Ардчилсан намын Үндэсний бодлогын хороо /ҮБХ/-ны ээлжит хурал маргааш буюу 2019 оны арваннэгдүгээр сарын 9-ний 12.00 цагт Төрийн ордны Их танхимд болно.

Уг хурлаар нэгдүгээрт, ҮБХ-ны нөхөн сонгуулиар сонгогдсон гишүүдийн бүрэн эрхийг батлах, хоёрдугаарт, Улс төрийн зөвлөлийн гишүүний бүрэн эрхийг батламжлах, гуравдугаарт, Сонгуульд нэр дэвшигчийн татварын хэмжээ, хугацааг батлах, дөрөвдүгээрт, 2020 оны УИХ-ын ээлжит сонгуульд нэр дэвших хүсэлтэй ҮБХ, ДоСХ, ҮДХ-ны гишүүдтэй байгуулах гэрээний төслийг хэлэлцэн батлах ажээ.

Маргаашийн хурлаар Ерөнхийлөгчийн Тамгын газрын дарга З.Энхболд Ардчилсан намын тэргүүн дэд дарга болно гэсэн шуум өнөөдөр тарсан ч энэ мэдээлэл нотлогдсонгүй.

А.ТУЛГА