ХХБанк хөлбөмбөгийн үндэсний шигшээ багаа дэмжиж МХБХ-той 1 тэрбум тѳгрѳгийн гэрээ байгууллаа | News.MN

ХХБанк хөлбөмбөгийн үндэсний шигшээ багаа дэмжиж МХБХ-той 1 тэрбум тѳгрѳгийн гэрээ байгууллаа

ХХБанк хөлбөмбөгийн үндэсний шигшээ багаа дэмжиж МХБХ-той 1 тэрбум тѳгрѳгийн гэрээ байгууллаа

ХХБанк хөлбөмбөгийн үндэсний шигшээ багаа дэмжиж МХБХ-той 1 тэрбум тѳгрѳгийн гэрээ байгууллаа

Багийн спортыг дэмжигч Худалдаа, хөгжлийн банк нь Монголын Хөлбөмбөгийн Холбооны үйл ажиллагааг дэмжин ажиллахаар боллоо. Энэхүү хамтын ажиллагааны хүрээнд Улаанбаатар хотод Олон Улсын Хөлбөмбөгийн Холбоо(FIFA)-ны стандартаар бүтээн байгуулагдаж байгаа хөлбөмбөгийн талбайн орчны тохижилтод 1 тэрбум төгрөгийн ивээн тэтгэлэг, санхүүгийн дэмжлэг үзүүлэн хамтран ажиллана.

Худалдаа Хөгжлийн Банкны Гүйцэтгэх Захирал Б.Мэдрээ, МХБХ-ны Ерөнхий Нарийн Бичгийн Дарга Ө.Шижир нар гэрээнд гарын үсэг зурлаа.

Түүнчлэн Яармагт баригдах олон улсын стандартыг хангасан хөлбөмбөгийн талбайг ХХБанкны нэрэмжит болгон “TDB Center” гэж нэрлэх болсныг мөн зарлалаа. Гэрээнд заасны дагуу 1 тэрбум төгрөгийн 70 хүртэлх хувийг "TDB" цэнгэлдэх хүрээлэнгийн тохижилтод зарцуулна. Энэхүү талбай нь манай улсад баригдсан хамгийн том хэмжээтэй буюу 73 харьцах 115 метр гэдгээрээ онцлогтой.

Монгол Улсын Үндэсний шигшээ багийн хувьд амжилт нь жил ирэх тусам өсөж байна. Өнөөдрийн байдлаар Дэлхийн Аварга Шалгаруулах тэмцээний урьдчилсан шатны 2 дахь сунгаанд анх удаа шалгарч, анхны гоол цаашлаад анхны хожлоо авсан нь үүнийг бэлхэн харуулж хөлбөмбөг сонирхогчдыг баярлуулсан. Үндэсний шигшээ баг Мьянмар улсын эсрэг 11 сарын 19-ны өдөр энэ шатны ээлжит тоглолтоо хийнэ. Энэ тоглолтын бэлтгэл болгож тэд тун удахгүй Камбож улсыг зорих гэж байна.

Сүүлийн жилүүдэд Үндэсний компаниуд хөлбөмбөгийн спортыг дэмжин хөрөнгө оруулалтуудыг ихээр хийж, энэхүү спортын хөгжил хурдасч, манай шигшээ багийн үзүүлэх амжилтууд, чансаа нь жил ирэх тусам сайжирсаар байна. Мөн цаашид ч Монгол улсынхаа нэрийг олон улсад гаргах Үндэсний шигшээ багийнхаа амжилтыг бататган ахиулахын төлөө тоглолтын бэлтгэл, тэмцээнүүдэд ХХБанк хамтран ажилласаар байх болно.

Хүн төрөлхтний агуу гайхамшиг болсон хөлбөмбөгийн спортоор эх орныхоо нэрийг өндөрт өргөж буй Монголынхоо тамирчдыг, үнэнч хөгжөөн дэмжигч та, бид нэгдэж сэтгэл зүрхээрээ дэмжицгээе.

НЭГ БАГ – НЭГ ЗОРИЛГО

Эх сурвалж: МХБХ

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж