Шанхай хотноо болж буй Хятадын Олон Улсын Импорт Экспортын үзэсгэлэнг нээх гэж ирсэн БНХАУ-ын дарга Ши Жиньпин өчигдөр /2019.11.04/ Хонгконгийн удирдагч Кэрри Ламыг хүлээн авч уулзжээ.

Ши Жиньпин, Кэрри Лам нар таван сарын өмнө буюу Хонгконгод эсэргүүцлийн хөдөлгөөн эхэлснээс хойш анх удаа нүүр тулан уулзаж байгаа нь энэ юм.

Уулзалтын үеэр Ши Жиньпин Кэрри Ламыг үймээн самуунтай хүнд нөхцөл байдалд дэг журам тогтоохын төлөө ажиллаж байгааг сайшаагаад түүний бодлого, цаашдын үйл хэрэгт бүрэн итгэж байгаагаа илэрхийлжээ.

Энэхүү уулзалтын дараагаар Кэрри Лам Хятадын Засгийн газрын Шадар сайдтай уулзахаар болсон ба энэ уулзалтын дараагаар эх газрын Хятадын зүгээс Хонгконгийн талаар баримтлах бодлогод өөрчлөлт орж магадгүй гэж ажиглагчид үзэж байна.

Эх сурвалж: CNN