УИХ алдаа гаргасан уу, Цэц улстөржсөн үү? | News.MN

УИХ алдаа гаргасан уу, Цэц улстөржсөн үү?

УИХ алдаа гаргасан уу, Цэц улстөржсөн үү?

УИХ алдаа гаргасан уу, Цэц улстөржсөн үү?

Үндсэн хуулийн Цэцийн их суудлын хуралдаанаар Ашигт малтмалын тухай хуулийн 47 дугаар зүйлийн 47.1 дэх хэсэг, 47.3 дахь хэсгийн 47.3.1, 47.3.2 дахь заалт, 47.4 дэх хэсэг, 47.5 дахь хэсгийн 47.5.11, 47.5.12, 47.5.13 дахь заалтуудыг хүчингүй болгосон юм. Үүнтэй холбоотойгоор Ашигт малтмалын нөөц ашигласны төлбөр /АМНАТ/хэн төлөх, ямар зохион байгуулалтаар хаана тушаах гэдэг нь  тодорхойгүй болжээ.

Хүчингүй болсон заалтын гол үндэслэл нь АМНАТ-ийг хэн, ямар аж ахуй нэгж төлөх ёстой гэдэг тодорхойлолт. Хуульд зааснаар АМНАТ-ийг ашигт малтмал худалдсан, худалдахаар ачуулсан, ашигласан хуулийн этгээд болон Монголбанк, түүнээс эрх олгосон арилжааны банканд алт тушаасан этгээдэд нь АМНАТ төлөгч байх ба АМНАТ-ийг худалдсан, худалдахаар ачуулсан, ашигласан бүх төрлийн ашигт малтмалын борлуулалтын үнэлгээнээс тооцож улсын төсөвт төлнө гэсэн тодорхойлолттой.

АМНАТ-аас 2017 онд 847.7 тэрбум, 2018 онд 1.04 их наяд, 2019 онд 1.2 их наяд төгрөгийг улсын төсөвт төвлөрүүлсэн. Харин Сангийн сайд Ч.Хүрэлбаатарын хэлснээр Цэцийн шийдвэрээс болж 1,3 тэрбум орчим төгрөгийн төсөв дутагдана гэдгийг хэлж буй.

Гэхдээ хуульдаа өөрчлөлт оруулж, асуудлаа хурдан, хуулийн хугацаанд шийдвэрлэх эсвэл төсвийн орлогод задаргаа оруулах гэх мэт өөрчлөлтүүдийг цаг алдахгүй хийх нь чухал гэдэг асуудал ч хөндөгдөж байна.

ЦЭЦЭД ДОТООДЫН АЖ АХУЙ НЭГЖҮҮДИЙН ЛОББИ ОРСОН УУ?

Үндсэн хуулийн Цэцийн их суудлын хуралдааны шийдвэр гадны нөлөөтэй, улс орноо бодоогүй шийдвэр гаргасан гэж Сангийн сайд онцолсон. Аж ахуй нэгжүүдийн төлөөлөл ч гэсэн энэ шийдвэрийн эсрэг буй. Гэвч энэ шийдвэрт хамгийн их “баярлаж” байгаа хүмүүс бол дотоодын нүүрс угаах үйлдвэртэй аж ахуй нэгжүүд гэнэ.

Ашигт малтмалын тухай хуулийн 47.3.1-т дотоодод борлуулж байгаа нүүрсний нөөц ашигласны төлбөр тухайн эдэлбэрээс олборлож худалдсан эсхүл худалдахаар ачуулсан болон ашигласан  бүтээгдэхүүний борлуулалтын үнэлгээний 2,5 хувьтай тэнцүү татвар төлнө гэж заасан. Гэтэл энэ хуулийн 47.3.2- мөн төлбөр төлөх нь бусад гэдэгт мөн л нүүрс угаадаг дотоодын аж ахуй нэгж хамрагдаж байгаа учраас хоёр удаа татвар төлж байна гэсэн гомдлыг гаргасан байна. Тиймээс ч Цэц татварын давхардал хоёр удаа гарсан байна гэж үзэж, ийнхүү шийдвэрээ гаргажээ. Энэ талаар Цэцийн их суудлын хуралдаанд УИХ-ыг төлөөлж оролцсон УИХ-ын гишүүн Б.Жавхлан “Ашигт малтмалын нөөц ашигласны төлбөрийг давхардуулж тавьж байгаа эсэхийг эргэж харсан хэлэлцүүлэг болсон. Ашигт малтмалын тухай хуулиар гарсан татвартай холбоотой хууль нь улсын төсвийг бүрдүүлж байгаа нэг гол хэсэг нөгөө талаар ашигт малтмал, эрдэс баялгийн салбарын үйлдвэрлэлийн хөгжлийн бодлогыг хөндсөн асуудал. Өөрөөр хэлбэл, энэ хоёр бодлогын уулзвар дээр шийдэгдэж байгаа асуудал. Мэдээж төсөв бүрдүүлэлтээ хариуцаж байгаа салбарын хувьд Цэцийн шийдвэр эмзэг асуудал мөн. Ялангуяа төсөв яригдаж байгаа энэ үед эмзэглэх асуудал мөн. Харин уул уурхайн эрдэс баялгийн үйлдвэрлэл талаас нь харвал татварын давхардал байгаа. Гэхдээ зөвхөн нүүрсэн дээр. Ялангуяа гомдол гаргагчийн талаас татварын давхардал үүссэн гэж үзсэнийг бид бас анхаарах ёстой” гэсэн тайлбарыг өгсөн.

