Английн Букингемшир хотын иргэн 69 настай Рон Силвэстер хэмээх эрхэм метал илрүүлэгчээрээ 2000 настай, Шрек хүүхэлдэйн кино дээр гардаг илжигний тэмдэгтэй зоос олжээ. Шинжилгээний дүнд энэхүү зоос нь Английн нутагт олон овог аймгууд амьдардаг төмөр зэвсгийн үеийнх болох нь тогтоогджээ.

Уг нь ийм зоосон дээр морины дүрс байдаг гэнэ. Харин цаг хугацааны эрхээр морины царай арилж илжиг шиг болсон бололтой.

Рон анх удаа л метал илрүүлэгч хэрэглэж үзсэн бөгөөд энэхүү анхны олдвороо болон цуг олсон бусад зооснуудыг өөртөө хадгалахаар шийджээ.

Рон "Энэ зоосон дээрх дүрс надад яаж ч харсан Шрек кинонд Эдди Мерфигийн дуу оруулсан илжигний дүртэй адилхан харагдсан. Би найз Микээс метал илрүүлэгч аваад удаагүй байхдаа энийг оллоо. Эхэндээ Мик надад итгээгүй" хэмээн ярьжээ.

Үүнтэй ижил үеийн зоос 2015 онд ширхэг нь 380 еврогоор зарагдаж байжээ.

Б.АМАРБАЯСГАЛАН 

Эх сурвалж: thesun.co.uk