Ирэх жилийн загварын чиг хандлагыг тодорхойлдог “Гоёл” наадам энэ жил 32 дахь жилдээ болох гэж байна. Уг наадмын загварын долоо хоног арваннэгдүгээр сарын 25-30-ны өдрүүдэд болно. Харин шилдгүүдийг тодруулах ёслолын арга хэмжээ энэ сарын 30-нд болох гэнэ.

Монголын дизайнериудын холбооноос 32 дахь жилдээ зохион байгуулж буй наадмаар Монголын он оны “Топ” модель, шилдэг дизайнерууд, шилдэг моделиуд, шилдэг үсчин , шилдэг нүүр будагчдыг уламжлал болгон шалгаруулдаг билээ.

Сонирхуулахад “Гоёл-2016” наадмаар хүн бүрийн догдлон байж хүлээдэг шинэ топ модель тодроогүй ч уламжлалт ёсоор наадмын шилдэг загвар өмсөгчид болоод загвар зохион бүтээгчдийг шалгаруулсан юм. Харин "Гоёл 2019" наадмын Топ моделиор загвар өмсөгч Н.Сарнай шалгарч, шагналыг Топ модель Х.Бадамгэрэл гардуулж өгсөн билээ.

“Гоёл-2020” наадамд оролцох моделиудын анхан шатны шалгаруулалт энэ сарын 10-ны 15.00 цагт Үндэсний дуу бүжгийн чуулгын бүжгийн зааланд болох ажээ.

А.СҮРЭН