Монголын чөлөөт бөхийн холбооны удирдлагууд тамирчдаа хүлээж авч, шагнаж урамшуулсны дараа компани, аж ахуй нэгжүүд мөнгө өндөр шагнал өглөө. Тухайлбал, Үндэсний хөрөнгө оруулалтын банкны хамт олон Дэлхийн хошой аварга С.Батцэцэгт “Нарны хороолол”-оос гурван өрөө байр авах эрхийн бичгээр шагналаа.

Тус компанийнхан гурван янзын байр сонгоод, бэлтгэчихсэн байгаа аж. Дэлхийн аварга С.Батцэцгийг нэг заваараа очоод, байраар сонгоод аваарай хэмээн хэлж байсан.

Мөн “Гацуурт” компанийн захирал Ч.Чинбат “Гацуурт Олимп” клубын тамирчин Б.Номинд хоёр байрын батламж гардуулсан юм. Ийнхүү дэлхийн аваргаас медаль хүртсэн тамирчид байраар шагнуулллаа. Түүнээс гадна П.Өнөрбат, Э.Бэхбаяр нарт ч гэсэн орон сууц өгөхөөр амласан захирлууд хөдөө орон нутагт болон гадаадад яваа гэдгийг хурлын үеэр дуулгасан юм.

Мөн С.Цэрэнчимэдийн байрны асуудлыг “Алдар” спорт хороо, Батлан хамгаалах яамныхан ярилцаж, шийдвэрлэх гэж байгааг ч энэ үеэр дуулгаж байлаа.

Н.ПУНЦАГБОЛД

Эх сурвалж: www.mminfo.mn