Монголд ардчилсан хувьсгал бүрэн ялаагүй байна | News.MN

Монголд ардчилсан хувьсгал бүрэн ялаагүй байна

Ардчилал-30

Монголд ардчилсан хувьсгал бүрэн ялаагүй байна

Монголд ардчилсан хувьсгал бүрэн ялаагүй байна

Одоогоос 30 жилийн өмнө өвөл их цастай, хүйтэн, жихүүн байж. Монголчууд өдөр тутмын хүнс мах, гурилаа худалдаж авах гэж зүдэрч байсан үе. Өргөн хэрэглээний бараа, бүтээгдэхүүн картын системд орж, иргэд уртаас урт дараалалд дугаарлан зогсоно. Алалцахын наагуур тэмцэж, тэвчиж байж авдаг хүнс нь хэмжээ, хязгаартай. Олон ам бүлтэй айлд хаанаа ч хүрэлцэхгүй. Хагас өлгөлөн, хагас итгэл найдвар. Иргэдийн амьдрал бүхэлдээ өл дарах төдий үргэлжилж байв.

Үүнийг өөрчлөх ухаан, зориг, тэмцэл гэр бүл, үр хүүхэдтэй энгийн ардаас яахан гарч чадах. Гэсэн ч тэдэнд энэ нийгмээ шинэчлэх гэсэн нэгдмэл их хүсэл тэмүүлэл байж. Энэ л байдлыг мэдэрч, ойлгож, зориглож чадсан хүмүүс бол Монголын Ардчилсан хувьсгалын анхны партизанууд буюу тухайн үеийн мэдлэг, боловсролтой, нийгмийн түүчээ болсон залуус юм. Тэдний туйлын зорилго бол Монгол орон бие даасан улс болон хөгжиж, ард иргэд чөлөөт нийгэмд элбэг, хангалуун, эрх чөлөөтэй амьдрах байлаа. Үүнийг бий болгоход амаргүй ч тэдний ард олон түмэн бүхлээрээ асаалттай танк шиг хамгаалан буйг залуус мэдэж байсан хэрэг. Тиймдээ ч тэд өвлийн хүйтэн шөнө өлсөж, даарахыг үл ажран, өөрийгөө ч марттал зүтгэсэн биз ээ.

АРДЧИЛЛЫН ЗАМААР…

Ардчилсан хувьсгалын тэргүүнд эгнээнд ингэж л зүтгэж явсан залуусын нэг бол Дэлэгийн Төмөр-Очир. Тэрбээр тухайн үед МУИС-ийн Эдийн засгийн тэнхимийн гуравдугаар курсын оюутан байж. Түүний Ардчилсан хувьсгалд орох болсон шалтгаан бол тэнхимийн багш Санжаасүрэнгийн Зориг. Монголчуудын амьдрал нэг л биш байна, өөрчлөлт, системийн шинэчлэлт хэрэгтэй, залуус бид үүнд нэгдэж, нийлэх ёстой гэх багшийнхаа үзэл баримтлалыг тэр өөрийнхөө оюун ухаанд шингээж байв. Үүндээ бат итгэж, үеийн нөхдөө ч бас “уруу татаж” байлаа. Дараа жил нь Монголын Ардчилсан холбоо /МоАХ/ байгуулагдаж, Ерөнхий зохицуулагчаар МУИС-ийн багш С.Зориг болсныг оюутан Д.Төмөр-Очир дуулжээ. Ингээд тэр маш олон шалгуурыг давж байж, Монголын Ардчилсан холбооны Ерөнхий зохицуулах зөвлөлийн гишүүн болсон байна. Ардчилалд насаараа үнэнч байх эхлэл товчхондоо ингэж тавигджээ.

