"Нөхрийн маань нэр хүндийг сэргээлгэхэд туслаач" | News.MN

"Нөхрийн маань нэр хүндийг сэргээлгэхэд туслаач"

"Нөхрийн маань нэр хүндийг сэргээлгэхэд туслаач"

Хөдөлмөр нийгмийн хамгааллын яамны Хүн амын хөгжлийн газрын мэргэжилтэн, хөгжлийн бэрхшээлтэй иргэдийн дуу хоолой болсон Б.Болороогийн нөхөр А лифтний хонгилд унаж, нас барсан харамсалтай хэрэг гарсан. Энэ хэрэгтэй холбогдуулан Цагдаагийн ерөнхий газар /ЦЕГ/-ын даргын өгсөн үүргийн дагуу албаны шалгалт явуулахаар болсон. Тухайлбал, Б.Болороогийн нөхрийн задлан шинжилгээний хариу их хэмжээний согтолттой байсан гэж гарсан байдаг. Үүнээс гадна холбогдох байгууллагаас Б.Болороогийн нөхрийг их хэмжээний архи хэтрүүлэн хэрэглэж, улмаар лифт рүү хөл алдаж амь насаа алдсан гэсэн дүгнэлт гарсан аж. Уг дүгнэлттэй Б.Болороо санал нийлэхгүй байгаа бөгөөд энэ хэрэгт компанийнхан нөлөөлсөн гэж үзэж, үнэнийг тогтоолгоход олон нийтээс дэмжлэг хүсч буй. 

Тэгвэл иргэн Б.Болороо ээжийнхээ  хамт нөхрийнхөө хэрэг явдлыг үнэн зөвөөр шийдвэрлүүлэхээр Сүхбаатарын талбайд яг одоо иргэдээс  гарын үсэг цуглуулах  суултыг хийж байна.

НӨХРИЙНХӨӨ НЭР ТӨРИЙГ ЦЭВЭРЛЭЖ АВМААР БАЙНА

Тэрбээр “Аравдугаар сарын 28-нд би өөрийнхөө цахим хуудсаар дамжуулан төрийн өндөрлөгүүдэд зориулж ил захидал хүргэсэн. Би тэдэнд шүүх эмнэлгийн дүгнэлтийг дахиж  гадны улсад гаргуулах, хэргийг шинээр мөрдөж эхлэх, Мэргэжлийн хяналтын ерөнхий газрын /МХЕГ/ дүгнэлтийг дахин хянуулах гэхчлэн гурван хүсэлт тавьсан. Гэтэл өнөөдрийг хүртэл нэг нь ч  надтай холбогдоогүй ядаж туслахаараа дамжуулан хариу ч мэдэгдээгүй. Тэд яг л нүд,чихгүй юм шиг  л сууж байна.  Үүнээс харахад Монгол Улсын төр нь хөгжлийн бэрхшээлтэй хүнийг хүн гэж үздэггүй гэдэг нь харагдаж байна. Тиймээс өнөөдрөөс эхлэн иргэдээс гарын үсэг цуглуулах суултыг 14 хоног хийнэ. Ажлын цаг тараагүй байгаа учраас цөөн хүмүүс гарын үсэг зурж байна. Гэхдээ үдээс хойш олон хүн гарын үсэг зурж, миний нөхрийн нэр хүндийг сэргээж энэ хэргийн үнэнийг олоход тусална гэдэгт итгэлтэй байна.

Хамгийн гол нь МХЕГ миний нөхрийг ажлын байран дээрээ архи ууж, түүнээсээ болж нас барсан гэсэн дүгнэлт гаргасан.  Задлан шинжилгээгээр согтолтын зэрэг 2.4 буюу өөрийгөө хянах чадваргүй болтлоо согтсон мөн нас барсан хугацааг тогтоох боломжгүй гэж гарсан. Зургадугаар сарын 19-нд  миний нөхөртэй хамгийн сүүлд уулзаж лифтний түлхүүр өгсөн хүн болох “Хишиг арвин индустриал” ХХК-ийн  ажилтан  хүртэл миний нөхрөөс архи үнэртэхгүй байсан гэдгийг хүлээн  зөвшөөрсөн. Миний нөхрийн үндсэн  ажил нь лифт засах биш хамгаалагч атал  байнга лифт засуулдаг байсан нь ажил үүргийнх нь чиг үүрэгт байхгүй зүйл.

