Н.Баяртсайхан, С.Даваасүрэн нарыг огцруулах тухай хэлэлцэнэ | News.MN

Н.Баяртсайхан, С.Даваасүрэн нарыг огцруулах тухай хэлэлцэнэ

Н.Баяртсайхан, С.Даваасүрэн нарыг огцруулах тухай хэлэлцэнэ

Н.Баяртсайхан, С.Даваасүрэн нарыг огцруулах тухай хэлэлцэнэ

Эрх баригчид Монгол Улсыг FATF-ын саарал жагсаалтад оруулсан буруутнаар төв банкны ерөнхийлөгч Н.Баяртсайхан, Санхүүгийн зохицуулах хорооны дарга С.Даваасүрэн нарыг тодруулаад байгаа бөгөөд өнөөдөр эл асуудлыг 10.00 цагт УИХ-ын Эдийн засгийн байнгын хорооны хуралдаанаар хэлэлцэнэ.

FATF нь Монгол Улсыг мөнгө угаах гэмт хэрэгтэйгээ тэмцэж чадаагүй зэрэг дөрвөн үндэслэлээр буруутгаж, саарал жагсаалтад багтаасан юм.

УИХ-аар хоёр долоо хоногийн өмнө ирэх оны Мөнгөний бодлогыг хэлэлцэх үеэр Монголбанкны ерөнхийлөгч Н.Баяртсайхан "Исландыг саарал жагсаалтад оруулахгүйн төлөө Скандинавын бүх орон, Европын холбооны маш олон орон ажилласан. Пакистаныг сааралтад жагсаалтад үлдээх үү, хар жагсаалтад оруулах уу гэж яригдахад цээжээрээ хамгаалсан олон орон байгаа. Харин Монголын асуудлыг ярихад хэн ч дуугараагүй. Манай улс гадаад харилцааны хувьд асуудалтай байна гэсэн үг. Монголд хөрөнгө оруулсан компаниудын гомдол ч бас байна. Энэ бүгдийг нээлттэй ярьж болохгүй байна. Үндэсний аюулгүй байдлын зөвлөл дээр, эсвэл хаалттай хуралдаанд ярина" гэсэн юм. Өөрөөр хэлбэл, гадаад ертөнцөд Монголын нэр хүнд шалдаа буун, өмгөөлөх оронгүй болтлоо ганцаардсан нь эрх баригчдын хэрэгжүүлж буй бодлоготой холбоотой гэж хэлж болно. Тэр дундаа FATF-аас өгсөн зөвлөмжийн хүрээнд холбогдох сайд нар ажлаа хийсэн үү гэдэг асуудлыг хөндөх шаардлага ч зүй ёсоор тавигдаж буй. Учир нь Монголбанкны ерөнхийлөгч Н.Баяртсайхан УИХ-ын дарга Г.Занданшатарт хүргүүлсэн ил захидалд "Монгол Улс саарал жагсаалтад орох нөхцөл байдал 2015-2016 онд өгсөн үнэлгээнээс шалтгаалан 2016-2017 онд бүрдээд байсан. Харин бид шуурхай ажиллаж, холбогдох үзүүлэлтүүдээ сайжруулж чадсанаар 2018 онд эрчимтэй хяналтад орсон юм.

2019 оны наймдугаар сард Австралийн Канберра хотод хуралдсан Ази-Номхон далайн бүлгийн хурал 10 дугаар сард FATF-ын хурлаар Монголын тайланг хэлэлцсэн бөгөөд манай олон үзүүлэлт наашилж сайжирсныг Олон улсын байгууллагаас хүлээн зөвшөөрсөн болно. Энэ асуудал нь хууль тогтоох, гүйцэтгэх засаглал, шүүх байгууллага, цагдаа, тагнуул, прокурор, Монголбанк, Санхүүгийн зохицуулах хороо, банкууд зэрэг олон байгууллагын хамтын үйл ажиллагаанаас хамаарах бөгөөд үр дагавар нь банкны салбарт шууд илэрч, банкуудын гадаад харилцаа хязгаарлагдаж эхлэх тул Монголбанк эхнээс нь анхааран хөөцөлдөж Монголбанкны дэргэдэх Санхүүгийн мэдээллийн алба, түүний хамтын ажиллагааны зөвлөлөөр дамжуулан шаардлагатай бүх үйл ажиллагаа, хурал зөвлөгөөний зардлыг санхүүжүүлэн ажиллаж ирлээ. Харин энэхүү хүчин чармайлтыг буруугаар мушгин тайлбарлаж “Саарал жагсаалтад орох нь дан ганц Монголбанкнаас хамаарах мэтээр дүгнэх нь хэт өрөөсгөл юм.

