Оросын интернет үйлчилгээ үзүүлэгч Рунетийн тогтвортой, найдвартай байдлыг хангах хууль Орост хэрэгжиж эхэллээ. ОХУ-ын Ерөнхийлөгч Владимир Путины тавдугаар сард гарын үсэг зурсан уг хууль арваннэгдүгээр сарын 1-нээс хэрэгжиж эхэлж байгаа юм.

Цахим орчинд хууль зөрчсөн аливаа үйлдлийг таслан зогсоох зорилгоор хандалт, нэвтрэлтийг хаах төхөөрөмжийг интернэтийн үйлчилгээ үзүүлэгч операторуудын сүлжээнд тавихаар хуульд тусгагдсан. Уг төхөөрөмжийг Оросын Засгийн газар нийлүүлэх юм.

Мөн Рунет сүлжээний хяналт, зохицуулалтын төв байгуулагдана, энэ төв шаардлагатай үед хяналтаа чангатгана хэмээн хуульд заажээ.

Эх сурвалж:РИА НОВОСТИ