Харин Уул уурхай, хүнд үйлдвэрийн яамны зүгээс хууль хэрэгжиж эхэлснээс хойш хуулийн давхардал үүсээгүй, давхардаж татвар авсан кэйс байхгүй гэдгийг тодотгосон юм.

Түүнээс гадна улс төрийн хүрээнд дотоодын аж ахуй нэгжүүдийн лобби Цэцэд нөлөөлсөн гэх яриа ч байгаа юм. Ялангуяа нөлөө бүхий хоёр ч улстөрч нүүрс угаах үйлдвэртэй учраас Цэцэд нөлөөлсөн гэх хардлага ч байгаа юм байна.

Нэгэнт Цэц шийдвэрээ гаргасан учраас одоо УИХ хуулийн дагуу 15 хоногийн дотор холбогдох хуульдаа өөрчлөлт оруулах ёстой. Харин үүнийг УИХ-ын Эдийн засгийн байнгын хороо гардаж хийх ёстой. Тиймээс цаашид АМНАТ-ийг авахдаа бүгдэд тэгш зарчмаар хандаж, таван хувь болгох эсвэл 2,5 хувь болгох эсэхийг УИХ шийднэ. Өөрөөр хэлбэл, УИХ өмнө нь алдаа гаргасан гэж Цэц үзсэн. Алдаагаа хурдан засах, засахдаа зөв засахгүй бол УИХ дахиад л хариуцлага алдсан хэрэгт унахаар байна. Бас эсэргүүцэлтэй ч тулж мэдэхээр байна.

Ш.ЧИМЭГ

"Болор дуран"-аар шалгав.
Энэ мэдээнд өгөх таны сэтгэгдэл?
6
БурууБуруу
1
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

DR. PRADHAN 2019-11-01 197.211.58.141

Та бөөрийг худалдахыг хүсч байна уу?
Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу?
Дараа нь бидэнтэй холбоо бариад хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж,
имэйл: DR.PRADHAN.UROLOGIST.LT.COL@GMAIL.COM
whatsapp: 15733337443
Үнэ: $780,000 USD Та бөөрийг худалдахыг хүсч байна уу?
Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу

Avatar

Зочин 2019-11-01 202.9.44.109

Хууль болон ҮХЦ-ийн дүгнэлтийг уншаагүй. Социалын мэдээлэлээс харахад УИХ-аар баталж байгаа хуулиуд төгс биш /хөөн хэлэлцэх хугацаа, татварын нэгдсэн бодлого байхгүй/ хууль гараад байна гэж харагдаж байна. Хууль зүйн яам хуулийн нэгдсэн бодлогыг зангидаж чадахгүй байгаа юм бишүү. Энэ нь улс төржилттэй холбоотой /Сонгуулиар жинхэн төрийн албаныханыг сольдогтой/. Одоогийн ажиллаж байгаа төрийн жинхэн албан хаагчдыг аттистатчилахад тэнцэх хүн ховор гарна даа. /Аттистатчлалыг шударга явуулбал/

Avatar

Зочин 2019-11-01 202.179.27.50

Цэцийн шийдвэр яаж гарсныг уншсан амьтан байгаа юмуу. Хятадын Чалко компаниас зоос шааж нvvpcээ тvvxийгээр гаргах гэсэн Хvрэлбаатар, Болорчулуун мэтийн санаархлыг тас цохисон vндэсний боловсруулах vйлдвэрийг дэмжсэн шийдвэр гарсан штээ. Мэдээлэлгvй байж дагаж шуураад байх юм. Цэцийн хурал дээр УИХ-ын гишvvн нь бид алдаатай шийдвэр гаргасан байна гэж хvлээсэн штээ

Avatar

zochin 2019-11-01 66.181.167.74

Herev tsets yamar ch hamaagui shiidver gargaad teriigee ikh hurlaar shiiduulna gej bga bol tsetsiin shaardlaga erdoo ch alga. Iim balai yumnuudiig uls tosviin mongoor tejeeh yamar hereg baina. ta nariig gol sanhuujuulj bga humuus ard tumen getel esreg ajil hiigeed bdag. oilgohgui l biana daa.