ХӨВСГӨЛИЙН БАРИВЧИЛГАА

1990 оны дөрөвдүгээр сар. Цэлмэг, нартай мөртлөө жиндүү хүйтэн өвлийн өдрүүд. Хөвсгөл аймгийн төв Л.Даваадоржийн талбайд болсон цуглаанд олон зуун хүн оролцжээ. Уг цуглааныг МоАХ-ны зохицуулагч Д.Төмөр-Очир, Буянгийн Жаргалсайхан тэргүүтэй хүмүүс зохион байгуулжээ. Үүнийг эсэргүүцэж аймгийн удирдлагууд радиогоор үймээн, самуун тарих хүмүүс хууль бус цуглаан хийж байгаа талаар зарлаж, баривчлах тухай мэдээлжээ. Ингэхдээ шугамын радиогийн мэдээллийг дундуур нь тасалж “Та нарын юу хийж байгааг бид мэдэж байна, иргэдийг үймүүлсэн үйл ажиллагаагаа зогсоохгүй бол бид та нарыг баривчилна” хэмээж байв. Гэсэн ч тэд айж хулчийсангүй, цуглаанаа дуустал үргэлжлүүлжээ. Хөвсгөлийн ард түмэн угийн тэмцэгч хүмүүс учраас тэднийг маш сайн дэмжсэн байна.

Маргааш нь албан газруудаар явж ухуулга, лекц уншсаны дараа Б.Жаргалсайхан нийслэл рүү буцав. Харин Д.Төмөр-Очир дараа өдөр нь явахаар үлджээ. Гэвч тэр явж чадсангүй. Учир нь, МоАХ-ны гишүүн Д.Төмөр-Очирыг салбар зөвлөлийн зохицуулагч дөрвөн хүний хамт жагсаал, цуглаан зохион байгуулсан хэргээр онгоцны буудлаас шүүхийн тогтоолгүйгээр Ардын Депутатын Хурлаас тогтоол гарган хүч хэрэглэн баривчилжээ. Цагдаагийн цоо шинэ 69 машин онгоцтой тулж зогсоод тэднийг хүчээр суулгасан байна. Цааш яг л кино шиг үйл явдал үргэлжилж, тэднийг аймгийн цагдаагийн мөрдөнд хорьчихож. Төдөлгүй нэмж салбар зөвлөлийн дөрвөн гишүүнийг баривчилж 20-25 хоног хорих, өөр дөрвөн гишүүнийг тус бүр 500 төгрөгөөр торгох шийдвэр гаргажээ. Үүнийг эсэргүүцэж Д.Чалхаажав тэргүүтэй МоАХ-ны салбар зөвлөлийн гишүүд Цагдан сэргийлэхийн байранд улс төрийн өлсгөлөн зарласан байна. Тэднийг дэмжиж МоАХ-ны арван гишүүн Л.Даваадоржийн талбай дээр улс төрийн өлсгөлөн зарлажээ. Уг тэмцэлд нутгийн иргэдээс гадна Дархан, Дорнодоос ч мөн хүмүүс нэгдэж байв. Тэд эрх баригчдад хандан дараах шаардлага тавьжээ. Үүнд:

  • БНМАУ-ын АИХ-ын Тэргүүлэгчдийн 1990 оны дөрөвдүгээр сарын 7-ны 86-р зарлигийг өөрчлөх
  • Мөрөн хотын Ардын депутатын хурлын Тэргүүлэгчдээс гаргасан “баривчлах” тогтоолыг хүчингүй болгох
  • Ардын түр хурал болон Ард түмний Онц зөвлөл байгуулах зэрэг юм.

Дөрөвдүгээр сарын 30-ны Даваа гаригт МоАХ-ны Ерөнхий зохицуулах зөвлөл өлсгөлөн зарласан гишүүдээ дэмжиж, туслахаар Мөрөн хотод С.Зориг, Ц.Элбэгдорж хоёр Д.Баярсайхан эмчийн хамт ирэв. Тэд өлсгөлөн зарласан гишүүддээ эмнэлгийн үзлэг хийж, заавар зөвлөгөө өгч, хяналтандаа авчээ. Гэхдээ аймгийн төв талбайн эргэн тойронд иргэдийн дэмжлэгтэй МоАХ-ны гишүүдийн өлсгөлөн үргэлжилсээр. Ийнхүү Хөвсгөлд болсон өлсгөлөн Дорнод, Увс зэрэг бусад аймагт ч бас зохион байгуулагджээ. Энэ утгаараа МоАХ-ны салбар зөвлөлийн гишүүдийн оролцсон Хөвсгөлийн өлсгөлөн Монголын Ардчилсан хувьсгалд тодоор бичигдэх түүх болон үлджээ.