Парисын хурлаас баталсан Монгол Улсын хэрэгжүүлэх нэмэлт ажлын төлөвлөгөөнд Санхүүгийн зохицуулах хороо, Санхүүгийн бус мэргэжлийн үйлчилгээ үзүүлэгч этгээдийн шалгах чиг үүрэг бүхий байгууллагууд, Хууль сахиулах байгууллагууд, Гадаад хэргийн яам, Гаалийн ерөнхий газрын хариуцан хийх ажил чиг үүргийг тусгасан байна" хэмээн мэдэгдээд байгаа юм.

Г.ХОРОЛ

Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2019-11-05 203.217.139.226

Khoorkhiisoor tug takhij gol buruutnuud ni tsever uldlee dee

Avatar

Сонин тогтолцоо шүү дээ 2019-11-05 202.179.25.198

Дэдүүд нь дарга болно гэж яаж бодноо Харин ч нэг дэд нь ажлаа мэдэхгүй нөгөөх нь Занданшатарын сонгуулийг будлиантуулж ирээд дэд болонгуутаа цус харваад хий цалин хангамжтай 3 жил болсон гэж байгаа…. арай ч дээ Дэдүүд сайн байсан бол ажил нь бүүр л сайн байсан байх даа МАНгаруудаа

Avatar

Зочин 2019-11-05 202.126.89.7

Монгол найдваргүй гэж дэлхий мэддэг болсон бн.Хөршүүд нь ч хамгаалахгүй бн гэхээр бодит нотолгоо болно.Уул уурхайн баахан лиценз өөрсдөө тараасан.Багийн дарга,захын малчин мал ,гишүүн нь хүртэл хөөж тууж улстөр хийдэг.Хүрэлбаатар хүртэл увсдаа тойргийн сонгогчидтойгоо нийлээд нэг гадны компанийг хөөж байсан.Сумьяабазар дэлхийгээр тэнэж уул уурхай ярьж мөнгө хөрөнгө оруулалт гуйж дэмий тэнэх хэрэггүй.Энэний үгээр нэг ч гадны хөрөнгө оруулагч орж ирэхгүй

Avatar

зочин 2019-11-05 202.179.27.33

СЗХ-г бизнес болгосон хүн чинь одоо их хуралд суугаа атигар жонгиносон авгай юм байгаам шдээ

Avatar

зочин 2019-11-05 124.158.109.232

СЗХ нь Монкорд ХЗХ ны 3000 иргэний 22 тэрбум төгрөгийг зохицуулж чадаагүй байж улс орны асуудлыг зохицуулж чадахгүй татан буулгавал таарах байгууллага

Avatar

зочин 2019-11-05 66.181.169.116

баярсайхан харин сайн ажилласан. монголын баялгыг юу ч үгүй хамж авчихаад бүр давраад хорн найруулж хов хутгадаг балиад капиталистууд гомдол гаргасан гэнэ үү хүнээ байсан юмнууд хэдэн зуун жил бусдыг колончилсон чөтгөрүүдийг оруулж ирсэн хүмүүс буруутай шүү ямар муухай хар балагтай юм бэ

Avatar

zochin 2019-11-05 66.181.180.30

Баяртсайхан гуай маш муу ажилласан, хөлд нь СЗХ-ны хүүхэн чирэгдчихлээ

Avatar

Дорж 2019-11-05 103.212.118.187

Засгийн газар хариуцлага үүрэх ёстой Энэ тэргүүнд Нямдорж, Хүрэлбаатар гм Хэрвээ топор айгаад байгаа бол танхимаар нь ч огцруулах хэрэгтэй

Avatar

Зочин 2019-11-05 202.21.99.42

Хүрэлсүх энэ хоёроор туг тахиж сэлэм гялс хийлгэхээр шийдэж. Гэхдээ байдал сайжирч маргааш нь саарал жагсаалтаас гарах уу. Нөгөө сайхан таван залуу попорогч нар хаачсан бэ. Дуу хоолой нь яагаад гарахаа байв? Тэдний попорол ч энэ сааралд оруулах нөлөөлөл болсон шүү

NewsMN Гар утасны хувилбар Татах
NEWS.mn

Мэдээллийн эх сурвалж