Өвөлтэй цуг үхэл айсуй юу | News.MN

Өвөлтэй цуг үхэл айсуй юу

Өвөлтэй цуг үхэл айсуй юу

Утаа үзэгдэхгүй ч агаарын найрлага дахь хорт бодисын хэмжээ өмнөх оны мөн үеийнхээс 2-3 дахин ихэссэн байв

Өвөлтэй цуг үхэл айсуй юу

Нийслэлээс шахмал түлшний асуудлаар нээлттэй сонсгол хийсэн. Зуухны судалгаа хийгээгүй, мэдээллээр хангаагүй байж шахмал түлшийг хэрэглээнд шууд нэвтрүүлсэн нь олон хүний амь нас, эрүүл мэнд хохирох шалтгаан болжээ гэдэгт үндсэндээ санал нэгдэв.

АГААРЫН ЧАНАРЫН ИНДЕКСИЙН БУДЛИАН ҮҮГЭЭР ДУУСАХГҮЙ. 0-50 БУЮУ “ЦЭВЭР” ГЭХ ҮЗҮҮЛЭЛТ ДОТОР АГААР ДАХЬ АЛЬ НЭГ ХОРТ БОДИСЫН ХЭМЖЭЭ 0-12 НЭГЖ БАЙХ ЁСТОЙ ГЭЖ ҮЗДЭГ БАЙСНЫГ ОДОО МӨРДӨГДӨЖ БАЙГАА ХЯТАД СТАНДАРТААР 0-35 БОЛГОЖЭЭ.

Энэ долоо хоногоос хүйтний эрч чангарч, “Түлшний багийнхан” жинхэнэ дүнгээ тавиу­лах цаг ирлээ. Энэ багт Ерөнхий сайдаас эхлээд “Тавантолгой түлш” үйлдвэрийн ажилтан, борлуулагч гээд өргөн фронтоор хүчин зүтгэдэг. Түүхий нүүрсийг халж, шахмал түлшинд шилжсэн зоригтой алхамд золиос байх ёстой гэж үзэх нэгэн ч бий. Тэгвэл өнөөдрийн байдлаар мянга шахам иргэн угаартаж, 10 хүн амь насаа золиослоод байна. Гэхдээ хохирогчид бүгдээрээ муу зуухтай, яндангаа хөөлөөгүй, хаалтаа хаасан, тэр бүү хэл түлш түлчихээд зуухнаасаа яндангаа салгаж унтсан гэх мэтээр өөрсдийн буруугаас болж хорвоог орхисон гэж буй. Сенсаацын дархлаатай монголчууд өнгөрсөн амралтын өдрүүдэд 35 иргэн угаарын хийн хордлогын улмаас эмнэлэгт хандсан тухай мэдээллийг огтхон ч ойшоосонгүй. Өвөл айсуй гэдэг үг “үхэл айсуй” гэсэн заналхийлэл шиг сонсогдох болсон энэ цаг үед иргэд галлагаандаа хариуцлагатай хандаж, гэр бүлээ хамгаалах нь чухал гэдгийг эрхбиш ойлгосон байх. Нүүрс асаж дуусаад, цогших үед нь дулааныг хадгалах зорилгоор хаалтаа хаадаг нь үхэлд хүргэх гол шалтгаан болж байгааг судлаачид туршилтаар гаргаж ирснийг онцолъё.

