"Хариуцлагын асуудал Монголбанк, Санхүүгийн зохицуулах хороогоор дуусахгүй байх" | News.MN

"Хариуцлагын асуудал Монголбанк, Санхүүгийн зохицуулах хороогоор дуусахгүй байх"

"Хариуцлагын асуудал Монголбанк, Санхүүгийн зохицуулах хороогоор дуусахгүй байх"

"Хариуцлагын асуудал Монголбанк, Санхүүгийн зохицуулах хороогоор дуусахгүй байх"

УИХ дахь МАН-ын бүлэг өнөөдөр /2019.11.04/ хуралдаж, хоёр асуудлыг хэлэлцлээ. Тодруулбал, УИХ 2020 оны төсвийн тухай хуулийн төсөл болон өнгөрөгч Баасан гаригт Ерөнхийлөгч Х.Баттулгаас зөвшилцөхөөр хүргүүлсэн зарим Элчин сайдуудыг чөлөөлж, томилох асуудлыг хэлэлцэв.

Хуралдаанаар хэлэлцсэн асуудлын талаар УИХ дахь МАН-ын бүлгийн дарга Д.Тогтохсүрэн мэдээлэл өгсөн юм. Тэрбээр “2020 оны улсын төсөвт 250 орчим тэрбум төгрөгийн зардлыг бууруулж, мөн тэр хэмжээний зардлыг нэмэх саналыг бүлгийн хуралдаанаар хэлэлцүүллээ. Зарим зардлыг хэмнэж, өөр ажилд зарцуулахаар болсон. Нэн ялангуяа Эрүүл мэндийн салбарт нэлээн анхаарал тавьж байна. Хавдар судлалын үндэсний төвийн эмнэлэгт анхаарах гэх мэт. Мөн томоохон эмнэлгүүдийн төхөөрөмжийг шинэчилнэ. Ялангуяа төвийн томоохон эмнэлгүүдийн тоног, төхөөрөмжийг шинэчилнэ. Хавдрын эрт оношилгоог илрүүлэх чиглэлээр хууль баталсан. Үүнтэй холбоотойгоор тодорхой төсвийг баталсан. Эрүүл мэндийн салбарт хэрэгтэй төсвийг аль болох бүгдийг нь суулгаж өгсөн. Харин боловсролын салбарын хэмжээнд гурван ээлжээр хичээллэж буй сургуулиудын тоог цөөлөх зорилготой байгаа. Нийслэлийн хэмжээнд шинээр зургаан ЕБС барихаар төсөвт мөнгийг нь тусгана. Нийслэлээс 319.3 тэрбум төгрөгийн орлогыг төвлөрүүлж байгаа. Үүнийг бууруулж өг гэж нийслэлээс сонгогдсон гишүүд тавьдаг. Бууруулах боломж үгүй. Хэрвээ бууруулна гэвэл төсвийн хуульдаа өөрчлөлт оруулахаас өөр аргагүй. Хөрөнгө оруулалт, урсгал зардлын хэмжээнд 250 тэрбум төгрөгийг хэмнэх, нааш, цааш нь оруулах асуудлыг хэлэлцээд бүлгийн хуралдаанаар дэмжсэн. Цаашид байнгын хороо, чуулганы хуралдаанаар хэлэлцэнэ. Энэ асуудалд зохицуулалт хийнэ.

Мөн Ерөнхийлөгчөөс зургаан улсад суугаа Элчин сайдыг эгүүлэн татаж, томилох саналыг оруулж ирсэн. Уг саналыг өнөөдрийн бүлгийн хуралдаанаар хэлэлцээд дэмжсэн.

Тодруулбал, ОХУ-д суух Онц бөгөөд Бүрэн эрхт Элчин сайдад томилохоор зөвшилцөж буй Дуламсүрэнгийн Даваа, Бүгд Найрамдах Куба Улсад суух Онц бөгөөд Бүрэн эрхт Элчин сайдад Шагдарын Батцэцэг, Тайландын Хаант Улсад суух Онц бөгөөд Бүрэн эрхт Элчин сайдад Амарсанаагийн Төмөр, Шведийн Хаант Улсад суух Онц бөгөөд Бүрэн эрхт Элчин сайдад Түвдэндоржийн Жанабазар, Нэгдсэн Үндэстний Байгууллагын дэргэд суух Байнгын төлөөлөгч, Онц бөгөөд Бүрэн эрхт Элчин сайдад Воршиловын Энхболд нарыг томилохоор Ерөнхийлөгч зөвшилцөхөөр хүргүүлсэн. Уг асуудлыг МАН-ын бүлгээр дэмжсэн" гэлээ.

Мэдээллийн дараа сэтгүүлчид сонирхсон асуултаа хариуллаа.


Төсвийн зардлыг танах уу? 

