Гамшгийн эрсдэлийг бууруулах, сэргийлэхэд эмэгтэйчүүдийн оролцоог нэмэгдүүлнэ | News.MN

Гамшгийн эрсдэлийг бууруулах, сэргийлэхэд эмэгтэйчүүдийн оролцоог нэмэгдүүлнэ

Гамшгийн эрсдэлийг бууруулах, сэргийлэхэд эмэгтэйчүүдийн оролцоог нэмэгдүүлнэ

Гамшгийн эрсдэлийг бууруулах, сэргийлэхэд эмэгтэйчүүдийн оролцоог нэмэгдүүлнэ

Дэлхий нийтэд уур амьсгалын өөрчлөлтөөс үүдэн гамшиг ослын тохиолдол нэмэгдэж, түүний улмаас хохирогчдын тоо өссөөр байна. Тэр дундаа эмэгтэйчүүд, хүүхдүүд гамшигт илүү их өртдөг.

Тухайлбал, гамшиг, ослын үед охид, эмэгтэйчүүдийн амь насаа алдах нь эрэгтэйчүүдээс 14 дахин их байна гэсэн статистик тоо хөгжиж буй 141 оронд явуулсан судалгаанд дурдагдсан байна. Түүнчлэн “Эмэгтэйчүүдийг аливаа гамшиг, ослоос түргэн зугатахад нь орон байрны эмзэг нөхцөл, нийгмийн тэгш бус байдлаас гадна асран халамжлах үүргүүд нь хамгийн их саад болж, сөрөг нөлөө үзүүлдэг байна. Мөн эрх тэгш байдал, эдийн засгийн эрх мэдэл эмэгтэйчүүдэд бага  байдаг” талаар Азийн хөгжлийн банкны зөвлөх онцолж байлаа.

Тиймээс Монгол Улсад уур амьсгалын өөрчлөлт, гамшгийн эрсдэлийн удирдлага, жендэрийн мэдрэмжтэй хууль эрх зүйн орчин, бодлого, стратегийг боловсруулах, хэрэгжүүлэх, чадавхыг бэхжүүлэх, гамшгийн эрсдэлийг бууруулах, урьдчилан сэргийлэхэд эмэгтэйчүүдийн оролцоог нэмэгдүүлэх зорилгоор Онцгой Байдлын Ерөнхий Газар, Жендэрийн Үндэсний Хороо, Азийн Хөгжлийн Банк хамтран “Уур амьсгалын өөрчлөлт, гамшгийн эрсдэлийн удирдлага, жендэрийн мэдрэмжтэй бодлого, хууль эрх зүйн орчин” сэдэвтсургалт семинарийг зохион байгуулж байна.

Сургалт семинар хоёр өдөр үргэлжлэх бөгөөд Онцгой байдлын ерөнхий газар, Гамшиг судлалын хүрээлэн, нийслэлийн Онцгой байдлын газар, Үндэсний аврах бригад, Давтан сургалт, сэргээн заслын төвийн 40  орчим алба хаагч хамрагдаж байна гэж Онцгой байдлын ерөнхий газраас мэдээллээ.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-11-11 202.21.120.242

Монголын Эмэгтэйчүүдийн холбоо гэх мэт ТББ-уудыг татан оролцуулах хэрэгтэй шүү

NewsMN Гар утасны хувилбар Татах
NEWS.mn

Мэдээллийн эх сурвалж