Анхаар: Налайхын зам хурдны зам биш | News.MN

Анхаар: Налайхын зам хурдны зам биш

Анхаар: Налайхын зам хурдны зам биш

Анхаар: Налайхын зам хурдны зам биш

Зургаан сар хүлээлгэсний эцэст Гачуурт-Налайх-Чойр чиглэлийн 20.9 км автозам өчигдөр /2019.11.4/ ашиглалтад орж, зун, намаржин шороон замаар сүлжилдэн, тоос шороонд дарагдаж, энхэл донхол дунд машин тэргээ сүйдлүүлэн “зовсон” иргэдийг баярлуулав. Эл мэдээтэй зэрэгцэн Налайхын зам нээлтээ хийсэн ч, ашиглалтад ороогүй байна, жолооч нар шинэ зам нээгдэхийг хүлээн түгжрэл үүсгээд байна зэрэг мэдээлэл түгэв. Ингээд шинэхэн замыг зорьж, шинэ замын хөдөлгөөнд жолоочид хэр соёлтой оролцож байгааг сурвалжиллаа.

Биднийг 17.00 цагийн үед очиход тус замаар автомашинууд зогсолтгүй сүлжилдэж байв. Замын зүүн тийш чиглэх урсгал дагуух автобусны буудал дээр ээж, хүү хоёроос өөр автобус хүлээн зогсох хүн байсангүй. Тэднээс шинэ зам ашиглалтад орсноор ямар өөрчлөлт гарч буйг лавлалаа.

ГАРЦГҮЙГЭЭС ЦЕМЕНТ ДЭЭГҮҮР НЬ ДАВЖ ГАРЧ БАЙНА

И.Цэцэг

“Манай ажил энэ хавьд байдаг. Харин гэр маань Эм эмийн ургамалд байдаг юм. Гэр, ажлын дунд дөрөвдүгээр сараас эхлэн шороон замаар явлаа. Шороон замаар явахад тоос шороо бужигнахаас эхлээд маш хүнд байсан. Өнөөдөр шинэ замыг нээнэ гэдгийг сонсоод маш их баярлаж суулаа. Энд ирээд 10 минут орчим автобус хүлээгээд байна. Одоохондоо хүйтрээгүй байгаа ч өвлийн жавраар бага насны хүүхэд хөтлөөд автобус хүлээх ямар хүнд байдаг билээ дээ. Тиймээс Налайхын автобусны тоог нэмэх шаардлагатай байна. Бас явган хүний гарцыг нэмэх шаардлагатай.  Шинэ зам дагуу цөөн тооны явган хүний гарц байгаа ч тэр нь маш нарийн, хүүхдийг ганцааранг нь явуулалтгүй юм байна. Эмийн ургамлын ойролцоо ийм нарийн гарц ч байхгүй. Автобусанд суухын тулд цемент дээгүүр нь даваад л гараад байгаа” гэж байлаа.

ОЙР ХАВЬД ГАРЦ БАЙХГҮЙ

Т.Өлзийжаргал

Удалгүй автобус ирж, хэсэг хүн бууж ирсэн юм. “Налайхын зам өнөөдөр ашиглалтад орсноор, шороон замаар тоос бужигнуулан явахгүй их сайхан байна. Өнөөдөр азаар автобус хүлээлгэлгүй ирлээ. Налайх чиглэлийн автобус ер нь их хүлээлгэдэг. Энэ чиглэлийн автобусны тоог нэмэх зайлшгүй шаардлагатай. Бас явган хүний гарцыг нэмэхгүй бол горьгүй нь. Яг энд гарц харагдаж байгаа ч ойр хавьд үүнээс өөр гарц байхгүй.

