Г.Занданшатар: Хил гаалийнхантай хариуцлага ярина | News.MN

Г.Занданшатар: Хил гаалийнхантай хариуцлага ярина

Г.Занданшатар: Хил гаалийнхантай хариуцлага ярина

Г.Занданшатар: Хил гаалийнхантай хариуцлага ярина

УИХ-ын дарга Г.Занданшатар цаг үеийн асуудлаар сэтгүүлчдэд мэдээлэл өглөө. Энэ үеэр Үндсэн хуулийн Цэцээс Ашигт малтмалын тухай хуулийн зарим зүйл заалтыг хүчингүй болгосонтой холбоотойгоор “Хуульчид ажиллаж байна. Ойрын хугацаанд холбогдох хуулийг хэлэлцүүлж, батлуулна. Ашигт малтмалын нөөц ашигласны төлбөрөөс аливаа аж ахуйн нэгж зайлсхийх, төлөхгүй өнгөрөх нөхцөл байдал үүсгэхгүй” гэлээ.

-БНХАУ-ын 800 иргэнийг саатууллаа. Виз олгосон хүмүүст, хянаж шалгаж байх ёстой хүмүүст хариуцлага яригдах уу?

-Хятадын 800 иргэнтэй холбоотой асуудал мөнгө угаахтай холбоотой. Манай тусгай албад сайн ажилласан. Эхний ээлжинд хил гаалиар 1000 компьютер, 10 мянга гар утас илрүүлж чадаагүй, аялал жуулчлалын визээр нь аялуулаагүй хазайлгасан хүмүүст хариуцлага ярина.

Үндсэн хуулийн Цэцийн дарга Д.Одбаярын талаар гадаадын хэвлэлд ёс зүйгүй үйлдэл гаргасан гэсэн мэдээлэл гарсан, Монгол Улс саарал жагсаалтад орсон, Үндсэн хуулийн Цэцээс АМНАТ-тай холбоотой хуулийн төслийн зарим заалтыг хүчингүй болгосонтой холбоотой цаг үеийн асуудлаар УИХ-ын дарга Г.Занданшатараас тодрууллаа.

Үндсэн хуулийн Цэцийн дарга Д.Одбаяр Солонгосын онгоцны үйлчлэгчид бэлгийн дарамт үзүүлж, баривлагдсан гэж  Өмнөд Солонгосын хэвлэлд мэдээлжээ. Ёс зүйн хариуцлага ярих уу?

-Үндсэн хуулийн Цэцийн даргын талаар хэвлэл мэдээлэл, сошиал орчинд шуугиан гарч байна. Үндсэн хуулийн Цэц тодруулж асуусан. Үндсэн хуулийн Цэцийн дарга хэрвээ ёс зүйгүй авир гаргасан бол Үндсэн хуулийн Цэцийн тухай хуулийн 5-3 дугаар зүйлд заасны дагуу хариуцлага тооцно. Цэцээс бидэнд өгсөн мэдээллээр Цэцийн дарга өөрөө ийм асуудалд ороогүй. Ард нь сууж явсан иргэн үйлчлэгчтэй зүй бусаар харьцсаны улмаас, суудал андуурагдсан гэсэн мэдээлэл өгсөн.

Үндсэн хуулийн Цэц мэдээж хамгаалсан мэдэгдэл хийнэ. Бусад эх сурвалжаас мэдээлэл авсан уу?

-Энэ талаар бүх талын мэдээллийг авахаар БНСУ-д суугаа ЭСЯ-тай холбогдон ажиллаж байгаа.

-Төрийн өндөр албан тушаалтан өөрөө ийм хэрэгт холбогдоно гэдэг нь Монгол Улсын нэр хүнд гадаадад унагаж байгаа үйлдэл цөөнгүй гарч байна гэх шүүмжлэл гарч байна?