ШАХМАЛ ТҮЛШ ТӨГСГӨЛДӨӨ ХАМГИЙН ИХ СО ЯЛГАРУУЛДАГ

Бидний хэрэглэж заншсан хүрэн нүүрсэнд нүүрстөрөгчийн агуулга 60 хувь, дэгдэмхий бодисууд 40 хувь байдаг бол сайжруулсан шахмал түлш хийсэн чулуун нүүрсний 80­90 хувийг нүүрстөрөгч үлдсэн хувийг нь дэгдэмхий эзэлдэг. Энэ нь шаталтын үеийн хаталт, хагарал, дэгдэлтийн процесс харилцан адилгүй явагдах шалтгаан болж байна. Химийн инженер, “Монгол нүүрс” ассоциацийн тэргүүн Ж.Золжаргал нарын эрдэмтэн Дулааны техник, үйлдвэрлэлийн экологийн хүрээлэнд уламжлалт зууханд түүхий нүүрс болон шахмал түлшийн шаталтын процесст шинжилгээ хийжээ. Есдүгээр сард манай сонинд тус хүрээлэнгийн захирал Б.Жаргалсайхан ярилцлага өгөхдөө хийн анализатор нь эвдэрсэн гэж байв. Харин судлаачид Агаарын чанарын албанаас хэмжигч багаж авч, туршилтаа хийсэн аж. Гурван цагийн турш үргэлжилсэн шаталтын төгсгөлд буюу цогшоод ирсэн үедээ түүхий нүүрсний ялгаруулж буй CO буюу нүүрстөрөгчийн дутуу исэл 860 ppm байсан бол шахмал түлшнийх хоёр дахин их буюу 1713 ppm байжээ. Энэ үед иргэд дулаанаа хадгалах зорилгоор зуухны хаалтаа хаадаг нь угаарын хий дотоод орчинд тархаж, үхэлд хүргэдэг гэх урьдчилсан дүгнэлт гаргав. Гэхдээ ийм туршилт 5­10 удаа хийж байж, дундаж үзүүлэлтээр судалгаанд ашиглах боломж­тойг ШУТИС­ийн Хэрэглээний шинжлэх ухааны сургуулийн хими, инженерийн салбарын дэд профессор Д.Илчгэрэл онцолсон. Төгсгөлдөө хоёр дахин их угаарын хий ялгаруулж байгааг дутуу шаталттай холбон тайлбар­лаж буй. Шахмал түлш төгсгөлдөө ялгаруулсан үнсэн бүрхүүл дотроо дутуу шатаж, СО үүсгэдэг. Хуучин цагт эмгэд галын шилээврээр гуравхан татаад л үнсийг нь буулгаж, уугиж буй галаа дүрэлзтэл асаадаг байсныг энд дурдалтай ч биш дээ. Өнөөгийн гэр хорооллын иргэд галаа ч түлж чадахгүй болсны жишээ энэ.

УГААР МЭДРЭГЧИЙН СТАНДАРТЫГ ТҮРҮҮЛЖ ГАРГААРАЙ

Нийслэлээс шахмал түлшний асуудлаар нээлттэй сонсгол хийсэн. Зуухны судалгаа хийгээгүй, мэдээллээр хангаагүй байж шахмал түлшийг хэрэглээнд шууд нэвтрүүлсэн нь олон хүний амь нас, эрүүл мэнд хохирох шалтгаан болжээ гэдэгт үндсэндээ санал нэгдэв. Угаартаж үхэх аюулаас сэргийлэхийн тулд нийслэлээс 6.6 тэрбум төгрөгөөр айл бүрт CO мэдрэгч (дитектор) суурилуулах шийдвэр гаргасан. Арваннэгдүгээр сарын 1­-ний өдөр гэхэд суурилуулах чиглэл өгсөн ч 30­-ны өдөрт багтаан тараахаар хугацааг сунгажээ. Харин угаарын хийн дитекторыг эхэлж туршаад, дохио дуугарах хугацаа, хэмжээнд нь стандарт тогтоож, иргэдэд мэдээллийг сайтар хүргэхийг хэлэлцүүлгийн үеэр эрдэмтэд анхааруулсан юм. Тог тасарсан, цэнэг дууссан, мэдрэгч нь бохирдсон гэх мэт шалтгаанаар дитектор ажиллахгүй байх тохиолдолд дахин олноороо угаартах эрсдэлээс сэргийлэхийг онцгойлон анхааруулсан юм. Гэвч сар дундаа орж байхад энэ талын мэдээлэл “хар авдрандаа” хав дарагдаастай л байна. Агаарын бохирдлоор мөнгө хийж ирсэн, хийх гэсэн хүсэлтэй албан тушаалтнуудын лобби үүний цаана хүчтэй яваа талаар эх сурвалж хэлж байв. Товлосон хугацаа ирэхэд цэгцрэхгүй байх ч магадлалтай тул иргэд өөрсдөө пийшингийнхээ ан цавыг битүүмжилж, яндангаа хөөлж, аюулгүй байдлаа хангах хэрэгтэйг мөн онцолсон.