ЭНЭ ЗАМААР 60 КМ/ЦАГ ХУРДТАЙ ЯВАХ ЁСТОЙ

Ингээд шинэ замаар цааш явтал хэсэг машин зам чөлөөлөн зогссон байв. Шинэ замаар хурд хэтрүүлэн яваа жолоочдыг түр “саатуулаад” байгаа нь энэ ажээ. Тээврийн цагдаагийн албаны Замын цагдаагийн газрын замын хөдөлгөөн зохицуулагч Д.Бат-Эрдэнээс шинэ зам нээгдсэнтэй холбоотойгоор жолооч нар ихэвчлэн ямар зөрчил гаргаж байгааг тодрууллаа.

-Шинэ зам дээр жолооч нар ихэвчлэн ямар зөрчил гаргаж байна вэ?

-Шинэ бүтээн байгуулалтын хүрээнд Гачуурт-Налайх-Чойр чиглэлийн 20.9 км зам ашиглалтад орсонтой холбоотойгоор ТЦА-ны Замын цагдаагийн газраас  хяналт шалгалт явуулж байна. Шинэ замд хурд хэтрүүлсэн зөрчил маш их гарч байна. Нэг цагийн дотор 30 гаруй хүн хурд хэтрүүлсэн зөрчил гаргаад байна.

-Нэг цагт 30 жолооч хурд хэтрүүлж байна гэдэг ноцтой сонсогдож байна. Үүнтэй холбоотойгоор ТЦА-аас ямар ажил зохион байгуулах вэ?

-Нийт жолооч нарт анхааруулах хэдэн зүйл байна. Нэгдүгээрт, энэ замыг жолооч нар орон нутгийн зам гэж бодоод хурд хэтрүүлээд байх шиг байна. Шинэ зам нь суурин газар доторх зам тул замын хөдөлгөөний дүрэмд зааснаар 60 км/цаг хурдтай явах ёстой. Манай байгууллагын зүгээс энэ маягаар ажиллаж, жолооч нарт сэрэмжлүүлгийг хүргэсээр байх болно.

-Маш олон машин зэрэгцэн явж байхад хурд хэтрүүлж яваа жолоочийг хэрхэн илрүүлээд байна вэ?  

-Жолооч нар дүрэм зөрчөөгүй байхад хурд хэтрүүлсэн гэж гүтгэлээ хэмээн маргадаг. Бид хурд хэтрүүлж байгаа эсэхийг шинэ багажаар илрүүлж байгаа. АНУ-д үйлдвэрлэсэн энэ багажид бичигдсэн бичлэгийг нь үзүүлж, энэ асуудлыг шийдвэрлэж байна. Мөн энэ багаж нь хурд хэтрүүлж яваа машиныг тодруулж, мэдээллийг ил болгодог.

-Таны дурдсан шиг жолооч нар энэ замыг орон нутгийн зам гэж бодоод хурд хэтрүүлээд яваа байж болох юм. Тэгсэн ч Зөрчлийн тухай хуулиар торгож, хариуцлага тооцож байгаа юм уу?

-Хурд хэтрүүлсэн тохиолдолд Зөрчлийн тухай хуулийн 14.7.31, 32-т заасны дагуу суурин газар 90км/цагаас дээш хурдтай явах юм бол 50 мянган төгрөгөөр торгож, жолоодох эрхийг нь гурван сараар хасдаг, харин 90 км/цагаас доош хурдаар зөрчил гаргасан бол 50 мянган төгрөгөөр торгодог. Гэхдээ бид энэ удаад жолооч нарт сануулга өгсөн. Дараагийн удаад дүрмийн дагуу шийдвэрлэнэ. Дураараа биш дүрмээрээ замын хөдөлгөөнд оролцохыг нийт жолооч нартаа дахин дахин анхааруулмаар байна.

ХУРД ХЭТРҮҮЛЖ ЯВААГАА АНЗААРСАНГҮЙ

Хурд хэтрүүлж, дүрэм зөрчин “саатуулагдаад” байгаа жолоочийн төлөөллөөс хурд хэтрүүлсэн шалтгааныг лавлаад, зургаан сар хүлээсний эцэст шинэ замаар зорчиход төрсөн сэтгэгдлийг нь сонссон юм. Тэрбээр “Шороон замаар явж байгаад шинэ замаар явсан чинь гоё юм. Гэхдээ хурд хэтрүүлж яваагаа ч анзаарсангүй. Дахиж ийм алдаа гаргахгүй” гэх тайлбарыг өгсөн юм.

