БНХАУ-д хоёрдахь жилдээ зохион байгуулагдаж буй “Хятадын Олон улсын импортын экспо”-д Монголын талаас Уул уурхай, хүнд үйлдвэр болон хүнс, хөдөө аж ахуй хөнгөн үйлдвэрийн яамны төлөөлөл оролцож байна. Уг экспо арваннэгдүгээр сарын 5-20-ны өдрүүдэд үргэлжлэх аж. Энэ удаагийн арга хэмжээнд 67 орны нийт 3893 аж ахуй нэгж оролцож байна.

“Хятадын Олон улсын импортын экспо” нь Хятадын Засгийн газраас гадаад худалдааг сурталчлах, зэх зээлээ илүү олон нийтэд нээлттэй болгохыг тууштай дэмжиж буйг илэрхийлсэн санаачлага юм. Үүний үр дүнд дэлхийн улс орнуудын худалдаа, эдийн засгийн харилцаа, хамтын ажиллагааг гүнзгийрүүлэх, дэлхийн худалдаа, эдийн засгийн өсөлтийг нэмэгдүүлнэ гэж үздэг байна.