Албадан гаргасан хятадуудыг Наньжин хотод саатуулан шалгаж байна | News.MN

Албадан гаргасан хятадуудыг Наньжин хотод саатуулан шалгаж байна

Албадан гаргасан хятадуудыг Наньжин хотод саатуулан шалгаж байна

Албадан гаргасан хятадуудыг Наньжин хотод саатуулан шалгаж байна

Тагнуулын ерөнхий газар болон Эрүүгийн цагдаагийн албаныхан өнгөрөгч аравдугаар сарын 29-30-нд шилжих шөнө нийслэлийн гурван дүүрэгт гүйцэтгэх ажил явуулж, нэр бүхий зочид буудлуудаас цахим луйврын хэрэг үйлдсэн байж болзошгүй 800 гаруй хятад иргэнийг саатуулан, баривчилсан.

Дээрх иргэдийг саатуулсан зочид буудлаас 10 мянга гаруй гар утасны сим, өндөр хурдны үзүүлэлттэй 1000 гаруй суурин компьютер хураан авсан. Хэрэгт холбогдсон хятад иргэд өнгөрөгч наймдугаар сараас эхлэн Монгол Улсад жуулчны болон бизнесийн визээр нэвтэрсэн нь тогтоогдоод байгаа ба визний зориулалтыг зөрчиж, хууль бусаар оршин сууж байсан юм.

Тагнуулын байгууллагаас “Тэдний явуулж байсан үйл ажиллагаа болон хураагдсан эд зүйлээс харахад БНХАУ-ын иргэд Монгол Улсын хилээр их хэмжээний бэлэн ба бэлэн бус валютыг хууль бусаар нэвтрүүлэн, 800 хүний бүрэлдэхүүнтэй цахим бүлэглэлийн үйл ажиллагааг явуулж, тэднийг санхүүжүүлж цалинжуулах, зочид буудал түрээслэх замаар орон байраар хангаж, аль нэг улсын нутаг дэвсгэрт цахим гэмт хэрэг үйлдэх замаар олсон гэмт хэргийн орлогоо Монгол Улсын нутаг дэвсгэрт байршуулж, үйл ажиллагаагаа өргөтгөж мөнгө угаах гэмт хэрэг үйлдэж байсан шинж тэмдэг тогтоогдож байна” гэсэн мэдээллийг өгсөн юм.

Харин Гадаадын иргэн, харьяатын газраас мэдээлж буйгаар эдгээр иргэний паспорт, бичиг баримтад шалгалт хийсэн бөгөөд 637 нь жуулчин ангиллын, 146 нь бизнес ангиллын 30 хүртэл хоногийн визтэй ирсэн БНХАУ-ын иргэд ирсэн зорилгоосоо өөр үйл ажиллагаа явуулсан болох нь тогтоогдсон юм.  Тиймээс эдгээр иргэдийг Гадаадын иргэний эрх зүйн байдлын тухай хуулийн 37.1.7 буюу ирсэн зорилгоосоо өөр үйл ажиллагаа явуулсан үндэслэлээр Монгол Улсад гурван жилийн хугацаанд дахин оруулахгүй байхаар хугацаа тогтоосон юм байна.

Цахим луйврын хэрэг үйлдсэн 759 хятад иргэдийг Монгол улсын нутаг дэвсгэрээс арваннэгдүгээр сарын 2-ны өдөр албадан гаргасан юм. Дээрх хэрэгтэй холбоотойгоор эдгээр иргэдийг Наньжин хотын цагдаагийн газарт саатуулан шалгаж байгаа талаар урд хөршийн хэвлэлүүд мэдээлж байна. Тухайлбал, Монгол Улсын нутаг дэвсгэрт хууль зөрчин ажиллаж байсан 759 иргэнийг хуулийн дагуу ажиллагаа явуулж албадан буцаасан. Улмаар энэ сарын 3-ны өдөр дээрх иргэдийг Жянсү мужийн цагдаагийн газар,  Өвөрмонголын цагдаагийн газрынхан тосч авсан аж.  Ийнхүү эдгээр иргэдийг энэ сарын 7-ны өдөр тус улсын Наньжин хотод тээвэрлэн аваачсан бөгөөд одоогоор хэрэг үүсгэн саатуулан шалгах ажиллагаа үргэлжилж буй. Энэ хэрэг нь 2019 онд тус улсад бүртгэгдсэн хамгийн өргөн хүрээтэй цахим луйврын хэрэг болохыг тодотгожээ.

74445096_546728789443544_5922963289360302080_n БНХАУ албадан буцаагдсан 758 хятад иргэнд Эрүүгийн хэрэг үүсгэж, Нанжин хотод хорихоор болжээ

Э.АРИУН 

"Болор дуран"-аар шалгав.
Энэ мэдээнд өгөх таны сэтгэгдэл?
5
ХөөрхөнХөөрхөн
3
ЗөвЗөв
2
ТэнэглэлТэнэглэл
1
ХарамсалтайХарамсалтай
1
БурууБуруу
0
ХахаХаха
0
ГайхмаарГайхмаар
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2019-11-08 202.126.89.142

Gavalsan baina

Avatar

Зочин 2019-11-08 103.216.196.9

Хятадууд шалгана л гэнэ шүү дэ.яг үнэндээ цэргүүд байхөө

Avatar

Зочин 2019-11-08 103.216.196.9

Баабар "баригдчлаашдээ"гэж гаслаад байсан.баабарыг шалгах хэрэгтэй

Avatar

Зочин 2019-11-08 202.131.245.243

баабарын 759 хятад тролл бүр нурмайчихжээ? кккккккккк

Avatar

зочин 2019-11-08 24.10.158.175

ЭНЭ 800 ХЯТАДЫН АСУУДАЛ МАНДАЖ БАЙХАД ХАРЬЯАТЫН ГАЗРЫН ДАРГА МӨРӨН ГАДААДАД АЖЛААР ЯВАХДАА ЭХНЭР ХҮҮХДЭЭ ДАГУУЛЖ ТӨСВИЙН МӨНГИЙГ ҮРЖ ЯВААТАЙ ТААРЛАА.ДЭНДЭЖ БАЙГАА ЮМ БИШ ҮҮ.

Avatar

Ганаа 2019-11-08 103.14.39.51

Монголд айлын эрх хүүхэд шиг пээдэгнээд байсан. Нутагтаа очоод хулхи нь буусан байна. Найзууд нилээн юм үзнээ.

Avatar

Irgen 2019-11-08 203.169.50.254

Mongold barigdaad gargahad tolgoi deeguur peedger baisan, huulx uilchildeg ulsdaa bolohoor bugdiin tolgoi gudaigaastai… ene ch bas neg zuiliig heleed bgaa biz

NewsMN Гар утасны хувилбар Татах
NEWS.mn

Мэдээллийн эх сурвалж