“УРГАХ НАРАН”-ГИЙН АВТОБУСНЫ ТООГ ЗАЙЛШГҮЙ НЭМ

Ингээд баруун тийш чиглэх урсгалд орлоо. Замын хөдөлгөөн тасралтгүй үргэлжилж байлаа. Хэсэг явсны эцэст автобус хүлээн зогсох хэсэг хүмүүстэй таарсан юм.

Г.Оюунцэцэг

“Ургах наран” хорооллын буудал дээр автобус хүлээж цаг орчим зогслоо. Ирэхгүй болохоор нь эндээс автобусанд суух гээд ирсэн юм. Налайхын автобусны хүлээгдэл “Ургах наран”-гаас арай гайгүй байдаг юм. Ес эхлэхээр цэцэрлэг, сургуулийн хүүхэд хөтлөөд энэ хоёрын дунд явах амаргүй. Өвлийн улиралд бүр хүнд. Тиймээс “Ургах наран” чиглэлийн автобусны тоог нэмэгдүүлэх зайлшгүй шаардлага байна.

Автобусны буудлын ойролцоо хурд хэмжин зогсоо замын хөдөлгөөн зохицуулагчидтай таарлаа. Тэднээс зам нээснээс хойш замын хөдөлгөөний дүрэм зөрчсөн хэчнээн зөрчил илрүүлээд байгааг асуухад “Одоогоор 20 гаруй жолооч хурд хэтрүүлээд байна. Хурд хэтрүүлсэн жолооч нарт энэ удаад сануулга өгсөн. Ихэнх зам дээр 60 км/цаг, тусгай тэмдэглэгээтэй газар 50км/цаг хурдтай явах заалтыг мөрдүүлэхээр ажиллаж байна” гэсэн юм.

Замын голд гэрлийн шон, гэрэлтүүлгийн материалыг цувуулан тавьсан байлаа. Ойрын өдрүүдэд багтаан зам дагуух гэрэлтүүлгийн ажлыг дуусгахаар шаргуу ажиллаж байгаа нь энэ ажээ. БНХАУ-ын 36 сая ам.долларын хөнгөлөлтэй зээлээр баригдаж буй уг замын ажил бороо, ус ихтэй байсны улмаас товлосон хугацаанаас 29 хоногоор хойшилсон ч зорчих хэсгийн хөдөлгөөнийг нээгээд буй нь энэ юм.

Гэхдээ замын ажил бүрэн дуусаагүй бөгөөд гүйцэтгэл 80 хувьтай байгааг Авто замын хөгжлийн газрын дарга Ж.Тогтохбаяр нээлтийн үеэр онцолсон юм. Харин ирэх хавар замын өнгө хучилт, явган зам, дугуйн зам байгуулах аж. Эдгээр ажлыг хийхэд зам хаах шаардлагагүй бөгөөд тус зам дээр 100 тонн хүртэлх ачааны машин явах боломжтой гэдэг утгаараа гурван жилийн баталгаатай ч 60 жил ашиглах боломжтой юм байна.

Баригдаж эхэлсэн цагаасаа л гарц, гармын асуудал дагуулсан тус замд стандартын дагуу явган хүний таван гүүрэн гарц байгуулж, дөрвөн километрт нэг гарц, нэг аюулгүйн тойрогтой байхаар төлөвлөсөн байна. Мөн мал, амьтны нүхэн гарцыг ч шийдсэн гэнэ. Одоо зам стандарт, төлөвлөгөөний дагуу баригдах эсэхийг харах л үлдлээ.

