Баянзүрх дүүргийн V  хороонд байрлах Шавь цогцолбор  сургуулийн 640 хүүхдийн багтаамжтай хичээлийн байрны өргөтгөл өнөөдөр /2019.11.08/ ашиглалтад орлоо. Энэхүү үйл ажиллагаанд УИХ-ын гишүүн Б.Саранчимэг, сургуулийн удирдлага, эцэг эхчүүдийн төлөөлөл, сурагчид болон төрийн захиргааны холбогдох албан тушаалтнууд оролцлоо.

Нээлтийн үеэр УИХ-ын гишүүн Б.Саранчимэг “Монгол Улсын Засгийн газрын 2016-2020 оны үйл ажиллагааны хөтөлбөр, Үндсэн чиглэлд сургуулийн ачааллыг бууруулах, сургалтын чанарыг сайжруулах, хүртээмжийг нэмэгдүүлэх чиглэлд үр дүнтэй олон ажил хийж байгаа. Энэ онд 320 хүүхдийн хүчин чадалтай 97-р сургуулийн өргөтгөл,  улсдаа хамгийн томд тооцогдох 146 дугаар цэцэрлэг ашиглалтад орсон, Тойргийнхоо сургууль, цэцэрлэгүүдэд 250 сая төгрөгийн тоног  төхөөрөмж,  Баянзүрх дүүргийн XIV хороонд 100 хүүхдийн хүчин чадалтай  цэцэрлэг ашиглалтанд удахгүй орох зэрэг олон ажлуудыг шат дараалан хийж байгаа. Цаашид ч  сургууль, цэцэрлэгийн хүртээмжийг нэмэгдүүлэх  чиглэлээр 2020 оны төсөв хэлэлцэж байгаа энэ үед идэвхтэй ажиллана” гэлээ.

УИХ-ын гишүүн Б.Саранчимэг 2018-2019 оны улсын төсөвт Шавь цогцолбор сургуулийн өргөтгөлийн барилгын 3,5 тэрбум төгрөгийн санхүүжилтийг шийдвэрлэн батлуулсан байна. Шавь цогцолбор сургуулийн өргөтгөлийн барилгын ажлыг “Шилдээд” ХХК компани гүйцэтгэжээ.