Монгол Улсын сүүлийн хаан VIII Богд Жавзандамба хутагтын 150 жилийн ойд зориулсан “Хааны хачин” үзэсгэлэнг Богд хааны ордон музейд өнөөдөр /2019.11.1/ нээлээ.

Тус үзэсгэлэнд VIII Богд Жавзандамба хутагт болон улсын эх дагина Дондогдулам нарын эдэлж хэрэглэж байсан эд дурсгалын зүйлс, ховор нандин, хачин сонин үзмэрүүдийг дэлгэн толилуулж байгаа юм.

Түүнчлэн “Хааны хачин” үзэсгэлэн энэ сарыг дуустал үргэлжлэх аж. Мөн Богд хааны ордон музей өнөөдрөөс эхлэн өвлийн цагийн хуваарьт шилжиж байгаа тул Мягмар, Лхагва гаригаас бусад өдрүүдэд 10.00-17.00 цагийн хооронд ажиллах ажээ.

Ойн хүрээнд энэ сарын 4-нд Гандан тэгчэнлин хийдэд Жавзандамба хутагтын хөргийг Батцагаан дуганд залж мандал өргөх ёслол 08.00-13.00 цагт болох гэнэ.

Үргэлжлүүлэн мөн өдрийн 15.00 цагт Дуурь, бүжгийн эрдмийн театрт Жавзандамба хутагтад зориулсан ёслол хүндэтгэлийн арга хэмжээ болох ажээ.