Энэ талаар Монгол Улсын Гавьяат хуульч, Улсын бага хурлын гишүүн Д.Чалхаажав дурсахдаа “Хөвсгөлийн өлсгөлөн бол ардчиллын эрх зүйн үндэс суурийг тавьсан тэмцэл болсон” гэж тодорхойлсон. Тэрбээр мөн МоАХ-ны Ерөнхий зохицуулах зөвлөлийн гишүүн Д.Төмөр-Очирын тухайд “Даруухан өндөр цагаан залуу Мөрөнд ирж байж билээ. Үүнээс хойш өдийг хүртэл нөхөрлөж явна. Их шаргуу, дайчин, зорилгодоо үнэнч, албан тушаалын шуналгүй хүн дээ” гэсэн юм. Нээрээ ч Д.Төмөр-Очир гуай албан тушаалын шуналгүй хүн мэт санагдсан. Ардчиллын төлөө тэргүүн эгнээнд тэмцэж явсан хэрнээ өдийг хүртэл өндөр албан тушаал хашиж байсангүй. Даруухан, энгийн, хүн ёсоор амьдрахыг илүүд үзжээ. “Хаягдал төмөр ачиж гаргахаас эхлээд хувиараа бизнес эрхэлдэг болохоор хоёр идэхгүй, хоосон хонохгүй сайхан л амьдарч байна” гэж тэр даруухан өгүүлнэ.

АРДЧИЛСАН ХУВЬСГАЛ БҮРЭН ЯЛААГҮЙ

Монголд Ардчилсан хувьсгал дутуу хийгдсэн хэмээн Д.Төмөр-Очир гуай үздэг. Тэрбээр ярихдаа “Ардчилсан нам Засгийн эрхийг бүрэн авч, мөрийн хөтөлбөрөө дангаар хэрэгжүүлсэн тохиолдолд Монголд Ардчилсан хувьсгал жинхэнэ утгаараа ялна. 1996 оны сонгуулиар УИХ-д Ардчилсан намаас 50 гишүүн сонгогдсон. Үүнийг ялсан гэж яриад байдаг. Гэтэл үгүй юм. Хуулиндаа 51 гишүүнтэй байвал олонх болно гээд заачихсан байдаг. Тэгэхээр сөрөг хүчин хурал хаях, Засгийн газрыг унагах асуудал гарна. Тэгээд хамтарсан Засгийн газар байгуулчихна. Яг бие дааж мөрийн хөтөлбөрөө хэрэгжүүлэх боломж олдоогүй. Сая 2012 онд Ардчилсан нам олонх болоод Засгийн газраа байгуулаад, ажил хийгээд эхэлтэл хор хутгаад унагачих юм. Уг нь намуудын эцсийн зорилго бол улс орноо л хөгжүүлэх биз дээ. Гэтэл байнга хоорондоо өрсөлдөнө, хор хутгана, нэгийгээ унагана. Тэгээд Ардчилсан нам юу ч хийсэнгүй гээд шүүмжлээд байдаг. Дангаар төрийн эрх барьж, мөрийн хөтөлбөрөө биелүүлэх боломжийг нь олгочихвол 1990 онд бидний хүссэн, зорьсон Ардчилсан хувьсгал бүрэн утгаараа ялна. Тэгвэл Монгол Улс Азийн бар орнууд шиг дороо л хөгжих болно” гэсэн юм.

