Дэлхийн 19 орны 223 мэргэжлийн дуурийн дуучдаас авьяас билгээрээ ялгарч, ОХУ-ын Ардын жүжигчин, дэлхийн дуурийн дуучдын манлай Елена Образцовагийн нэрэмжит Дуурийн залуу дуучдын Олон улсын X уралдааны дэд байрыг эзэлсэн төдийгүй Санктпетербург хотын алдарт Маринскийн театрт дуурийн дүр бүтээх тусгай шагналын эзэн болсон манай чуулгын дуучин Ч.Бадрал өчигдөр эх орондоо хүрэлцэн ирлээ.

Тэрбээр ОХУ-ын Москва хотноо Гнесиний нэрэмжит Хөгжмийн академийн Дуурийн дуулаачийн ангид амжилттай суралцаж байгаа аж. Түүнчлэн дуурийн дуу дуулаачдын хэд хэдэн томоохон тэмцээн уралдааны Гран При шагналыг хүртэж, дэлхийн дуурийн дуулаачид хуран чуулсан концертод Монголынхоо нэрийн өмнөөс дуулж яваа гэнэ.

Чадварлаг дуучнаа Цэргийн чуулгынхан, Батлан хамгаалах, Зэвсэгт хүчнийхэн үлээвэр хөгжим, хүндэтгэлийн марштай хүндэтгэн хүлээн авчээ.

Ж.ӨӨДЛӨН

Эх сурвалж: www.mminfo.mn