Эрхүү хотын замын хөдөлгөөнд оролцоход жолооны үнэмлэхээ орос хэл дээр орчуулах шаардлагагүй | News.MN

Эрхүү хотын замын хөдөлгөөнд оролцоход жолооны үнэмлэхээ орос хэл дээр орчуулах шаардлагагүй

Хуучирсан мэдээ: 2019.10.31-нд нийтлэгдсэн

Эрхүү хотын замын хөдөлгөөнд оролцоход жолооны үнэмлэхээ орос хэл дээр орчуулах шаардлагагүй

Эрхүү хотын замын хөдөлгөөнд оролцоход жолооны үнэмлэхээ орос хэл дээр орчуулах шаардлагагүй

Монгол Улсаас ОХУ-ын Эрхүү хотод суугаа Ерөнхий консулын газраас анхааруулга гаргажээ.  Тус анхааруулгад дурдаснаар, Монгол Улсын иргэн нь Эрхүү хотын замын хөдөлгөөнд оролцох үедээ монгол жолоочны үнэмлэхээ орос хэл дээр орчуулах шаардлагагүй гэдгийг анхаарууллаа.

Эрхүү хот орчмын  замын цагдаагийн ажилтнууд монгол иргэдийн жолоодож буй машиныг зогсоож, бичиг баримт шалгаж, монгол жолооны үнэмлэхний орос орчуулга нэхэж, байхгүй тохиолдолд торгууль оногдуулах тохиолдол хэд хэдэн удаа гарчээ. Энэ нь хууль бус үйлдэл бөгөөд жолооч та чухам ямар үндэслэлээр захиргааны зөрчил оногдуулж, торгуулийн арга хэмжээ авч байгааг тайлбарлахыг шаардах, улмаар торгууль төлөхгүй байх боломжтой юм байна.

ОХУ-ын “Замын хөдөлгөөний аюулгүй байдлын тухай” Холбооны 196 дугаар хуулийн 25 дугаар зүйлийн 15 дахь заалтад “Замын хөдөлгөөний аюулгүй байдлын тухай олон улсын гэрээ, конвенцод ОХУ-тай хамт гишүүнээр элсэн ороогүй гадаад улсаас олгогдсон үндэсний жолооны үнэмлэхээр ОХУ-ын нутаг дэвсгэрт тээврийн хэрэгсэл жолоодох үед тухайн үнэмлэхийг орос хэл дээр баталгаат орчуулга дагалдаж буй тохиолдолд ижил тэгш байх зарчмын дагуу хүчин төгөлдөр гэж үзнэ. Ингэхдээ тухайн жолооны үнэмлэх дээрх бичвэрүүд нь орос, эсвэл латин цагаан толгойн үсгээр бичигдсэн бол орчуулга шаардахгүй” гэж заасан байдаг.

Замын цагдаагийн ажилтнууд тус хуулийг үндэслэн захиргааны зөрчил нээн протоколд тусгадаг ба 500-5000 рублийн торгууль оногдуулдаг. Дээрх хуулийн заалтыг үндэслэхдээ “… Ингэхдээ тухайн жолооны үнэмлэх дээрх бичвэрүүд нь орос, эсвэл латин цагаан толгойн үсгээр бичигдсэн бол орчуулга шаардахгүй” гэснийг санаатай болон санамсаргүйгээр тайлбарладаггүй, авч хэлэлцдэггүй зөрчил өөрсдөө гаргадаг байна.

Замын хөдөлгөөний аюулгүй байдлын тухай олон улсын гэрээ, конвенц гэдэгт 1968 онд батлагдсан “Замын хөдөлгөөний тухай Венийн конвенц”-ийг ойлгоно. Тэгвэл тус конвенцид 1974 оны зургадугаар сарын 7-ны өдөр ОХУ нэгдэн орсон бол Монгол Улс 1997 оны арванхоёрдугаар сарын 19-ний өдөр нэгдсэн болно.

ОХУ, Монгол Улс нь дээрх конвенцийн гишүүн орнууд бөгөөд үндэсний жолооны үнэмлэх нь “Замын хөдөлгөөний тухай Венийн конвенц”-ийн шаардлагад нийцэх тул аливаа баталгаат орчуулга аль ч талдаа шаардлагагүй юм.

А.АНИР

Энэ мэдээнд өгөх таны сэтгэгдэл?
1
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

МОНГОЛ ХҮҮ 2019-10-31 103.206.194.6

Оросууд ямар элэнцэгнийх нь ах байх вэ дээ…Эх, Эцэгээ танихаа л байсан төдий гэхүү дээ… Монголчууд сүүлийн 300 гаруй жил Үнэхээр Дорой Уруу болчихоод Одоог хүрч байна даа… Энэ юутай холбоотой вэ????? Жалга довны, хамаатан садан, нэгнийхээ хийсэн сайн зүйлийг хүлээн зөвшөөрч дэмжиж байгаагүй, хэн нэгнээ гадаадын дайсанд ч хамаагүй муулж, үр дүнд нь бүгдээрээ ховлогч өөрөө ороод дайсандаа дарлуулдаг ТЭНЭГ ЗАН ЗАНШИЛ, МОНГОЛЫН ЭР СҮРИЙГ ДАРАНГУЙЛАХААР ОРЖ ИРСЭН ШАШИН, СОЁЛГҮЙ байдал юм.

Avatar

Зочин 2019-10-31 64.119.17.202

Оросууд монголчуудыг ямагт дорд үзэж дээрлхээд сурчихсан зантай!! Манайхан ч гэж таарсан таар шуудайнууд "Орос ах" гэж зусардаж өөрийгөө доош нь хийдэг зантай!!!

NewsMN Гар утасны хувилбар Татах
NEWS.mn

Мэдээллийн эх сурвалж