АРДЧИЛАЛ, АНД НӨХДИЙН ТУХАЙ

Д.Төмөр-Очир гуай яриандаа С.Зориг, П.Нэргүй, С.Амарсанаа гэх хүмүүсийг байнга л дурдана. Санжаасүрэнгийн Зориг агсныг манай уншигчид сайн мэднэ. Харин П.Нэргүй доктор гэж хэн бэ? Тэрбээр МУИС-ийн Эдийн засгийн тэнхимийн багш, эдийн засгийн ухааны доктор хүн. Монголд Ардчилсан хувьсгал бүрэн утгаараа ялах ёстой гэж үздэг хүмүүсийн нэг байв. Улс орноо хөгжүүлье, нийгмээ өөрчлөн шинэчлье, Ардчилсан чөлөөт тогтолцоо бий болгоё гэсэн зорилготой хэдэн залуус нэгдэн нийлсэн боловч чухам яаж гэдгээ сайн мэдэхгүй байлаа. Энэ л үед тэдний луужин болж байсан хүн бол П.Нэргүй доктор. Тэрбээр МУИС-ийн хичээлийн танхимд залуустай нууцаар уулзаж байхдаа “Юуны өмнө маш нарийн хөтөлбөр, өөрийн гэсэн дүрэмтэй байх хэрэгтэй. Энэ хоёр бүхэлдээ ардчилсан шинжээ хадгалсан байх ёстой. Эдийн засгийн тухайд нарийн концепци хэрэгтэй. Манай улс өнөөг хүртэл хүн рүү чиглэсэн хүнлэг эдийн засаг бий болгож чадаагүй. Монгол орон бага хүн амтай. Тиймээс үндэсний эв нэгдлийг байнга хангах хэрэгтэй” гэх мэтээр залууст зааж, чиглүүлж байсан тухай С.Амарсанаагийн “Ардчилсан хувьсгалын тэргүүн эгнээнд” номонд дурдагджээ.

П.Нэргүй доктор өөрийн гэсэн хөгжлийн концепцитой байсан учир залууст зөвлөгөө, мэдээлэл өгөхөөс гадна гэртээ хүртэл байлгаж, ардчиллын төлөө хамтдаа зүтгэхээр шийджээ. Тэднийд МоАХ-ны Ерөнхий зохицуулах зөвлөлийн Ерөнхий зохицуулагч С.Зориг, гишүүн Э.Бат-Үүл, Д.Төмөр-Очир нар 4-6 сарын хугацаанд амьдарч байв. Ардчилсан хувьсгалын бүхий л уриа, лоозон, мөрийн хөтөлбөр, зарчмыг эднийд л гаргадаг байжээ. П.Нэргүй докторын гэргий Н.Гантөмөр их сайхан цай чанана, хоол хийж өгнө. Яг л хүүхдүүдээ “өсгөж” буй ээж шиг ханджээ. Тиймдээ ч Д.Төмөр-Очир гуайн сэтгэлд П.Нэргүй доктор томоохон орон зайг эзлэн оршдог биз ээ.

Харин С.Амарсанаа бол ардчиллын анхны партизануудын нэг. Д.Төмөр-Очирын тодорхойлсноор “Монголд ардчилсан хувьсгал ялахад хамгийн их гавьяатай, хамаг л “гал тогоо”-ны ажил хийж байсан хүн. Одоогоор бол намын генсек. Бүхий л харилцаа холбоо, зохион байгуулах ажлыг С.Амарсанаа хийдэг байж. Тэрбээр 1990 оны тэмцлийн он жилүүдийг он, сар, цаг хугацаа, үйл явдалтай нь хамгийн сайн мэдэх хүн. Тиймдээ ч 30 жилийн өмнөх залуусын тэмцэл, нийгмийн амьдралыг тэр чигээр нь бодит архивтаа тулгуурлан “Ардчилсан хувьсгалын тэргүүн эгнээнд” хэмээх номыг бичсэн байна.