УТАА ГУРАВ ДАХИН БУУРСАН НЬ ИНДЕКСИЙГ ХОЁР ДАХИН ЗӨӨЛЛӨСӨНТЭЙ ХОЛБООТОЙ

“Утаа үнэхээр багасчихлаа” гэж баярлах нэгэн байхад, “гадуур явахад сонин юм үнэртээд, толгой өвдөөд байна” гэх хэсэг байна. Харин агаарын чанарыг хэмжих багаж өөр зүйл “хэлж” байна. Утаа үзэгдэхгүй ч агаарын найрлага дахь хорт бодисын хэмжээ өмнөх оны мөн үеийнхээс 2­3 дахин ихэссэн байв. Тухайлбал, хүхрийн давхар исэл (SO2) 2018 оны аравдугаар сард стандартаас давсан тохиолдлын тоо дөрвөн хувийг эзэлдэг байсан бол өнгөрсөн долоо хоногт 57 хувь болж өсжээ. Ийм үзүүлэлт долоо хоног бүрийн тайланд давтагдаж байна. Түүнчлэн PM10 тоосонцор 75 хувьд нь стандартаас давж байсан бол 89 хувь болж, нэмэгдсэн байна. 2018 оны аравдугаар сарын 10­-ны өдөр БОАЖ­-ын сайд Б.Цэрэнбатын тушаалаар “Агаарын чанарын индексээр агаарын чанарыг үнэлэх, мэдээлэх журам”­д өөрчлөлт оруулсан билээ. Энэ өөрчлөлтөөр 101­200 нэгжийг “бага бохирдолтой” гэж, 201­300 нэгж байвал “бохир долтой”, 301­400 бол “их бохирдолтой”, 400­500 бол “маш их бохир долтой” гэж тооцохоор зөөллөв. Энэ нь урд хөршид мөрдөгддөг стандарт аж. Харин Дэлхийн эрүүл мэндийн байгууллагын стандартыг АНУ болон Европт мөрддөг. Үүгээр бол 101­150 нэгж нь “бага бохир­долтой”, 151­200 нь “бохир­долтой”, 201­250 нэгж болоод ирэхэд “их бохирдолтой” гэж улаан өнгөөр аюултай байдлыг илэрхийлдэг. Гэтэл энэ нь манайд дөнгөж бохирдол эхлэх хэмжээ болсон юм. Агаарын чанарын индексийн будлиан үүгээр дуусахгүй. 0­50 буюу “цэвэр” гэх үзүүлэлт дотор агаар дахь аль нэг хорт бодисын хэмжээ 0­12 нэгж байх ёстой гэж үздэг байсныг одоо мөрдөгдөж байгаа хятад стандартаар 0­35 болгожээ. Энэ зөрүү 23 нэгжид хамаарах бохирдлын хэмжээ, эрүүл мэндэд үзүүлэх нөлөөллийн судалгаа одоогоор огт алга. Учир нь дор хаяж 3­6 сарын турш хэмжилт хийснээр илэрхийлэх боломжтой аж. Ингээд ил харагдах тоогоор ч, түүн дотор илэрхийлэх нэгжээр ч дахин дахин “зөөлрүүлж”, хорт бодисын хэмжээг аюулгүй гэж ойлгогдох бүхий л ажиллагааг хийжээ. Үнэхээр дэлхийн стандарт хэт “сүржигнэсэн” байгаад, манайд мөрдөж байгаа нь онц хохиролгүй бол аштай юу. Нөгөө талаас Б.Цэрэнбат сайд бас их “буянтай” шийдвэр гаргасан. Ядаж л бид “бага бохирдолтой” гэж бодоод сэтгэл санаагаар тайван аажмаар хор дож байгаадаа баярлах ёстой юм шиг байна.

Улаанбаатар хотын агаарт түгээмэл бохирдуулах бодисын агууламж дахь хүхэрлэг хий (SO2), азотын давхар исэл (NO2) өмнөх оны мөн үеийнхээс 2.1-3.5 дахин их байна.

Эх сурвалж: "ЗАСГИЙН ГАЗРЫН МЭДЭЭ" СОНИН

"Болор дуран"-аар шалгав.
Энэ мэдээнд өгөх таны сэтгэгдэл?
2
ХахаХаха
2
ХарамсалтайХарамсалтай
1
ТэнэглэлТэнэглэл
0
ЗөвЗөв
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

23 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-11-12 192.82.72.108

Ердийн мэдрэхүйгээр утаа, өмхий үнэр, хар тортог мэдэгэхүйц багассан. Энэ бол том амжилт. Өмнөх жилүүдэд утааг бууруулах нэрээр маш их мөнгө ямар ч үр дүнгүй үрэгдсэн. Одоо цаашид энэ хорыг багасгах тлаар зрригтой алхам хийх хэрэгтэй. Бас хэмжилтийн нэгж нэг ижил байж л өөрчлөлтийг үнэлнэ шдээ.

Avatar

зочин 2019-11-12 165.91.13.176

Яахаараа бид хятад стандарт авах ёстой юм бэ?

