Монголд хоёр дахь удаагаа зохион байгуулсан жүдо бөхийн “Дэлхийн цом”-ын тэмцээнээс Монголын шигшээ багийн бүсгүйчүүдийн цорын ганц алтан медалийг ОУХМ Ц.Мөнхзаяа хүртсэн билээ. Өнгөрсөн амралтын өдрүүдэд болсон тэмцээний 63 кг-ын жинд өрсөлдсөн тэрбээр аваргын төлөө БНСУ-ын жүдоч  Кун Жа-Ёныг ялж,  “Дэлхийн цом”-ын аварга болсон юм. Ц.Мөнхзаяа өнгөрсөн жил ч мөн эх орондоо болсон “Дэлхийн цом”-оос аваргын алтан медаль хүртэж байсан билээ.

БНСУ-ын бөх Кун Жа-Ён дэлхийн чансааны наймд бичигддэг бөгөөд 2010 оны “Мастерс” тэмцээний мөнгө, Азийн аваргын мөнгө, Азийн тоглолтын мөнгөн медальтай жүдоч юм. Манай тамирчин энэ бөхтэй олон улс, тив, дэлхийн тэмцээнд өмнө нь дөрвөн удаа таарч байсан аж. Дөрвөн барилдаанд хоёр тамирчны ялалтын тоо 2:2 болж тэнцээд байсан тул энэ удаа тав дахь барилдаанд Ц.Мөнхзаяа ялснаар хайнаа хагалжээ. Жүдо бөхийн үндэсний шигшээ багийн тамирчин Б.Мөнхзаяаг түүний нөхөр, Монгол Улсын гавьяат тамирчин, гавьяат дасгалжуулагч Х.Болдбаатар дасгалжуулдаг билээ.

Б.Энх