Avatar

Зочин 2019-11-01 103.9.89.18

Наад хахуулчингуудаа зайлуулаач

Avatar

иргэн 2019-11-01 202.126.89.222

Баялаг ард түмний өмч. Иймд хэдэн компаний өмч мэтээр хандсан цэцийг ойлгохгүй байна. дэлхийн аль ч оронд төлбөр авдаг. чи АНУ-д оч. Ашигтмал ухах зөвшөөрөл ав. зүгээр өгөх үүү х** х**.татвар төлбөр ялгаатай. Гол ялгаа нь авах авахгүйдээ биш. Төлбөр нь тодорхой хувь квот хэмжээг заасан байдагт оршино. хэрвээ төлбөр авахгүй бол наад ААН чинь ашиггүй алдагдалтай ажиллаа гээд тативарт нэг их мөнгө өгдөггүй. 2-рт тухайн газрыг улсын мэдэлд авахад нөхөн төлбөр яригддаг. Энэ доор бичсэн хулгана тойлго

Avatar

0000 2019-11-01 103.10.23.111

Газарын баялаг бол Ард түмэий өмч Газарын баялагын тухай хууль болох Уул уурхайн хууль нь Үндсэн хуульд нийцэж байх ёстой байтал
Төрд үүрэдсэн хулгайч нарын гараар Үндсэн хуулийг завхаруулаж Ард түмний өмчийг хувийн болож луйвардаж байна
ҮХЦ гэдэг байгуулаг юу хийж юу хараж манаж байдаг байгуулаг болчохвоо Ийм байх юм бол энэ байгуулагаар яаах юм

Avatar

Иргэн 2019-11-01 64.119.25.124

Олон тайлбар хэрэггүй Хотгор Шандын уурхайг ах дүүстэйгээ хамтраад харийнханд зарсан Сангийн сайд Хүрэлбаатар буруугаа хүлээж албан туушаалаасаа ОГЦРОХ ёстой

Avatar

ҮХЦ зөв шийдсэн 2019-11-01 192.82.64.23

Төлбөр ба Татвар ялгаатай. Төлбөр нэг удаа харин Татвар шат дамжлага болгонд авч болно. Роялти бол төлбөр нэг л удаа төлнө. Цэц зөв шийдвэр гаргаж Сангийн сайд хариуцлагагүй улс төржсөн мэдэгдэл хийв. Ухаан нь байрыг анх зарсан хүн байрыг цааш зарж борлуулсан хүн болгоноос төлбөр авдаг байж таарахгүй. Төлбөр ба Татвараа ялгадаггүй Сангийн яамныхан гутамшиг.

Avatar

Зочин 2019-11-01 103.229.120.246

ЗГ, УИХ ажлаа олигтой хийгээчээ. Чадахгүй бол больцгоо л доо

Avatar

ҮХЦ зөв шийдсэн 2019-11-01 192.82.64.23

Роялти нь ард түмнээс тэр ашигт малтмалаа худалдан авч, хувийн өмчөө болгож буй төлбөр болохоор тэрнийг олон удаа төлөх ёсгүй.ҮХЦ зөв шийдсэн энэ удаа.Тийм учраас роялтийг тусгай зөвшөөрөл эзэмшигч л зөвхөн нэг удаа төлөх ёстой.

Avatar

Зочин 2019-11-01 192.82.67.245

ЦЭЦ улс төрждөг нь нийтэд илэрхий болсон зүйл. Харин энэ удаад хууль зүйн хувьд зөв шийдвэр гаргажээ!!!

Avatar

иргэн 2019-11-01 202.179.26.180

Төр засаг, ҮХ-ын Цэц ч тэр ямар ч Үйл ажиллагаа явуулах Чадвар чадамжгүй болсон шүү дээ, Бүгд Ажлаа өгч Огцорох хэрэгтэй

NewsMN Гар утасны хувилбар Татах
NEWS.mn

Мэдээллийн эх сурвалж