"Болор дуран"-аар шалгав.
Энэ мэдээнд өгөх таны сэтгэгдэл?
7
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

37 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-11-05 192.82.75.198

1 рт. Хурдны хязгаарыг бага зэрэг нэмж яагаад болохгүй гэж ядаж 70 км цаг ч юм уу, 2 рт. Дээрх мэдээлэлд дурдсанаар айл болгоны хашаа болгоны харалдаа явган хүний гарц хийх боломжгүй гэдгийг тэр хавьд оршин суудаг иргэд ойлгох хэрэгтэй. Эртхэн гараад бага зэрэг илүү алхаад гарцаараа гарч сурахад юу нь болохгүй байна аа, цагийг нь тулгаад лнэг л их яарсан хүмүүс хашаа хайс хамгаалалтын зурвас бетонон хаалт даваад амь насаа эрсдэлд оруулах юм. Бүгдийг бусдаас төрөөс хамаатуулж бодохоо болимоор юм

Avatar

. 2019-11-05 202.9.44.235

Хурд 80 байх ёстой биш үү. 60 явах байсан юм бол хуучин зам нь ч хангалттай байсан.

Avatar

Хүннү 2019-11-05 202.179.25.168

Ядуу сэтгэдэг улсын нэг мөнгө олох арга нь энэ хурд шүү дээ. 60-с дээш гарвал улсад 50 мянга орно. Төсвийн орлогыг бүрдүүлдэг нэг хүчин зүйл чинь торгуулын орлого байдаг юм. Энэ зам чинь зорчидог биш орлого нэмэгдүүлдэг зам. Осол аваар гаргаад байгаа чинь машины хурданд биш ээ жолоочийн ур чадварт байна. Маш муу жолооч төгсөж гараад байна. Үүнийгээ анхаар л даа.

Avatar

Зочин 2019-11-05 203.91.115.50

220, хамгийн бага нь л 160 милл хурдны хэмжүүртэй орчин үеийн автомашинаар иймэрхүү замд 60 тай явна гэж юу байх вэ дээ. Жаахан хөгжилтэйгээ хөл нийлүүлмээр юм. Орос 69 унадаг үе дууссан байна.

Avatar

Зочин 2019-11-05 202.179.25.168

Харин тиймээ манай улсын бодлого машины хурдыг гүйцэхгүй байна.

Avatar

Зочин 2019-11-05 203.91.115.50

Насгүй л зам болсон харагдсан. Явахад хаалттай хурдны зам шиг заавал Налайхаар дайрч зүүн тийш явах нь төвөгтэй. Нэг юмаа нэг төгс хийнэ гэж байхгүй оркууд юм аа. Голоор нь шорон шиг хаалт хийсэн нь огт таалагдсангүй. Осол гарлаа гэхэд эрсдэл нь их болсон санагдсан.

Avatar

hello 2019-11-05 103.87.255.74

hurdnii zam bish shuu huuhduudee

Avatar

Unen 2019-11-05 103.212.117.64

YUN 60 XUTSAARAI. 100 TAI YAV. TEGEHDEE AIMAAR DEESH DOOSH SAVALSAN ZAM BNA LEE. MUUXAI XIISEN BNA LE

Avatar

Зочин 2019-11-05 66.181.178.199

Юун 60 бэ, 80-100 нь зев шуу! Хэтэрхий удаан нь цаг алдах, тугжрэл уусэх гээд асуудал их гарнаа.

Avatar

zochin 2019-11-05 66.181.189.182

Монголд хамгийн их хурдлах дуртай хүмүүс бол эрүүл согтуу ОРКууд.

Avatar

Иргэн 2019-11-05 192.82.77.33

Явган хүний ойролцоо маш их хурд сааруулагч тавих хэрэгтэй

Avatar

Зочин 2019-11-05 64.119.18.172

НАЛАЙХЫН ЗАМ ДАГУУ СУУРЬШЛЫН БҮС БАЙДАГ УЧИРААС СУУРИН ГАЗАР ДЭЭД ХУРД 60 КМ ЦАГ ГЭЭД ДҮРМЭН ДЭЭРЭЭ БАЙДАГ , ДҮРЭМ ӨӨРЧЛӨӨГҮЙ БОЛ ДҮРМЭЭРЭЭ Л ЯВДАГ УЧИРТАЙ ОРКУУДАА .

