Монгол Улсын Үндсэн хуулийн Цэцийн дарга Д.Одбаярт тавьсан хилийн хоригийг цуцлаагүй байгаа ба түүнийг хэргийг энэ долоо хоногтоо багтаж шийдвэрлэнэ гэж эх сурвалжууд мэдээлжээ.

Түүний хилийн хориг баасан гаригт /2019.11.15/ дуусах юм. Мөн түүний холбогдсон хэргийг Нисэхийн аюулгүй байдлын тухай хуулиар зохицуулахаар болсон бөгөөд түүнд торгуулийн арга хэмжээ авах талаар яригдаж байгаа билээ.  Гэхдээ хилийн хориг цуцлагдсан ч тэрбээр торгуулиа төлж байж эх орондоо ирэх боломжтой гэжээ.

Харин Д.Одбаяртай хамт явсан А-г БНСУ-д ирж мэдүүлэг өгөхийг шаардаж байгаа ба үүнд Сөүл дэх Монгол Улсын Элчин сайдын яамыг хамтран ажиллаж байгаа юм. Мөн Инчеоны цагдаагийн газраас А-г эрэн сурвалжлуулахаар Интерполд хүсэлт гаргаад байгаа тухай эх сурвалжууд мэдээлж байна.

Эх сурвалж: JTBC