Өөрийгөө улсын байцаагч хэмээн танилцуулж иргэдийг залилсан хэрэг гарчээ. Тодруулбал, иргэн, аж ахуй нэгж байгууллага, бизнес эрхлэгч нарт өөрийгөө байцаагч хэмээн  танилцуулж улмаар онцгой байдлын галын дүгнэлт, Эрүүл мэндийн үзлэгт орсон уу гээд олон төрлийн аргаар байгууллагын нэрийг хууль бусаар ашиглан  176 иргэд, аж ахуй нэгж байгууллагыг залилан мэхэлсэн хэрэг гарсан байна. Уг этгээд нь Х овогтой Б гэгч бөгөөд түүнийг Сонгинохайрхан дүүрэг дэх цагдаагийн газрын гуравдугаар хэлтэс яллагдагчаар татан ажиллаж байна.

Иймд иргэд, аж ахуйн нэгж энэ мэт төрийн хяналтын байгууллагын нэр барьж, залилан хийж яваа гэмт этгээдийн арга мэхэнд өртөхгүй байхыг цагдаагийн хэлтсээс  сэрэмжлүүлж байна.

Э.АРИУН