-Үнэхээр зөрчил гаргасан бол хариуцлага тооцно. Гэхдээ энэ хүрээнд Төрийн албаны ёс зүйтэй холбоотой хууль эрх зүйн шинэчлэл, ёс зүйг хуульчилсан төслийг бид бэлэн болгосон байгаа. Түүнээс гадна хуурамч мэдээ буюу fake news байж болох уу гэх мэтчилэн мэдээллээ сайн нягтлах хэрэгтэй. Ганц энэ асуудал ч биш

“АМНАТ-ЫН ТАЛААР ЦЭЦИЙН ШИЙДВЭРТЭЙ САНАЛ НИЙЛЖ БАЙГАА”

-Ашигт малтмалын тухай хуулийн хэд хэдэн заалтыг Цэц Үндсэн хууль зөрчсөн гэж үзлээ. Үүнээс болоод төсвийн орлого тасрах уу?

-Ашигт малтмалын нөөц ашигласны төлбөрийн талаар Цэцийн тогтоол гарсан. Цэцийн шийдвэр эцсийн шийдвэр байдаг. Тиймээс Их хурал яаралтай арга хэмжээ авч УИХ-ын даргын захирамжаар ажлын хэсэг байгуулсан. Цэцийн тогтоол гарвал холбогдох хууль тогтоомж, УИХ-ын бусад шийдвэрт нэмэлт өөрчлөлт оруулах асуудлыг 15 хоногийн дотор шийдэх хуультай. Төсвийн орлого тасрах асуудлыг гаргахгүйгээр Ашигт малтмалын тухай хуульд нэмэлт өөрчлөлт оруулах хуулийн 47.1-ийг өөрчлөн боловсруулахаар ажлын хэсэг ажиллаж байна. Сангийн яамныхантай хамтран ойрын хугацаанд хэлэлцэн шийдвэрлэнэ. Тиймээс төсвийн орлого тасрах нөхцөл байдал үүсгэхгүй байх боломж бий. Ашигт малтмалын нөөц ашигласны төлбөрөөс аливаа аж ахуйн нэгж завших, төлөхгүй өнгөрөх нөхцөл үүсгэхгүй.

-Үнэхээр татварын давхардлын асуудал байсан юм уу. Энэ УИХ хуулийг баталсан шүү дээ?

-УИХ-ын даргын хувьд Цэцийн тогтоолыг үгүйсгэх боломжгүй байна.

-Улсын төсөв 1.3 их наяд төгрөгөөр тасарна гэдгийг Сангийн сайд хэлсэн. Харин Уул уурхайн сайд өөр байр суурьтай байгаа гэж байна. Холбогдох яамд нь энэ асуудалд өөр өөр бодлого бариад байгаа учраас Цэц дээр хуулиа хамгаалж чадсангүй гэж харах хүмүүс ч байна?

-Салбарын болон төсвийн орлого бүрдүүлэх зарчмын зөрүүтэй санал бодлын зөрөлдөөнүүд байхыг үгүйсгэхгүй.  Гэхдээ төсвийн орлого 1.3 их наядаар тасрахгүй байх хуулийн өөрчлөлтийг хийх гарц гаргалгаа гаргаад ирэх долоо хоногоос хэлэлцэж эхлэхээр төлөвлөж байна. Ер нь АМНАТ огт төлөгдөхгүй болчихвол 1.3 их наяд төгрөгөөр төсвийн орлого тасрах эрсдэл бий. Гэхдээ энэ нь Цэцийн тогтоолыг авахгүй бай гэсэн үг биш. Давхардуулж байгаа зүйл заалт байвал засч залруул гэсэн чиглэл юм.

-Зарим компанийн лоббигоор энэ хуулийг УИХ баталсан гэдэг зүйлийг Ерөнхийлөгчийн Тамгын газрын дарга мэдэгдсэн. Та үүнд тайлбар өгөөч?

-Хүн болгонд хуулийг өөр өөрсдийнхөө тайлбарлах эрх бий. Ашигт малтмал ашигласан л бол төлбөрөө төлнө. Гэхдээ дахин боловсруулаад гаргаж байгаа бол эцсийн бүтээгдэхүүнээс л нэгдсэн журмаар авна. Журмаар зохицуулах боломжтой зүйлийг хуульд тусгаад зөрчил зөрөлдөөнд хүргэсэн байна гэж манай хууль зүйн ажлын хэсэг дүгнэлт гаргасан. Ажлын хэсэг ирэх долоо хоногт холбогдох байнгын хороодоор саналаа хэлэлцүүлэх чиглэлээр ажиллаж байна.

