Хоригдлуудын ажлын хөлсийг буруу тооцдог байжээ | News.MN

Хоригдлуудын ажлын хөлсийг буруу тооцдог байжээ

Хоригдлуудын ажлын хөлсийг буруу тооцдог байжээ

Хоригдлуудын ажлын хөлсийг буруу тооцдог байжээ

Төв аймгийн прокурорын газраас Шүүхийн шийдвэр гүйцэтгэх Ерөнхий газрын харьяа 417 дугаар нээлттэй, 415 дугаар хаалттай хорих ангиудад ял эдлэж байгаа хоригдлуудын хөдөлмөрийн хөлсийг Шүүхийн шийдвэр гүйцэтгэх тухай хуулийн 215 дугаар зүйлд заасны дагуу олгож байгаа эсэхийг төлөвлөгөөт бусаар шалгажээ.

Шалгалтаар дээрх хорих ангиуд нь Шүүхийн шийдвэр гүйцэтгэх Ерөнхий газрын даргын 2018 оны А/131 дүгээр тушаалаар батлагдсан “Хоригдлын хөдөлмөрийн норм, цалин хөлсний үнэлгээг тогтоох журам”-д заасны дагуу “хөдөлмөрийн жишиг норм тогтоох зөвлөл” байгуулаагүй, мөн нарийн мэргэжил, онцгой нөхцөлтэй хөдөлмөрийн нормыг тогтоогоогүй, хоригдлын хийсэн бүтээгдэхүүнийг заавар, журмын дагуу үнэлээгүй, хоригдлын хөдөлмөрийн үнэлгээг хөдөлмөрийн хөлсний доод хэмжээнээс хэт доогуур тооцдог, ажилласан цалинг нь дутуу бодож олгодог зэрэг нэлээдгүй зөрчил илэрсэн байна.

Хоригдлуудын ажлын хөлсийг буруу тооцон олгож байгаа нь тэдний бусдад учруулсан хохирол төлбөрийг хийсэн ажлын хөлснөөс нь төлж барагдуулах боломжгүй нөхцөл байдалд хүргэх үр дагавартай юм. Төв аймгийн прокурорын газраас 417 дугаар нээлттэй, 415 дугаар хаалттай хорих ангийн дарга нарт прокурорын шаардлага хүргүүлж, илэрсэн зөрчлүүдийг арилгах, дахин гаргахгүй байх үүрэг өгсөн байна.

Э.АРИУН 

 

"Болор дуран"-аар шалгав.
Энэ мэдээнд өгөх таны сэтгэгдэл?
1
ХахаХаха
1
ТэнэглэлТэнэглэл
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-11-10 202.9.45.161

хоригдлуудын ажлын хөлснөөс хумслах хүртлээ ядуурасан байна гэсэн үгшүүү энэ улсын иргэд. цалин нь амьдралаа залгуулж чадах хэмжээнд байсан бол ийм асуудал тоож үүүсгэхгүй дээ. төрийн албан хаагч ч хүн, хувийн байгууллагад ажиллагсад ч хүмүүс, иргэдээ бодох цаг болжээ.

Avatar

Нямка 2019-11-10 182.160.35.234

Нямка хоригдолуудаар байшингаа үнэгүй бариулсан гэсэн

Avatar

zochin 2019-11-10 66.181.161.42

horigdluudiin hedelmeriin helsiig dutuu unelj tootsdog ny sanaatai uildej baigaa ny hunii erhiig sanaatai zerchij meljleg yavagdaj baina baina. Darga nar, sanhuug ny saitar shalgaj shiitgel onoovol zohino. Ted ch bas shudargaar hedelmeree uneluuleh erhtei

Avatar

АРД 2019-11-10 49.0.212.144

ТЭГЭЭД ТЭР ИХ МӨНГӨ ХААШАА ОРДОГ БАЙХ УУ? ЗАГНААД ӨНГӨРДӨГ АСУУДАЛ БИШ БАЙХ. АТГ ЭНЭ ТАЛ ДЭЭР АЖИЛЛАМААР ЮМ. АЛБАН ТУШААЛЫН ГЭМТ ХЭРГИЙН ҮНЭР СЭНГЭНЭЭД БАЙХ ЮМ. ПРОКУРОРУУД ХОХИРОГЧИЙН ЭРХИЙН АСУУДЛЫГ ИХ ХӨНДДӨГ. ГЭТЭЛ БОДИТ БАЙДАЛ ДЭЭР ИЙМ Л БАЙНА.

NewsMN Гар утасны хувилбар Татах
NEWS.mn

Мэдээллийн эх сурвалж