Яндангийн тоог цөөлж, гэр хорооллын орчныг сайжруулах бүтээн байгуулалтыг нээлээ | News.MN

Яндангийн тоог цөөлж, гэр хорооллын орчныг сайжруулах бүтээн байгуулалтыг нээлээ

Яндангийн тоог цөөлж, гэр хорооллын орчныг сайжруулах бүтээн байгуулалтыг нээлээ

Яндангийн тоог цөөлж, гэр хорооллын орчныг сайжруулах бүтээн байгуулалтыг нээлээ

Өдгөө 200 гаруй мянган айл өрх инженерийн дэд бүтцээс хол, гэр хороололд амьдарч буй гэдэг статистик бий. Ийнхүү инженерийн дэд бүтцийн хүртээмжгүй байдлаас үүдэн орчны бохирдол ихэсч, иргэдийн эрүүл, аюулгүй орчинд амьдрах эрх зөрчигдөж буй юм. Тиймээс нийслэлийн удирдлага гэр хорооллын инженерийн дэд бүтцийг сайжруулахаар “Дэд бүтцийн төв” байгуулж эхэлсэн. Нийтдээ 16 байршилд “Дэд бүтцийн төв” байгуулахаар болж, эхний шавыг 2017 онд Чингэлтэй дүүргийн VII хороонд тавьсан байдаг.

Чингэлтэй дүүргийн VII хорооны 11, 12, 13, 14, 15 дугаар гудамжинд хэрэгжүүлж буй эхний загвар төслийн ажил дуусч, өнөөдөр нээлээ. Нээлтийн арга хэмжээнд УИХ-ын дарга Г.Занданшатар, нийслэлийн Засаг дарга бөгөөд Улаанбаатар хотын Захирагч С.Амарсайхан, нийслэлийн ИТХ-д тус хорооноос сонгогдсон төлөөлөгч Н.Батсүмбэрэл болон бусад албаны хүмүүс, иргэд оролцов.

Чингэлтэй дүүргийн VII хороо нь Улаанбаатар хотын гэр хорооллын хамгийн их нягтралтай хэсгүүдийн нэг. Төслийн хүрээнд 14 га газарт "Дэд бүтцийн төв" төслийг хэрэгжүүлж эхэлсэн юм. Эл төслийн хүрээнд тухайн хорооны гудамжийг жишиг болгон тохижуулж, авто болон явган зам тавьж, ногоон байгууламж, хиймэл нуур байгуулан, орчныг нь иж бүрэн гэрэлтүүлэг, камертай болгож буй. Мөн гэр хороололд байгуулсан анхны цэвэрлэх байгууламжийг Чингэлтэй дүүргийн VII хороонд "Дэд бүтцийн төв" төслийн хүрээнд барьж, ашиглалтад оруулж байна. Үр дүнд нь өнөөдөр 200 өрх дулаан, цэвэр, бохир усны шугамд холбогдов.

УИХ-ын дарга Г.Занданшатар нээлтийн ажиллагааны үеэр “Өнөөдөр нийслэлчүүдийн хувьд нэг том дэвшил, нэг том бүтээн байгуулалтын эхлэл тавигдаж байна” гээд утааг бууруулах ажлыг эрчимтэй өрнүүлсний үр дүнд нийслэлчүүд утаагүй өвөлжих гэж буйг онцолсон. Тэгвэл нийслэлийн Засаг дарга бөгөөд Улаанбаатар хотын Захирагч С.Амарсайхан дэд бүтэц хөгжсөн, орон сууцанд амьдарч буй мэт ая тухтай, сайхан орчныг бүрдүүлсэн, агаарын бохирдлын эсрэг авч хэрэгжүүлсэн томоохон ажлын нэг нь эл “Дэд бүтцийн төв” болж байна” гэв.

Тус хорооноос сонгогдсон нийслэлийн ИТХ-ын төлөөлөгч Н.Батсүмбэрэл “Өөрийн өмчлөлийн газарт байшин бариад, дулаанаа аваад, цэвэр бохир усны шугамд холбогдоод тав тухтай амьдрах боломжийг бүрдүүлж байгаа энэ ажил бол 21 дүгээр зууны соёлын хувьсгал юм. Өнөөдрийн төр засгийн хийсэн хоёр том алхмын нэг нь утаатай тэмцсэн ажил. Хоёр дахь нь өнөөдөр нээж байгаа “Дэд бүтцийн төв”-ийн бүтээн байгуулалт юм. Иргэд газраа зарахгүйгээр, орон сууцаар солихгүйгээр газар дээрээ байшин барьж, инженерийн дэд бүтцэд холбогдож амьдарснаар хотжилтын алдааг засаж байгаа юм. Дэд бүтцийн төвийг Улаанбаатар хотын олон байршилд барина. Өнөөдөр нээж байгаа төв бол эхлэл нь” хэмээсэн юм.

Нийслэлийн ИТХ-ын ХМОНХТ

"Болор дуран"-аар шалгав.
Энэ мэдээнд өгөх таны сэтгэгдэл?
2
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-11-12 1.223.35.59

maliin baasnaas tog gargaj bolj baigaa yum chin argiig n olbol hunii baasnaas ch gesen tog gargadag bolchihvol jrolongoo ashiglaal tog gargaal zugeer yumsan. baigald ch gesen bohiroo zugeer hayahgui

Avatar

Зочин 2019-11-12 124.158.126.107

төв шугамнаасаа салаалж гэртээ хоолой татуулах мөнгөтэй айл цөөхөн дөө. хашаан дотор, гэр доторхи шугам татуулахад бараг 5-6 сая болдог гэсэн.

Avatar

зөв 2019-11-12 202.21.127.160

Болж байна, Бат-Үүл тэнэг дахин талавлалт нэрээр хүмүүсийг газраас нь салгаж, оронд ядуучуудын хороолол барьсан. Харин энэ бол зөв, газар дээрээ гэр, сууцандаа тохитой амьдрах боломж бүрдэж хаус хороолол бий болох ёстой, ядуучуудын хороолол биш. Ер нь газар бол хамгийн үнэтэй капитал шүү, юун 1,2 өрөө орон сууцаар солих.

Avatar

Зочин 2019-11-12 43.228.131.110

Битгий х**. Батүүл бол бол баатар. Айл болгон нэг амбаар барина биз өөр яадаг юм. 10 айлын амбаар барих газар 10000 айл орон сууц барина малаа.

Avatar

/*/ 2019-11-12 49.0.212.139

Наадах чинь худлаа, сонгууль дөхөөд ирэхлээр шоудаж байгаа заль мэх, бүү итгэ

Avatar

Хэнчбиш 2019-11-12 203.91.115.47

Байшин бариад., болж байна Гэхдээ монгол улсын нийслэлд уламжлалт гэр сууцны жишиг хороолол байх ёстой шшүү шийдлээ хайцгаа

Avatar

Зочин 2019-11-12 5.136.165.112

Ali ert l helj bsan muusain yumnuud uurt ashigtai ued hudlunu l du, ug shine barilgiin gazar uguhgui ger horoololoo barilgajuul gehed end tendgui zambragui barilaga

Avatar

СУВД 2019-11-12 66.181.190.65

ЭНЭ БАЯСАЖ, ГАЙХУУЛЖ БУЙ ХҮМҮҮС ДОТОР ЭНЭ БҮТЭЭН БАЙГУУЛАЛТЫГ САНААЧИЛЖ, ЭХЛҮҮЛСЭН НЭГ Ч ХҮН АЛГА ДАА.

NewsMN Гар утасны хувилбар Татах
NEWS.mn

Мэдээллийн эх сурвалж