“ХИЛИЙН ШАЛГАН, ВИЗ МЭДҮҮЛЭГ ЗЭРГИЙГ ХАРИУЦДАГ АЛБАН ТУШААЛТНУУДАД ХАРИУЦЛАГА ТООЦНО”

-800 гаруй БНХАУ-ын иргэд Монголд хууль бус үйл ажиллагаа явуулсан үйлдлийг хуулийн байгууллага илрүүлж, шалгаж байна. Энэ асуудалд үндэсний аюулгүй байдалд нөлөөлөхүйц үйл ажиллагаа явуулж байгаа гэж зарим хүн мэдэгдэж байгаа. УИХ энэ чиглэлээр холбогдох албан тушаалтнуудад хариуцлагын асуудал ярих уу?

-800  иргэнтэй холбоотойгоор шаардлагатай арга хэмжээг хуулийн байгууллага авч байгаа. Тэдний үйлдлийг мөнгө угаахтай холбоотой гэж үзэж байгаа. Олон улсын онлайн мөнгөн гүйлгээ ашиглаж байж болзошгүй үйлдлийг таслан зогсоосон нь

Тиймээс тэдний хэрэглэж байсан  1000 гаруй компьютер, 10 мянган гаруй гар утсыг хилээр нэвтрүүлэхэд илрүүлж чадаагүй асуудал, виз мэдүүлэг зэрэгт хууль эрх зүйн арга хэмжээ авах шаардлагай. Ер нь бид цаашид олон улсын харилцааны асуудалд онцгой анхаарч ажиллах ёстой гэдэг нь саарал жагсаалтад орсон тод жишээ гэж харж байна.

-60 тэрбум, ЖДҮ-ийн асуудал эрх баригч намтай холбогддог. Өчигдөр 60 тэрбумтай холбоотойгоор хоёр хүнд хариуцлага хүлээлгэчихлээ. Одоо ЖДҮ-чдэд хариуцлага хүлээх үү?

-УИХ-ын түвшинд маш олон өөрчлөлт хийгдэж байгаа. ЖДҮ-ийн асуудал бол өнгөрсөн 20 жилийн хугацаанд бугшиж ирсэн идээ, бээр байсан. Үүнд хариуцлага тооцох, сахилгын асуудал яригдаж, ёс зүйн хариуцлага хүлээлгэсэн.  УИХ-ын түвшинд зохих арга хэмжээ авсан. Цаашид тусгай сангуудыг цэгцлэх, сахилга хариуцлагагүй, дэг журамгүй явж ирсэн зэрэг хууль эрх зүйн шинэчилж, өөрчилж хариуцлагатай болгож байгаа.

-Саарал жагсаалтад орсонтой холбогдуулан хариуцлагын асуудал яригдах уу. Ялангуяа Засгийн газрын хариуцлагагүй байдал гэж дүгнээд байгаа. Хариуцлага ярих уу?

-Монгол Улсад 500 гаруй банк бус санхүүгийн байгууллага 230 орчим хадгаламж зээлийн хоршоодын мөнгөн гүйлгээний асуудал сул байгаа нь саарал жагсаалтад орох нэг шалтгаан болсон. Одоогоор Үндсэн хуулийн нэмэлт, өөрчлөлттэй холбоотой болон 2020 төвсийн асуудал яригдаж байгаа учраас Эдийн засгийн байнгын хороонд Санхүүгийн зохицуулах хорооны даргын хариуцлагын асуудлыг шийдвэрлэх чиглэл өгсөн.

"Болор дуран"-аар шалгав.
Энэ мэдээнд өгөх таны сэтгэгдэл?
6
ЗөвЗөв
4
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

23 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-11-01 107.77.173.24

Ичдэггүй лоолой…..