Avatar

зочин 2019-11-05 202.131.243.186

амь насаа бодоод хүмүүс өөрсдөө хурд багатай яваачээ байнга цагдаагаар хурдаа хасуулна гэж юу байхавдээ

Avatar

Зочин 2019-11-05 202.70.34.30

Хурдны хязгаарыг дор хаяж 80 -100 болгох хэрэгтэй . Удаан явснаар түгжрэл үүсээд байна. Удаан явсныг нь торгох хэрэгтэй

Avatar

Зочин 2019-11-05 203.91.115.50

Чамтай яг ижил саналтай, дэмжиж байна. Оркууд машин барьж суртлаа 100 жил болох байх даа. Дэлхийд 60 гэдэг хурд өнгөрсөн зуунд л үлдсэн байх даа.

Avatar

Жоохон амьдралтай бай л даа, Цагдаа нараа 2019-11-05 66.181.167.239

Хуучин муу замтай байхад 60-тай явдаг машин байсан уу. Одоо зам нь сайжирчихаар 60-тай явна гэдэг "мөлхөх" шиг л болох байх даа…

Avatar

Зочин 2019-11-05 112.72.6.22

Энэ зам дээр цагдаа байнга бна гэж юу байхав дээ. ингэж халуун хүйтэнд хүн зовоож гадаа зогосоож байхаар бусад улс оронд байдаг хяналтын камераар асуудлыг нь шийдэж болно. Манай хэдэн махан толгойтой дарга нарын хийж буй арчаагүй арга гэж энэ дээ.

Avatar

80 km/ц 2019-11-05 202.131.253.66

80 bolgood hetruulsen orkuudiig torgood erhiid ni 5 jileer hasah heregtei

Avatar

Зочин 2019-11-05 203.169.49.105

50 -80 байвал тохиромжтой.

Avatar

Хурдыг 80 хүргэх хэрэгтэй 2019-11-05 202.126.88.159

Хурдны хязгаарыг дор хаяж 80 болгох ёстой, аль дээр үеийн хоцрогдсон техникэд тавьдаг байсан шаардлага шүү дээ. Одоо цагт автомашины хурд, жолоодлого, найдвартай байдал шал өөр болсон. Налайхын зам болон Яармагийн зам дээр хурдыг 80 болгох хэрэгтэй … Огт саадгүй байхад 60 км хурдтай гэлдрээд байна гэдэг хувь хүний болон улс орны эдийн засагт хохиролтой

Avatar

Галтмаа 2019-11-05 202.126.89.92

Нийт автомашины 80% нь 10-аас дээш насны ашиглалттай учир хурдны хязгаар бага байх нь зөв. Шинэ машинууд 80км/ц хязгаартай, японы ямбийнуудад 60км/ц гэж дээл хязгаарыг ялгаварлан тогтоох нь зохимжтой. Хот хоорондын зам байна лээ шдээ. Бүтэн эргэх эргэлтийн шийдэл үнэн утгагүй. 2-р эгнээнээсээ шууд зүүн эргэдэг. Тэнд их осол гарна даа. Урд яваа машиг бүтэн эргэх гээд араас нь машин мөргөөд олон хүн хохироно доо….

Avatar

Зочин 2019-11-05 103.80.210.9

80 bolgoh heregtei

Avatar

shd-19 2019-11-05 103.10.20.197

Шинэ зүйл хийхэд дандаа шүүмжилдэг зангаа болмитоор юм даа. Ганц ч магтаалын үг алга. Хүн байгалийн өгөгдлөөрөө урмын амьтан байдгийн.

