Академич Т.Ган-Эрдэнэ БНХАУ-ын Найрамдал шагналаар шагнагджээ | News.MN

Академич Т.Ган-Эрдэнэ БНХАУ-ын Найрамдал шагналаар шагнагджээ

Академич Т.Ган-Эрдэнэ БНХАУ-ын Найрамдал шагналаар шагнагджээ

Академич Т.Ган-Эрдэнэ БНХАУ-ын Найрамдал шагналаар шагнагджээ

ШУА-ийн Хими, химийн технологийн хүрээлэнгийн эрдэм шинжилгээний тэргүүлэх ажилтан, Академич Т.Ган-Эрдэнийг  Хятад улс байгуулагдсаны 70 жилийн ойгоор  2019 оны шагналтнуудынхаа нэгээр тодруулсан байна. Тэрбээр саяхан тус улсад очиж шагналаа аваад иржээ.

Найрамдал шагнал нь "Хятад улсын эдийн засаг, нийгэм, шинжлэх ухааны хөгжил дэвшил, гадаад хамтын ажиллагаанд үнэтэй хувь нэмэр оруулсан гадаадын мэргэжилтнүүдэд" олгодог БНХАУ-ын дээд шагнал юм. Энэхүү шагнал 1950-аад онд анх бий болж, Хятад улсын Ерөнхий сайд Жоу Энлай Зөвлөлт Холбоот Улс, Зүүн Европын орнуудын мэргэжилтнүүдэд гардуулж өгдөг байжээ.

БНХАУ дэлхий дахинаа нээлттэй бодлого явуулж эхэлсний дараа, 1991 оноос Хятад улсын Төрийн зөвлөлийн дэргэдэх Гадаад мэргэжилтнүүдийн асуудал эрхэлсэн төрийн захиргааны байгууллагаас жил бүр нэр дэвшигчдийг  шалгаруулж, Хятад улс байгуулагдсаны тэгш ойн жил 100, бусад жилд 50 гадаадын мэргэжилтнийг 10 дугаар сарын 1-ний өдөр буюу БНХАУ Үндэсний   баярын өдрөөр шагнадаг болсон байна.

Хятад улс байгуулагдсаны 70 жилийн ой тохиож буй 2019 оны шагналыг  БНХАУ-ын Төрийн зөвлөлийн Шадар сайд Лю Хэ гардуулж,  БНХАУ-ын Төрийн зөвлөлийн Ерөнхий сайд Ли Көцян баяр хүргэж үг хэлсэн байна.

Өнөө  жил энэхүү нэр хүндтэй шагналаар  АНУ-ын Чикагогийн их сургуулийн профессор, Нобелийн шагналт, эрдэмтэн Жеймс Ж. Хекман, Франц улсын иргэн, Олон улсын цөмийн судалгаа, инженерийн мегатөслийн Ерөнхий захирал, доктор Бернард Бигот тэргүүтэй АНУ, Англи, Франц, Герман, ОХУ, Япон, Франц, Австрали зэрэг 31 орны 100 гадаадын мэргэжилтэн шагнагджээ. Эдгээр эрдэмтдийн эгнээнд багтсан академич Т.Ган-Эрдэнэ Монгол Улсаас тус  шагналыг хүртсэн анхны хүн юм байна.

Эх сурвалж: ШУА

"Болор дуран"-аар шалгав.
Энэ мэдээнд өгөх таны сэтгэгдэл?
2
ТэнэглэлТэнэглэл
1
ЗөвЗөв
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

irgen 2019-11-11 202.9.44.125

Энэ хүн хятадаас шагнуулахаар ямар гавъяа байгуулсан юм бол.Сонин л юм даа.Хийсэн ажил гэж тодорхой юм байхгүй.

Avatar

Зочин 2019-11-11 192.82.66.181

Хятадын эрдэмтэдтэй хамтарсан судалгаа хийж бүтээл гаргасан хятад судлаачид ОУС-ын салбарт өчнөөн байгаа

Нэр дэвшүүлэхэд сайн анхаарах байжээ

Avatar

Мх 2019-11-11 103.206.194.6

Баяр хүргэе. Тэгэхдээ чухам юу хийсэн болоод шагнуулав даа, хө…

NewsMN Гар утасны хувилбар Татах
NEWS.mn

Мэдээллийн эх сурвалж