Энэ номын нэг л хуудсыг эргүүлээд уншвал тэр үеийн залуусын эрчтэй, цогтой, зоригтой амьдрал нүдний өмнө бодит дүрээрээ бууна. Хэнээс ч, юунаас ч айхгүй хэлье гэснээ шуудхан хэлчихдэг эрх чөлөө. Энэ л залуусын тэмцлээр өнөөгийн бидэнд ирснийг мартаж болохгүй. Эх орон, Эрх чөлөө хоёроо бүтэн байлгах гэж тэд өвлийн ийм л хүйтэнд өлсгөлөн зарлаж суусан юм шүү. Энэ цаг хугацаа, үйл явдал, өөрчлөн байгуулалт зөвхөн Ардчиллын түүх биш ээ. Ерөөс энэ Монголын түүх, Монголчуудын ололт, амжилт юм. Ийм л бодлыг өвөрлөн Д.Төмөр-Очир гуайн гэрээс гарахад гадаа зөөлөн цас бударч байлаа. Яг л бүх зүйл шинээр эхлэх мэт…

"Болор дуран"-аар шалгав.
Энэ мэдээнд өгөх таны сэтгэгдэл?
15
ТэнэглэлТэнэглэл
7
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

28 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-11-13 103.57.95.38

Ardchilaliin labortor uls

Avatar

Зочин 2019-11-13 202.131.245.243

Ямар ч хувьсгал, мувьсгал болоогүй. М.С.Горбачевын 1986 онд эхлүүлсэн перестройкагийн л үргэлжлэл юм.

Avatar

Зочин 2019-11-13 64.119.24.76

Ардчилсан хувьсгал монголын ард түмэн, нийгэмийн , тусгаар тогтнолд их зүйлийг авчирсан гавьяатайч ,өмч хувьчлалыг буруу хийж эдийн засаг , үйлвэрлэлийн бааз суурийг устгаж , ард түмни амьдралын баталгаа болсон ажилын байргүй болгож амжиргааг дорлуулсан ч уриа лоозонд нь итгэн ирээдүйд сайн сайхан болчих юм гэж тэвчиж амьдралаараа дэнчин тавьж хүлээсээр 30 гаруй жил боллоо .мөн 20 дугаар тогтоол гэж юм гаргаж ард түмний хадгаламжийг 2 дахин үнэгүйдүүлж хохироосон , Одоо үүнээ төлөх болсо

Avatar

Ямар ч өлсгөлөн болоогүй. 2019-11-13 202.131.245.243

Төв талбай дээр хэдэн хурлийз, эрүүгийн элемент хуушуур гударч, хушигаа маажиж хэвтсэнийгээ хувьсгал хийсэн хуцацгаадаг юм. Ацных нь хувьсгал байх вэ дээ? Одоо больж үз.

Avatar

Б 2019-11-13 122.201.24.73

Манай ардчилагчид юу ч мэдэхгүй, оюун ухаан хоосон, сэтгэл зүрхгүй, тэнэг онгироо хүмүүс байсан даа. Ийм хүмүүс эрх мэдэлд хүрэнгүүтээ идэж ууж хулгайлж луйвардахаас өөр зүйл хийж мэдэхгүй. Хөөрхий муу зориг нь арай дээр байсан байх, Элбэг, Үүл, Дорлиг, Да, за тэгээд бүгдээрээ адил, бодохоос бөөлжих хутгах юм, гутамшиг, чааваас, хэлэх үг алга

Avatar

Зочин 2019-11-13 202.9.45.98

Тэр үед өлсөж сүйд болоод байсан юм байхгүй ээ харин одоо л өлсөж байна. Өөрсдийгөө дөвийлгөхөө больж үз. Тэр үеийн өлсгөлөнгөөс хойш Монгол улс өөдлөөгүй шүү.

