Алслагдсан хөдөө тосгоны эмэгтэйчүүд богиносгосон цагаар ажиллах хуульд ОХУ-ын Ерөнхийлөгч Владимир Путин гарын үсэг зурлаа. Ерөнхийлөгч ийнхүү баталсны дараа хуулийг бүрэн эхээр нь хууль эрх зүйн албан ёсны цахим хуудсанд байршуулсан байна.

Хуульд зааснаар алслагдсан хөдөө тосгонд амьдарч ажиллаж байгаа эмэгтэйчүүд долоо хоногт 36 цаг ажиллах эрхтэй болж байгаа юм. Орост долоо хоногийн ажлын нийт цаг 40 байдаг. Хөдөөгийн эмэгтэйчүүдийн ажлын цаг ийнхүү 4 цагаар богиносч байгаа ч цалин нь 40 цагаар бодогдох ажээ.

Хөдөө тосгоны эмэгтэйчүүд гол хөдөө аж ахуй, мал ахуй дээр ажиллаж байгаа энэ нь хөдөлмөрийн хүнд нөхцөл гэж үзэн ийнхүү ажлын цагийг богиносгож байгаа юм.

Эх сурвалж: РИА НОВОСТИ