Би нөхрийнхөө цогцсыг долдугаар сарын 8-нд олж, аравдугаар сарын 19-ныг  хүртэл Сонгинохайрхан дүүргийн мөрдөн байцаах тасагт бүрэн дүүрэн итгэж хүлээж сууснаараа   нийгэмд нөхрөө архичин юм шиг харагдуулахад хүрчихлээ.

“Хишиг арвин индустриал” ХХК-иас анх над руу залгаж “Нөхөр чинь  ажлаа орхиод явчихлаа” гэж худал ярьснаас хойш би  гадуур хайж цаг хугацаа алдсанаас болж  нөхрийнхөө цогцсыг өмхийрч, муудсан байхад нь олсон. Тийм учраас одоо надад хүлээх цаг байхгүй. Нөхрийнхөө нэр төрийг нь цэвэрлэж авмаар байна. Миний нөхөр огт архи уудаггүй. Үүнийг нотлох олон  хүн бий. Манай гэр бүлийн хувьд мөнгө төгрөгөөс илүү нэр төрийг эрхэмлэдэг” гэлээ.

Ээж, охин хоёр үнэн мөнийг олохын төлөө эцсээ хүртэл явна, эрүүл мэндээрээ дэнчин тавьж Сүхбаатарын талбай дээр суулт хийнэ гэдгээ ч энэ үеэр хэлсэн юм. Тэдний чин хүсэл бол амиа алдсан нөхрийнхөө асуудлаар дээрх компанийн удирдлагуудыг ар гэрээс нь албан ёсоор уучлалт гуйх, нөхөр нь золгүй байдлаар амиа алдсан асуудалд нэр холбогдож байгаа хэд хэдэн хүнийг цагдаагийн байгууллагаас  шалгаж хариуцлага тооцох,хэргийг Сонгинхайрхан дүүргийн цагдаагийн хэлтсээс татаж Нийслэлийн цагдаагийн газарт шалгаж өгөхийг хүсч байгаа аж. 

Э.БУРАМ

Энэ мэдээнд өгөх таны сэтгэгдэл?
12
ХарамсалтайХарамсалтай
4
БурууБуруу
1
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-11-01 192.82.71.105

Хүн зовж аргаа бараад ингэж байгаа даа. Энэ ядарсан эмэгтэйд туслаад үнэнийг тогтоогоод туслаад тайвшруулах хүн төр засаг алга уу. Одоо үр хүүхдээ бодсон нь дээр дээ

Avatar

Иргэн 2019-11-01 103.229.121.44

Нөхөр нь архи уусан, тэгээд согтуудаа лифт рүү хий гишгээд санамсаргүй нас барсан, энэ эмэгтэй нөхрөө архи уугаад явчлаа гээд 7 хоног цагдаад мэдүүлээгүй байж байгаад гэнэт санаад мэдүүлсэн чинь, нөхрийг нь хайгаад олдохгүй байсан, лифтнээс өмхий үнэр гараад байхаар нь оршин суугчид нь түрүүлж мэдсэн, нөхөртэйгээ таарамжгүй үргэлж нөхрөө муулдаг байсан, Чинзориг сайдыг шантаажилж ажилтай болсон, өвчнөөрөа далимдуулж хүмүүсээр өрөвдүүлэх гэсэн арга л даа, амны яриа шигээ хүн бишээ,

Avatar

Зочин 2019-11-01 43.228.131.110

Яг үнэн ийм сэтгэцийн гажигтай хүмүүс одоо цагт ОД болдог болж дээ.

Avatar

Ene chin Jenko-giin company gee biz dee 2019-11-01 192.82.65.119

Ene hereg garsan chin Jenko-giin company gee biz dee, tegvel yaj zuv shiidegdeh ve dee. Ehner ni bolgoomjtoi baigaarai, hamaagui surgultsuj baij uuruu horlogdvoo. Chi huuhdedee heregtei shuu.