Avatar

Чёрный. Друг 2019-11-13 202.179.24.33

Ардачлал Эрх чөлөөний ҮНЭ ЦЭНИЙГ ЗОН ОЛОН МИНЬ БОДИТООР БҮРЭН ДҮҮРЭН ОЙЛГОЧИХВОЛ ; ӨМХИЙ КОММУНИСТУУД БОЛОН ОЛГАРАХУУДАД ОРШИН ТОГТНОХ ОРОН ЗАЙ ҮГҮЙ БОЛОХ УЧРААС АМЬД ТҮҮХИЙН ЭХ ОРОНЧ БАЙХЫН. ҮЛГЭР БОЛСОН БИДНИЙ ТЭМЛИЙН ТҮҮХРҮҮ НУЛЬМАЖ НҮГЭЛ ХУРААЦГААЖ Л БАЙГ* Журамын андаа тэвэрч ИХ ОЙН. МЭНД ХҮРГЭЖ САЙН ҮЙЛС БҮХЭН ДЭЛГЭРЭХ ЕРӨӨЛ ТАВЬЯ

Avatar

Зочин 2019-11-13 122.201.22.22

Заваан алдаатай бичдэг сдаа вээ ядаж ардчилал гээд зөв бичээч Монгол эх хэлээрээ зөв бичиж чадахгүй байж бас эх орон энэ тэр гэж sнаана айн

Avatar

Зочин 2019-11-13 202.9.43.43

Ардчиллын нарыг мандуулсан их мундаг хүн юм.

Avatar

Зочин 2019-11-13 66.181.187.84

30-ЖИЛИЙН ӨМНӨХ АРДЧИЛАЛ ЧИНЬ АААЛЬ ХЭДИЙНЭ. Ц.ЭЛБЭГДОРЖ ,БАТ-ҮҮЛИЙН ЧИНЬ БААСТАЙ ХОЛИЛДООД АЛГА БОЛСОН . ОДОО БОЛ АРДАЧЛАЛИЙГ ЧИНЬ ИДЭЖ ӨСЧ ҮРЖСЭН ЯЗГАНСАН ӨТНҮҮДИЙГ ЧИНЬ ОРГҮЙ ХУЙХЛАХ ЦАГ ИРЧЭЭД БАЙХАД.

Avatar

МоАХ ны Партизан 2019-11-13 202.179.24.33

Ардачлалыг Элбэг Эрдэнэ мэтээр бүү төсөөлж тэнэгтээрэй БУРУУТАЙ. БОЛ ТӨР. НЬ ШИИТГЭГ БИД ӨМГӨӨЛӨХГҮЙ

Avatar

Зочин 2019-11-13 66.181.161.118

Элэнцгийн ардчилал энэ чинь юу ч биш байжээ. Зүгээр жүжиг болгож хувиргасан. Одоо хувьсгал хэрэгтэй байна. Гэхдээ ийм мулгуу ард түмэн юу ч хийж чадахгүй. Дарлуулаад сууж байхдаа таарсан үхэрүүд.

Avatar

Hovdogin gai 2019-11-13 174.194.13.207

Shyren hamart Ochirbatin dyy bish biz

Avatar

Зочин 2019-11-13 103.111.68.3

ЭХЛЭЭД АРДЧИЛАЛ ГЭЖ ЮУГ ХЭЛЖ БАЙГААГАА САЙН ОЙЛГО. ЮУ ХИЙХЭЭ МЭДЭХГҮЙ БАЙЖ ХИЙ ХООСОН ОРИЛООД ЯАХ ВЭ.

Avatar

зочин 2019-11-13 202.21.120.66

соц нийгмийн үед хүнс бараа таваар хомс байсан түүнийг өөрчлөхийн төлөө тэмцсэн гэвэл арай үнэнд нийцэхгүй хүнс бараа таваар хомсдсон үе хэзээ гэвэл 1991 оны 10 сараас 1993 оныг хүртэлх хугацааг хэлдэг энэ бол баримттай ЗГ-н тогтоолтой зүйл. Нийгмийн бусад салбарт болохгүй байсан юм байсан уу гэвэл байсан. ялангуяа хүний эрхийн асуудал, хүнд суртал дээр нилээд асуудалтай байсан. Түүнээс биш хоол хүнс ховор, бараа таваар байхгүй болсон нийгмийг өөрчилж ийм элбэг дэлбэг болгосон гэвэл худлаа

Avatar

Зочин 2019-11-13 66.181.168.81

Хүмүүсийн хүсэл мөрөөдөл дээр дөрөөлж, хөрөнгөтнүүдийн зааварчилгаагаар улсаа хорлоод зогсохгүй, өөрсдөө асар их хөлжсөн хувалзнууд, жинхэнэ хонины арьс нөмөрсөн чононууд.

