Сонгуулийн саналыг хяналтын тооллого буюу гар аргаар дахин тоолох санал хуулинд оруулж байна | News.MN

Сонгуулийн саналыг хяналтын тооллого буюу гар аргаар дахин тоолох санал хуулинд оруулж байна

Сонгуулийн саналыг хяналтын тооллого буюу гар аргаар дахин тоолох санал хуулинд оруулж байна

Монгол Улсын Их Хурлын тухай хуулийн 11 дүгээр зүйлийн 11.1.15 дахь заалт, мөн зүйлийн 11.2 дахь хэсгийг тус тус үндэслэн гаргасан захирамжийн дагуу Сонгуулийн тухай хуульд нэмэлт, өөрчлөлт оруулах тухай хуулийн төслийг боловсруулж, УИХ-д өргөн мэдүүлэх ажлын хэсгийн гишүүн, Төрийн байгуулалтын байнгын хорооны дарга С.Бямбацогт болон УИХ-ын гишүүд өнөөдөр (2019.11.06) Сонгуулийн ерөнхий хороонд (СЕХ) ажиллав.

2020 онд болох УИХ-ын ээлжит сонгууль болон Орон нутгийн ээлжит сонгуулийн бэлтгэл ажил ямар байгаа талаар, мөн Сонгуулийн тухай хуулийн нэмэлт өөрчлөлтийн төслийг УИХ-д өргөн мэдүүлэх гэж байгаатай холбоотойгоор тус байгууллагын үйл ажиллагаатай танилцлаа.

УИХ-ын гишүүн С.Бямбацогт, Сонгуулийн ерөнхий хороо өнгөрсөн хугацаанд сонгуулийн үйл ажиллагааг амжилттай зохион байгуулж ирснийг дурдаад, Сонгуулийн тухай хуулийн нэмэлт, өөрчлөлтийн төслийг УИХ-д өргөн мэдүүлэхэд бэлэн болсныг хэллээ. Мөн сонгууль зохион байгуулахтай холбоотой санал хүсэлт, хүндрэл бэрхшээлийн талаар асууж, ярилцлаа.

Сонгуулийн ерөнхий хорооны дарга Ч.Содномцэрэн, энэ жилийн сонгуулийн төсөв нэмэгдсэн. Энэ нь 2012 оноос хойш сонгогчийн тоо 260 гаруй мянгаар, 2016 оны сонгуулиас хойш 112 мянгаар өссөнтэй холбоотой, ирэх хавар энэ тоо нэмэгдэнэ, үүнийг дагаад санал авах байр, хэсгүүд нэмэгдэх юм. Энэ жил 20.1 тэрбум төгрөгийг сонгуульд зарцуулахаар Сангийн яам тооцоолсон байгаа гэв. Мөн тэрээр Сонгуулийн тухай хуулийн нэмэлт өөрчлөлтөөр УИХ-ын, Ерөнхийлөгчийн, Орон нутгийн сонгууль гэж 3 ангилахаар өөрчилсөн болон сонгуулийн саналыг хяналтын тооллого буюу гар аргаар дахин тоолох саналыг хуулийн төсөлд оруулж байгаа гэв.

Уулзалтад УИХ-ын гишүүн, Н.Амарзаяа, О.Содбилэг, Ж.Батзандан нар болон Сонгуулийн ерөнхий хорооны дарга Ч.Содномцэрэн, СЕХ-ны нарийн бичгийн дарга Ц.Болдсайхан, СЕХ-ны Ажлын албаны дарга Д.Баяндүүрэн, СЕХ-ны дэргэдэх Мэдээллийн технологийн төвийн захирал Ж.Эрдэнэбат зэрэг хүмүүс оролцлоо хэмээн Улсын Их Хурлын Хэвлэл мэдээлэл, олон нийттэй харилцах хэлтсээс мэдээллээ.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-11-06 202.21.124.21

Тиймээ, Пропорционал, холимог гэх тогтолцоо нь иргэний шууд сонгох зарчмаас тойрч зугатаасан, намын нэр нөлөөн дор арай амар хялбар суудал авах, намуудыг сайн ч муу ч парламентад хүчээр л суудалтай болгох л арга. Олон сая хүн амтай, холбооны улсуудтай оронд ийм аргыг хэрэглэдэг. Ихэвчлэн олигархжсан намууд бүхий орнуудын сонгуулийн луйврын арга шүү дээ.

Avatar

ИРГЭН 2019-11-06 202.21.124.21

МАШ ЗӨВ. СОНГУУЛИЙН ДҮНГ ИНГЭЖ БАТАЛГААЖУУЛЖ БАЙХ НЬ ИРГЭДЭД ИТГЭЛ НАЙДВАР ТӨРҮҮЛНЭ. ХАРИН ҮНДСЭН ХУУЛЬД СОНГУУЛИЙН ТОГТОЛЦООГ ЗААХ, ТОЙРГИЙГ ТОМСГОХ НЬ ДЭНДҮҮ ТОМ АЛДАА ШҮҮ. ТОЙРОГ ТОМСОХ ТУСХАМ ТӨР ИРГЭНЭЭСЭЭ ХОЛДДОГ. СОНГУУЛИЙН ХУУЛЬД МОЖАРИТОР ТОГТОЛЦООГ ТУСГАЖ, 4-5 СУМ НЭГ ТОЙРОГ БАЙХААРТУСГАХ НЬ ЗӨВ.

NewsMN Гар утасны хувилбар Татах
NEWS.mn

Мэдээллийн эх сурвалж