Avatar

Зочин 2019-11-12 64.119.23.41

Жингийн цуваа явдагаараа явна, жингэр нохой хуцдагаараа хуцна

Avatar

222 2019-11-12 203.91.112.133

яагаад хүмүүсийг худлаа айлгаад байнаа, утааг бага болгуулах сонирхолгүй хүмүүс байх шиг байна

Avatar

hehe 2019-11-12 202.131.245.34

gants unen zuil helii. utaanii asuudal gantshan jiliin dotor shiidchih asuudal ogt bish,

utaag buuruulahaar hiij bui ajluud, oroldloguudiig sn demjeed, irged ter tulshee hariutslagatai tulchvel ehnii davaagaa amjilttai davlaa gesen ug.

tegeed heduulee havraas aldaa onoogoo yriad, daraagiin alhamdaa orvol ymar ve.

Avatar

/*/ 2019-11-12 49.0.212.139

ха ха ха,нирван дүрд хувирах цаг айсуй ,ум мани пад мэ хум

Avatar

Зочин 2019-11-12 202.126.89.227

Худлаа хуцдаг Элбэгдоржийн сайт болио. Танай эзэн цэвэр агаараас хулгай хийсэн дээ

Avatar

Зочин 2019-11-12 202.179.26.112

Баттулга хорт утаагаар амьсгалахгүй бол үхчихгээд байна гээл мэдэгдэл хийгээд байсан шүү дээ. Ээбий, Тулга хоёр нэг тал болцымуу?

Avatar

Зочин 2019-11-12 202.9.44.228

10 сард айлууд харьцангуй бага түлсэн. Ийм үед хүхэрлэг хий ийм өндөр байгаа юм чинь их түлэх үед бүр өндөр байх юм байна. Энэ юу гэсэн үг вэ? Улаанбаатар хот биш тосгон, Монголийн хүн амийн тоо 50% иар цөөрнө, МАН засагийнхан далд эздийнхээ даалгаварийг биелүүлж урд эх орондоо нэгдүүлэхийн эхлэлийг тавьж байна. Хүхэрлэг хий үхлийн хортой хий. Заавал хордуулж алахаар улайраад байгаагийн цаана өөр ямар зорилго байх билээ.

Avatar

Зочин 2019-11-12 202.179.26.57

Өмнөх жилүүдэд Улаанбаатарт амьдарч байгаагүй хөдөөгийн сэтгүүлчид авчирч захиалгаар ийм нийтлэл бичүүлдэг юм уу. Агаарын бохирдолыг нэг өдөр, нэг далайцаар арилахгүй. Болж байгаа зүйлийг дэмжих ёстой. САйжруулах асуудал зөндөө байна.

Avatar

zochin 2019-11-12 124.158.107.15

Shahmal tulshee asuudalgui, agaariin bohirdol utaa buursan gej haragduulah gej hort chanariig ni darj bj mediishde, songuuli duhuj bhad undur unelgee avah gej. Yu esiig hiine shdee, ene sunutsun mongoliin erh tushaaltanguud. Haragdah bdlaar buursan ch unerteh bdal ni oor, neg l hachin medrelmj, uner, ter utaa ni.

Avatar

Зочин 2019-11-12 202.131.225.197

NEWS.MN-ний нийтлэлүүд захиалгат гэхэд арай л илт байгаам бишүү. Бусдыг турхирсан юм хийхээ больцгооё. Цаг ирэх бүр иргэд боловсроод тэнэг хүмүүс цөөрч байгаа шүү. Цагаанаар ажиллая.

Avatar

Зочин 2019-11-12 202.55.191.130

Утаанаас салгах ажил хийгдээд өмнөх жилүүдээ бодвол хамаагүй ахисан байна шүү дээ. Эхний жилдээ л хэрэгжиж байгаа учраас асуудлууд их гарч байх шиг байна. Гэхдээ энийг шийдвэрлэж болох байлгүйдээ. Ядаж утаагүй болгож байгаа энэ чухал ажлыг битгий харлуулаад байгаа чээ. Өөр сэдвүүд зөндөө байгаа биздээ. Жил ирэх тусам улам сайжраад утаагүй улаанбаатар болвол сайн биздээ. Шүүмжлээд буцаагаад нүүрс түлүүлэх гээд байгаа юм уу эсвэл улс төр хийх гээд байгаа юм уу? Арай өөр сэдвээр тоглолдоо.

