Google бол магадгүй энэ дэлхий дээрх ажиллахад хамгийн сайхан газар байж болох юм. Калифорния мужийн Маунтин-Вьюд төвтэй технологийн акул энэхүү компани Business Insider –аас нэрлэдэг “Америк дахь ажиллахад хамгийн сайхан компаниуд” жагсаалтад үргэлж дээгүүр бичигдсээр ирсэн ба энэ жил 2 –р байранд орсон юм.

Дэлхий нийтийн судалгаа, зөвлөгөөний пүүс болох Universum –ийн дүгнэлтээр “Дэлхийн хамгийн сэтгэл татам ажил олгогч” –оор шалгарч, Glassdoor компаниас нэрлэдэг “Ажиллахад хамгийн сайхан газар – 2015” шагналын эзэн болсон юм.

Google компани “Googleplex” кампусын санал болгодог бүхий л зүйлс (WiFi –тай ажилчдын автобус, эрүүл хоол, дасгалын заал, 18 долоо хоногийн цалинтай жирэмсний чөлөө, ажил дээрх хүүхдийн цэцэрлэг, өрсөлдөхүйц цалин хангамж г.м.,) –д сэтгэл хангалуун байдаг 57,000 гаруй ажилчидтай бөгөөд Payscale –ээс явуулсан судалгааны өгөгдөл ёсоор, Google –чүүдийн 84% нь ажилдаа маш сэтгэл хангалуун байдаг ба 5 жил тасралтгүй ажилласны дараагаар жилд дунджаар 133,000$ -ийн цалин авдаг гэнэ.

Google –ийн хүний нөөцийн албаны захирал Ласзло Бок, “Ажлын дүрмүүд” хэмээх номондоо тайлбарлахдаа: “Ажлын байраа хамгийн сайхан газар болгох түлхүүр нь байнгын шинэчлэл, шинэ санаачлага бүхий, туршилт бүхий, аливаа зүйлсийг хөгжилтэй, зугаатай байлгах явдал юм” гэжээ.

“Энэхүү аргын хамгийн сайхан нь, сайхан орчин гэдэг өөрөө өөрийгөө улам хүчирхэгжүүлэн бэхжүүлж байдаг явдал юм. Гаргасан бүхий л хичээл зүтгэлүүд нэг нь нөгөөгөө дэмжин тэтгэж, бүгдээрээ нийлээд бүтээлч, зугаатай, шаргуу, өндөр бүтээмжтэй албан газрыг бүтээдэг” гэж тэрээр бичжээ.

Google компани дэлхий даяар 40 гаруй оронд 70 гаруй салбар нэгжүүдтэй. Америк дахь программ хөгжүүлэлтийн стратегийн менежер, Google –ийн дэлхий нийтийг хариуцсан санхүү менежментийн багийн гишүүн Майара Феликс, Калифорния дахь Google –ийн төв байранд ажилладаг.

Файара Феликс

Тэрээр Google дэх карьераа 2013 онд бүсийн санхүүгийн менежерээс эхэлсэн ба урьд нь Джордж Тауны их сургуульд элсэх зорилготойгоор Эквадор улсаас АНУ –д нүүн ирж байжээ.

Дэлхийн хамгийн шилдэг ажил олгогч компанийн нэг Google –д ажиллахад яг ямар байдаг талаар бид Феликстэй ярилцсан юм. Түүний яриаг доор нийтэллээ:

үргэлжлэл: biznetwork.mn