-Төсөв дээр тодорхой саналыг хасч байгаа. Зарим хөрөнгө оруулалтын дүнг бууруулж, он дамжуулж байгаа. Маргааш /2019.11.05/ ажлын хэсэг албан ёсоор хуралдаж, шийдвэр гаргана.

-Ашигт малтмалын тухай хуулийн заалтыг ҮХЦ хүчингүй болгосон. Уг асуудалд МАН-ын бүлэг ямар байр суурьтай байгаа вэ? 

-Ашигт малтмалын нөөц ашигласны төлбөрийг чөлөөлвөл 2020 орны төсөв дээр 1,2 их наяд дутахаар байгаа. Тиймээс энэ чиглэлээр ажиллаж байна. Байнгын хороогоор маргааш /2019.11.05/ хэлэлцэнэ. Хуулийн өөрчлөлтийг энэ долоо хоногт хийнэ. Хурдан шийдвэрлэхгүй бол татварын янз бүрийн асуудал үүсэхийг үгүйсгэхгүй.

-Аймгуудад харилцан адилгүй төсөв хуваарилсан гэдэг шүүмжлэл дагуулаад байна. Аймгуудын төсвийг эргэж харах уу? 

-Хэнтий аймагт өндөр хөрөнгө төсөвлөгдсөн. Авто зам баригдахаар төсөв нь өндөр гарчихаад байгаа юм. Хэнтий аймгаас Бэрх, Бор-Өндөр, Дадал руу аялал жуулчлалын зам тавигдаж, дэд бүтцийн ажил хийгдэнэ. Аялал жуулчлалын шинэ маршрутыг нээхээр ажиллаж байна. Соёл урлагийн чиглэлд хөрөнгө оруулалтыг хийхээр болсон. Нэг дор бөөнөөр нь шийдэхээр болсон.

-Энэ долоо хоногт байнгын хороо, УИХ-ын чуулганы хуралдаанаар Монгол банк, Санхүүгийн зохицуулах хорооны дарга нарыг огцруулах асуудлыг ярина. Монгол улс саарал жагсаалтад орсон асуудлаар хариуцлагын асуудал ярьж байгаа юм бол Сангийн сайд болон Хууль зүйн сайдтай хариуцлага ярих ёстой юм биш үү?

– Саарал жагсаалттай холбоотой асуудлыг Засгийн газар олон дахин ярьсан. Хариуцлагын асуудал энэ хүрээнд дуусахгүй болов уу.

-Үндсэн хуулиар зөвшилцөх ажлын хэсэг хэзээ хуралдах вэ?

-Ажлын хэсэг энэ долоо хоногт хуралдана. Үүний дараа АН-аас гаргасан саналыг хүлээж авах болон бусад асуудлыг ирэх долоо хоногт тодорхой болгож МАН-ын бүлэг шийдвэрээ гаргана.

 

 

 

 

 

"Болор дуран"-аар шалгав.
Энэ мэдээнд өгөх таны сэтгэгдэл?
2
ЗөвЗөв
1
ХөөрхөнХөөрхөн
1
БурууБуруу
0
ХахаХаха
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2019-11-04 139.5.216.38

Хариуцлага хүлээх гол буруутнууд бол Ц.Нямдорж, Ч.Хүрэлбаатар нар л даа! Ард түмэн ямар тэнэг биш. Хариуцлагыг эд нар өөрөөсөө зайлуулж Баяртсайхан, Даваасүрэн хоёроор туг тахиж байгаа нь зүгээр л эмгэнэлтэй. ҮХНӨ, Элчингүүдийг УИХ, ЗГ биш Женко бүрэн мэдэж шийдэж байна. МАН-д дахин бүү итгэ. Итгээд өгсөн 65 ганцхан хүний хармаанд орчихож байхад. !

Avatar

ХУД-ийн иргэн Ш.Раднаа: 9 хоногийн өмнөх миний дүгнэлт, санал ийм байжээ 2019-11-04 66.181.178.225

МАН-ын удирдлага Баяртсайхан, Даваасүрэн хоёроор ТУГ ТАХИХ нь л дээ.Гэхдээ энэ хоёртой хариуцлага тооцоход өмөөрөөд байх хүн алга биз. Гол нь нөгөө буруутан Нямдорж, Хүрэлбаатар хоёрыг яаж ч чадахгүй.Тэрийгээ МАН-ын удирдлага мэдэж байгаа..Ер нь Саарал жагсаалтаас хурдан гарах нь иргэд бидэнд хэрэгтэй болохоос МАН-ынхан хэнтэйгээ хариуцлага тооцох, тооцохгүй нь ач холбогдол бага.Саарал жагсаалтад орсон шалтгаан 4 асуудлаар хязгаарлагдахгүй, далдын нөлөө байж мэднэ гэж ултай судлаасай. 2019.10.27

NewsMN Гар утасны хувилбар Татах
NEWS.mn

Мэдээллийн эх сурвалж