдаагийн алба хаагч 24 цагаар ажиллаж тухайн орчинд байгаа иргэдэд үйлчилдэг цэгийг /барилгыг/ хэлдэг.

Avatar

Зочин 2019-11-13 103.229.123.45

кобан гэдэг юм уг нь, япон үг л дээ, цагдаагийн жижиг амбаарыг хэлж буй

Avatar

zochin 2019-11-13 202.131.229.2

кабон гэж юу гэж байгаа юм бэ. зөв бичээчээ. Кабин л гэж баймаар юм.

NewsMN Гар утасны хувилбар Татах
NEWS.mn

Мэдээллийн эх сурвалж