Avatar

сэтгүүлч 2019-11-01 64.119.17.40

Энэ нэг балай гацаа амьтан бнаа. ЖДҮ-гийнхэнтэй ямар ёс зүйн хариуцлага тооцсон юм? Шүүх,прокурорыг шантаажлаад,намаа бодохоо болио.Баяртсайханд хариуцлага тооцно гээд хуцаад байсан яасан? Одоо нэг ядарсан эмэгтэйгээр сор залаад өнгөрөх үү? Бууны нахай Одбаярыгаа бас өмгөөлөөд өнгөрөх юм бналдаа энэ.Солонгосчууд буруутай юм гэнээ

Avatar

Зочин 2019-11-01 182.160.1.243

solongosiin tusgai alba tsagdaa teneguudeer duursen ym bainal gej oilgohoos suudal anduurdag tsgadaa tusgai huchin baidagl ym baina

Avatar

С.Мэндбаяр 2019-11-01 202.21.110.206

Мөрөөрөө явж байгаа энгийн иргэдээсээ ичиж амьдраарай

Avatar

irgen 2019-11-01 202.70.33.242

Хилийн шалган ямар хамаатайн бэ? Зөвшөөрөгдсөн Визтэй хүсүүс орж байхад штамп дарахгүй гээд яахын.
Харин тэр их хэмжээгээр утас, таблет оруулж ирээд гаальд татвар хураамж төлөөгүй байхын бол Гаальтай арга хэмжээ тооцдог юм байгаа биз. Татвар хураамжаа төлөөд оруулж ирсэн байвал Гаальд арга хэмжээ тооцох үндэслэл байхгүй шүү дэ.
Мөн маш их хэмжээний хятадуудад зөвшөөрч виз өгсөн Гадаадын иргэн харъяатын газартай арга хэмжээ тооцох хэрэгтэй.

Avatar

zochin 2019-11-01 202.179.25.34

gaal ,chuuch tsagdaa, konsul albiig sain schalgaj chariuuchlaga tooch.

Avatar

Зочин 2019-11-01 103.26.193.95

hudlaa hucdagaa l bolichih Zandanshataraa?haa bna ter mongol bank sanhuugiin zohicuulah horoonii darga nariig n hariutslaga huleelgej halsan chine?saaral jagsaaltad oruulsan Nymdorj Hurelbaatar Bayrtsaihan gesen uvs-n bulegleld hariutslaga toocoj ogtsruulah heregtei chadahgui l bga biz dee?japand songogchiddoo beleg taraasan n buruu geed 2 said bur huuli zuin said n ogtsorch bna.mongol ulsaa saaral bolgoson said nar n ineegeed doromjilood shantaajilaad bur deshih geed suuj bna.nam bulegleluud bu

Avatar

ШУДАРГА 2019-11-01 183.81.171.2

ОНГОЦНЫ КАММЕР ШАЛГААД БОЛОХ БАЙЛГҮЙ ДЭЭ ,,,,

Avatar

Зочин 2019-11-01 43.228.129.209

Солонгосын тал суудал андуурсан байгаа юм баына. Онгоцныхоо суудалд ямар хүн сууж явааг мэддэггүй эргүү хүмүүс юм байна.

Avatar

Зочин 2019-11-01 202.131.227.174

Гадаад харилцааны яам гэж байдаг бил үү,Тэр яаманд хамаарах юм болов уу,Мэдэх хүн байна уу

Avatar

зочин 2019-11-01 202.131.243.186

хариуцлага тооцно л гэхийн хариуцлага тооцож байгаа нь харагдахгүй юм ард түмэнд шүүхч шүүхийхэнд хариуцага тооцоочээ авилга энэ том хэргүүдэд хариуцлага тооцоочээ ард түмэн харж байгаа шүү

Avatar

иргэн 2019-11-01 192.82.66.152

Шударга хариуцлага тооцож бай.УИХ-н гишүүн 5 нөхөр байнга л төрийн асуудлыг чалчилж төр түмний дунд яс хаяж алалцуулж байхад түүнийг өмөөрөөд өөгшүүлж байгаадаа дүгнэлт хий.Эхлээд наад өөрийнхөө хажууд байгаа УИХ-н 5 гишүүндээ хариуцлага тооц.Дараа нь бусдад хариуцлага яртвал үнэнд нийцнэ УИХ-н даргаа.Батзандан Болд Нямбаатар Оюунэрдэнэ Аюурсайхан нарт.Нэрийн хэлэхгүй бол буруу гишүүнд хариуцлага ярьж хэлмэгдүүлж мэднэ.