Avatar

setgdel 2019-11-05 192.82.68.219

zam saihan bolson bnle. tovchoonoo tsaashaagaa urgahnaran horoolol hurtel yvj baij gertee irj bn zoori mt kolonkoor ail ikh shuudee esbel shoroogoor ybah zam bn mashin tereg ebderch guitseed bn

Avatar

Зочин 2019-11-05 202.9.43.245

Хурдны хязгаарыг 80 км/цаг болгоод түүнээс дээш хурдтай яввал хатуу арга хэмжээ авахаар зохицуулаач

Avatar

Зочин 2019-11-05 202.70.44.138

60км хязгаарлах юм бол голоор нь өндөр үнэтэй цементэн хашлага хийх хэрэггүй байсан, мөн явган гарцнууд олныг хийх ёстой байсан. Ийм зам хийчихээд 60хязгаарлана гэдэг бол жолооч нараас мөнгө ш*** арга л гэсэн үг. Манайхаас бусад бүх улсад хурдны хязгаарыг хэтрүүлэх норм байдаг бөгөөд 20км.цагаас дээш хэтрүүлвэл торгууль ярьдаг. Манайх 60 км.цаг гээд л 65 км.цаг хурдтай явж байхад торгууль ирж байдаг

Avatar

бодлын хулгайч 2019-11-05 66.181.167.53

ХУРД СААРУУЛАГЧ ХИЙХ ХЭРЭГТЭЙ

Avatar

bi baina 2019-11-05 66.181.168.131

Hurndii hyazgaar arai bish ee!! Ydaj 80 km/h bh heregtei. Tegeel uruu gazar nuugadaj bgad torgoh gd chichreed bdag tsagdaa nar !!

Avatar

Зочин 2019-11-05 66.181.183.93

20 хон км замыг нээнэ гэж бас бөөн мөнгө төсөвлөж тууз хайчлаад ичмээр юмаа. Жолооч нар минь соелтоы дүрмээрээ ухамсартайгаар хөдөлгөөнд оролоорой

Avatar

Иргэн 2019-11-05 66.181.190.106

Зам сайхан тависан юм шиг байна. Харин үер усны хамгаалалтаа сайн хийх хэрэгтэй шүү.

Avatar

Шар өвгөн 2019-11-05 103.212.118.187

хувьЗунжингаа ажиллачихаад 20 км замыг 100 хувь хүлээлгээд өгч чаддаггүй яасан арчаагүй улсууд вэ…тэгээд л 200 км зам хүлээгээд авсан юм шиг Хүрэлсүх тууз хайчилж сүржигнээд л ёстой шоучид юмаа…

Avatar

Зочин 2019-11-05 192.82.68.218

халаасандаа 20000 төг ч үгүй байж олон юм хуцаж солиордогоо боль.

Avatar

Зочин 2019-11-05 202.126.89.92

Онигоо онигоо! Дүүрэг хооронд холбосон замын нээлтэнд Ерөнхий сайд, Зам тээврийн сайд нь хүртэл ирж тууз хайчлаад. Хотын дарга л хавааск шд ээ

Avatar

Зочин 2019-11-05 124.158.120.30

сайхан шинэ зам дээр хэдтэй явж байгаагаа анзаарахгүй хурд хэтрүүлэх үе зөндөөл байдаг хурдны хязгаарийг 100 км цаг болгох хэрэгтэй

Avatar

Дархан 2019-11-05 180.149.96.90

4 жил нурмайж байж 20 км зам тавьсанаа, 2 хөршийг холболоо ч гэх шиг. Где Дарханы зам

Avatar

Зочин 2019-11-05 66.181.161.70

Юун 60 км цаг вэ ядаж 80 болгоочээ ямар одоо 69 унаж бгаа хүн бгаа биш

Avatar

зочин 2019-11-05 202.21.100.210

Монголчууд бид хүний хийсэн бүтээсэнийг үнэлэх хэрэгтэй шүү сайхан зам болжээ

NewsMN Гар утасны хувилбар Татах
NEWS.mn

Мэдээллийн эх сурвалж