Avatar

Зочин 2019-11-13 185.220.101.44

галзуу гантулга мэтийн юмнууд шиг шаарнууд тухайн үед гарч ирсэн харагдаж ийм юмнуудыг хөөргөөд сайнаа үзэхгүй гэдгийг ардчилалын жишээ харуулсан.

Avatar

ҮНЭНИЙГ ХАЙГЧ 2019-11-13 183.81.171.2

МАН- БӨӨСНҮҮД ШҮЛСЭЭ ҮСЧҮҮЛЭЭД ҮХЭХНЭЭ ХАХА.. АРДЧИЛЛЫН БУЯНААР ИХ ХӨРӨНГЖСӨНДӨӨ МУУСАЙН ХУЛГАЙЧУУД, АРДЧИЛЛЫГ МИНЬ ИХ Ч ГУЙВУУЛСАНДАА УЛААН ХООСОН ЧӨТГӨРҮҮД,,,

Avatar

Зочин 2019-11-13 43.242.241.247

Ardchilal Mongoliig muhuusun

Avatar

Зочин 2019-11-13 202.9.42.67

Хойд солонгос руу үүргэвчээ үүрээд марш . Сайн яваарай.

Avatar

Зочин 2019-11-13 66.181.190.241

Муухай хорчин Буянгийн Жагааг улс төр рүү ойртуулж болохгүй. Тэр дандаа урваж дийлсэн талд нь ордог Дүлзэн байгаа юм.

Avatar

Зочин 2019-11-13 202.126.88.226

Ene "ardchilal" gej ulin dongodson huuruudiig shar hadand hevtuul. Neg hund onogdoh dotood buteegdehuunii hemjee iadahdaa 10 miangan dollar bolson tsagt ene sedveer iarij ehlej boldog yum. Ediin zasgiin suuri bhgui baij yu geed solioroid bdag dunduukuyd ve?!

Avatar

Зочин 2019-11-13 66.181.178.199

Юм узээгуй хееруу залуус нь буруу замаар будаа тээгээд, улс орноо дампуурлын эрмэгт авч ирлээ шуудээ!

Avatar

Иргэн 2019-11-13 66.181.168.81

Энэ бол Баттулгын явуулга, захиалгаар бичсэн нийтлэл байна, МоАХ гэсэн цаасан малгайн доор өөрөө бүх насаараа ноёлох гэсэн далд санаа нь явж байгаа юм. Яг үнэндээ тэр үеийн мундаг, жинхэнэ улс орноо гэсэн сэтгэлтэй хүмүүсийн гавьяа байсан юм.

Avatar

Зочин 2019-11-13 146.115.163.21

Zsss. Niigem ergeed cardiin baraand orson bh shuu harin ch. Umnu n hun bolgon hiih yumtai uls oron gesen setgeltei geed sain zuil bsiim shuu. Odoogiinh shig hun bolgon hunii erh gej dongodolgui.

Avatar

Зочин 2019-11-13 202.131.245.243

АРДЧИЛСАН ХУВЬСГАЛ БҮРЭН ЯЛВАЛ Монгол гэж улс байхгүй болно. Хятдын захын нэг муж л бий болно доо.

Avatar

Зочин 2019-11-13 172.58.139.21

Erdeniin derged bol ardchilaldaa unench uldsen hun baina

Avatar

Зочин 2019-11-13 103.57.94.133

ХУДЛАА ЯРИХАА БОЛЬ ДОО.

NewsMN Гар утасны хувилбар Татах
NEWS.mn

Мэдээллийн эх сурвалж