Avatar

Зочин 2019-11-01 66.181.168.8

яана даа сэтгүүлч нарых нь тавьж байгаа асуулт, тэрэнд нь хариулаад зогсч байдаг их хурлын дарга таарсан таар шуудайнууд хов жив л ярьцгаах юм.

Avatar

Зочин 2019-11-01 202.21.99.42

Ниргэсэн хойно нь хашгарна гэгчээр юмны сүүлд хожуу дуугарах юмдаа УИХ-ын даргаа. Саарал жагсаалт, бас энэ асуудал нэр төр ч бүр улан доогуур орлоо

Avatar

Зочин 2019-11-01 64.119.22.90

Виз олгосон Батзандангийн ах, тvvнийг залуу эхнэртэй нь томилж явуулсан Цогтбаатарт хариуцлага тооцох нь шударга явдал болноо! Утас, компьютерийг хаанаас ч авч болно! Харин хятадуудыг оруулсан Батзандангийн ахтай яагаад хариуцлага тооцохгvй байна??

Avatar

Зочин 2019-11-01 66.181.184.19

Энэ хүн үндсэн хуулиар олгогдоогүй эрх эдэлж байна шүү. мафийн толгойлогч юмуу. Хариуцлага тооцдог хүн нь их хурлын дарга биш өөр субьект хуулийн дагуу эрх бүхий байгуулага хариуцлага тооцох ёстой болохоос юм болгон дээр попордог оо болих хэрэгтэй. ИХ хурлын дарга буюу спикер гэдэг хүн бол 76 ИХ гишүүнийг зохион байгуулж хурлыг дэгийн дагуу явуулах хэмжээний байх ёстой байтал төрийн 3 өндөрлөг гэдэг үндсэн хуулинд байхгүй нэр томьсёо гаргаад байж болохгүй байхгүй юу.

Avatar

zoboo zob... 2019-11-01 59.153.113.143

1000 komputer 10000 utasiig gaaligui medegdehgui oruulij irj chadaj baigaa ni manai hil gaali gej boon heel hahuuli bulhai luibar bolson gazar bolsoniig batlaj bnaa..

Avatar

Зочин 2019-11-01 202.21.108.247

Хөөрхий тоглоомын дарга хийж байгаа л уймраа залуу ш дээ. Бодох санах юм байхгүй амар хүн шүү.

Avatar

Цогтбаатар 2019-11-01 64.119.25.124

Ямар ч хяналтгүй виз олгосон Батзандангийн ах Баатаржав халагдох ёстой. Засгийн газрйин гишүүн Нямдорж, Хүрэлбаатар нарыг огцруулж байж шударга ёс тогтоно

Avatar

Л.Л 2019-11-01 66.181.166.134

Сэтгүүлч цаг үеийн шуурхай мэдээг хаана ч авч болно ш дээ…УИХ-ын дарга маань тэгэхгүй ээ гэсэн мэдээллийг яг ийм өдөр өгдөг нь ч юу билээ. Учир нь өнөөдөр Сэтгүүлдчийн аюулгүй байдлыг хамгаалах олон улсын өдөр..шүү дээ…

Avatar

Зочин 2019-11-01 103.80.211.152

Монголын визийг хөх хотод дамлан хятадуудад их хэмжээгээр зарж байгаа Батзандангийн ахад хариуцлага ярихгүй юм уу. Чи ч чадахгүй л дээ.

Avatar

Зочин 2019-11-01 112.72.12.3

ВИЗ ОЛГОСОНЫГ НЬ ЯАХ УУ

Avatar

Зочин 2019-11-01 49.0.213.33

Тэртэй тэргүй хэмхэртэл хулхидаад, худлаа яриад л виз гаргуулна шдээ, монгол чинь xятадын засгийн газраас их зээл авдаг, эдийн засгийн хараат байдалтай тул нээнтэгтэй шдээ

NewsMN Гар утасны хувилбар Татах
NEWS.mn

Мэдээллийн эх сурвалж