Avatar

Зочин 2019-11-01 139.5.216.253

Аль нь ч байсан гэсэн тэр ажиллаж байсан газар нь энэ ядарсан ар гэрт нь тусламж үзүүлбэл сайнсан

Avatar

Зочин 2019-11-01 66.181.177.45

Хүн үхээд 17 хоногийн дараа олдсон байхад цогцсыг шинжлээд 2.4 бүхэл согтуурал гэж гарсан нь шууд эргэлзээтэй. Спирт ууршдаг. Тэгвэл тэр дор нь олдсон бол 5, 10 бүхэлтэй гарах байсан уу. 2.4 гэдэг бол согтуурлын маш өндөр зэрэг, иймээс шинжилгээ эргэлзээтэй санагдаад байгаа юм.

Avatar

Иргэн 2019-11-01 66.181.177.45

Нөхрийнх нь лифтэнд унасан бичлэгийг компани нь хадгалж байсан атлаа нуугаад өгөөгүй. Цагдаа ч мөн адил бичлэгийг олж авсан мөртлөө хохирогчид нөхөн чинь олдохгүй байна гэж цаг алдсан.

Avatar

Зочин 2019-11-01 182.160.1.243

za yahaw unen shinjilgee ni garsan ym baij ajildaa sogtuu baisaniig ni darga uhaantai ym baidag l bizdee ygaad hyndaggui ym be uhcheed baihad ni yagaad olon honog hudlaa yriad baisan ni sonin tuund ni tohirson arga hemjee awch boldoggui ym baihdaa oldohgui olon honog bolood umhiirsun geegui biluu

Avatar

Уурхайчин 2019-11-01 43.228.131.110

Тэнэгтээд бай. Битгий олны сэтгэлийг үймүүлээд бай. Архи уусан гэдгээ чи өөрөө баталлаа. Битгий худла шоүудаад бай.

Avatar

“Хишиг арвин индустриал” ХХК арчаагүй юмаа 2019-11-01 202.21.96.212

Ажлын байран дээр эндэгдэл гарсан гээд нөхөн төлбөр өгөөд уучлалт гуйчихгүй арчаагүй юм аа,

Avatar

МАН 2019-11-01 79.98.213.82

Үнэхээр ажлын цагаар ажлын байран дээрээ архи байна уу, пиво байна уу, уусаныг нь та өөрөө ярилцлагаараа хүлээн зөвшөөрсөн байсан шүү дээ. Өнгөрсөний ясыг өндөлзүүлээд яахав. Одоо хэн ч энэ талаар ярьж, шүүмжлээгүй л байлтай. өөр санаа оноогүй бол дүү минь хэрэггүй байхаа.

Avatar

Зочин 2019-11-01 103.206.194.6

Үнэн шударга зүйл байхгүй болсон мэт л эвгүй мэдээллүүд сонсогдож уншигдах болоод байна даа… Энэ хөгжлийн бэрхшээлтэй хүүхнийг хүртэл ингэж үхсэн нөхрөөр нь дарамтлаад л үнэнийг тогтоогоод тэнд байсан гэрчүүдээр нь нотлуулахад яагаад болдоггүй юм бэ?

Avatar

Зочин 2019-11-01 122.201.31.144

Чи бидний хэнд ч юу ч тохиолдохийг мэдэхгүй хорвоо шүүдээ үнэн зөвөөр нь шийдэж өгөө

Avatar

Зочин 2019-11-01 103.87.255.66

архи уудаггүй юм бол яаж тийм өндөр гарахавдээ. Битгий ингээд шоудаад байгаач. Шүүх эмнэлэг цагдаа арай ч ийм хэрэг дээр худлаа ажиллахгүй.

Avatar

g 2019-11-01 202.9.42.121

Chi yasa muuhai hun bee iim emegtei hunii zovlongoor tohuu hiij l baidag

Avatar

zochin 2019-11-01 202.179.25.34

yasanch chechuu um,ene emegteig oroovdood bna,chergiig yg zov chiidej boldoggui umuu???

Avatar

Зочин 2019-11-01 150.129.142.180

хөгжлийн бэрхшээлтэй гэдгээрээ түрүү барьж болохгүй ш дээ. чи хүн зодоогүй байхад заавал зодсон болгох гээд хууль шүүхийг дарамтлаад байхтай адилхан

NewsMN Гар утасны хувилбар Татах
NEWS.mn

Мэдээллийн эх сурвалж