Сүүлийн үед гэмт этгээдүүд туслах малчин, уяачийн дүрд хувилан ажиллаж байгаад хулгай хийх тохиолдол ихэсчээ. Тодруулбал, Сүхбаатар аймгийн нэгэн отрын адуучны туслах малчнаар ажиллаж байсан М нь бусадтай бүлэглэн удаа дараа хулгай хийснийг илрүүлжээ. Гэмт этгээд нь долдугаар сард бусдын гурван адуу, наймдугаар сард бусдын 15 адуу, есдүгээр сард бусдын 13 адуу, есдүгээр сард Мөнххаан сумаас хоёр мотоцикл зэргийг хулгайлж,  25 сая төгрөгийн хохирол учруулжээ. Дээрх  хэргийг Сүхбаатар аймгийн Мөнххаан сумын цагдаагийн хэсгийн алба хаагчид шалгаж байгаа аж.  Тиймээс туслах малчин, уяачаараа сайн таньдаг, мэддэг хүнээ сонгон ажиллуулахыг цагдаагийн байгууллагаас анхааруулж байна.

Э.БУРАМ