Avatar

хар масс 2019-11-12 103.229.123.9

аймаар аймаар аажимаар үхээд байждээ.аймаар.60 тэрбум.ждүүчидээс ч аймаар байнаа

Avatar

Зочин 2019-11-12 103.111.68.3

ЦЭВЭР АГААР САН НЭРЭЭР ТӨСӨВӨӨС ХУЛГАЙЛДАГ МӨНГӨ НЬ АЛГА БОЛСОН, НҮҮРС ЗАРДАГ, АН-ын ХЭДЭН ХУЛГАЙЧ АМАА ХАМХИХГҮЙ БУРЛАА. ХҮСЭЭД БАЙГАА БОЛ ӨӨРСДӨӨ ҮХЭЦГЭЭ…

Avatar

Зочин 2019-11-12 103.111.68.3

ЭНЭ МУУ МАНАН-гийн УГААДАС ДОЛООГЧИД ИХ ХУЦАХ ЮМАА, ГУРАВ АЛХАХГҮЙ БАРИГДАХ ХУДАЛ ХУУРМАГААР ТАРХИ УГААХ УУ ПИАНУУДАА…

Avatar

Зочин 2019-11-12 202.131.227.114

Танай байгууллага арай хэтэрч байна. Наад гарчигаа бодож өгөөч. Ямар бүдүүлэг, ёс суртахуунгүй юм бэ. Дандаа хорон санаатай юм гаргахаа болиоч. Нийгэмд нэг ч баялаг үйлдвэрлэхгүй байж, хүний хийсэн бүтээснийг үгүй хийж, хов живийг л түгээж, хоолоо олж идэх юм. Арчаагүй хүмүүс юм даа. Өнөөдөр ямар ч утаа алга. Шахмал түлш маш их үр дүнтэй байгаагаа харуулж байгаа юм биш үү. Нийгэмд зөв мэдээ мэдээлэл түгээх ухаан, оюун бодол та бүхэнд алга. Харамсалтай.

Avatar

хар масс 2019-11-12 103.229.123.9

хийсэн юманд нь хордоод үхээд байнөлдаа малаа.мал нь зуданд үхвэл их л харамсдаг байхдаа малчин.ккк

Avatar

Иргэн 2019-11-12 139.5.217.172

Засгийн газар энэхүү сайжруулсан нэртэй хороо иргэдэд тулгахаасаа өмнө зуухандаа хир нийцэж байгаа вэ гэдгийг туршиж тогтоосоны дараа шийдвэрээ гаргах ёстой байтал Мэргэжлийн хяналтын Ерөнхий газрын дарга мэргэжлийн бус Цагаанхүү гэгч дуракийн мэдээлэлд үндэслэн гоомой шийдвэр гаргасанаас болж 10 хүний алтан амь 700 иргэн эрүүл мэндээрээ хохироод зогсохгүй энэ хариуцлагагүй явдлын төлөө нэг ч хүн хариуцлага хүлээхгүй байгаа нь шударга ёс мөн үү ХҮРЭЛСҮХЭЭ..Засгийн газар ОГЦОР ОГЦОР ОГЦОР

Avatar

Зочин 2019-11-12 180.149.65.2

заа битгий хуцалд аа агаар цаваршсэн нь үнэн

Avatar

Зочин 2019-11-12 103.229.123.9

цэвэр агаарт хүн үхээд байналдаа.

Avatar

Зочин 2019-11-12 202.179.26.165

агаар цэвэршсэн гэдэг нь худлаа харин ч бүр хачин хоолой хатаж боосон муухай үнэр үнэртэж байгааг олон мянган гэр хорооллын иргэд мэдэж байгаа 10 сард дулаан байсан зарим өдөр нь салхитай тийм болохоор утаа багассан гэж баярлах болоогүй одоо жинхэнэ хорт утааны үе ирж байна , бүгдээрээ ингээд чимээгүй хордоод суугаад байх уу нүүрснээс хэд дахин хортой гэж мэргэжлийн хүн хэлээд байхад хоорондоо хэрэлдэж суух биш нэгдэж тэмцэх хэрэгтэй шүү дээ

Avatar

Зочин 2019-11-12 202.179.26.165

Тэр сайжруулсан түлшийг ямарч хоргүй гэж шинжлүүлсэн дарга сайд нарт тэр түлшийг нь түлээд утаанд нь хэдэн цаг суулгаад үзвэл жинхэнэ мөн чанарыг нь мэдэх байх . үнэрлэх мэдрэмж нь хэвийн ажилладаг хүн бүр энэ хорт түлшийг үнэртээд мэдээд байхад зарим нь яагаад ийм мэдрэмжгүй байгаа юм бэ бид нарын үр хүүхэд энэ агаараар амьсгалж амьдарч байна ш дээ үр хойчоо хордуулмааргүй байна , утааг багасгах ганц зөв арга бол орон сууцжуулах ш дээ . Тэр болтол нүүрсээ түлээд байж байсан нь дээр байсан юм

NewsMN Гар утасны хувилбар Татах
NEWS.mn

Мэдээллийн эх сурвалж