“Би монгол хүүхэд болж төрснөөрөө бахархдаг” | News.MN

“Би монгол хүүхэд болж төрснөөрөө бахархдаг”

“Би монгол хүүхэд болж төрснөөрөө бахархдаг”

“Би монгол хүүхэд болж төрснөөрөө бахархдаг”

Улаанбаатар чуулгын хаалгаар ороход “Говь-Алтай аймгийн Бугат сум. Малчин Норов гуайн гэр” хэмээн зарлалаа. Тайз руу харваас Монгол гэрийн ханыг дугуйлсан байх агаад модон ширээ тойрон дээлтэй эмгэн, өвгөн хоёр сууж байв. Улаанбаатар хот байгуулагдсаны 380 жилийн ой, Хүүхдийн хөгжил хамгааллын үндэсний хөтөлбөрийн хүрээнд “Би монгол хүүхэд” урлагийн наадмыг асрамжийн төвийн хүүхдүүдийн дунд зохион байгуулж шилдгүүдээ тодруулсан нь энэ юм. Нийслэлийн гэр бүл, хүүхэд, залуучуудын хөгжлийн газраас зохион байгуулж буй энэ наадамд 12 төвийн 360 гаруй авьяаслаг хүүхэд оролцлоо. Тэд монгол ёс уламжлал, өв соёлыг илтгэсэн үзүүлбэрээр өрсөлдөв. Монгол бүжиг, шанз, ятгын намуухан ая,  Ш.Сүрэнжав “Ерэн баатрын дууль”, Д.Пүрэвдорж “Чингис хаан” шүлэг, гэрийн магтаал эгшиглэсэн жинхэнэ Монгол хүүхдүүдийн авьяас чадварын “тулаан” боллоо. Наадмын I байрт Монголын Сос хүүхдийн хотхоны “Гэрэлт ирээдүй” баг, II байрт Вербист төв, III байрт  Гэрэл төвийн “Солонго” баг орлоо. Энэ үеэр Монголын Сос хүүхдийн хотхоны захирал Н.Содномдаржаа “Долоо дахь жилдээ түрүүлж, хүүхдүүд маань ах эгч нарынхаа гаргасан амжилтыг бататгалаа. Энэ тэмцээнийг тэсэн ядан хүлээж, удирдамж гаргахаар нь хүүхдүүд өөрсдийн санаачилгаар бэлтгэл хийж эхэлдэг. Манай хотхон урлаг, спортоос гадна оюун ухаан, мэдлэг чадварыг нь нэмэгдүүлэх 12 төрлийн дугуйлан хичээллүүлж, хүүхдүүдийг нэг гэр бүл  шиг төлөвшүүлж, хөгжүүлэхэд  багш нар маань анхааран ажилладаг. Энэ шагнал манай багш нар, хүүхдүүдийн хамтын хичээл зүтгэл, шаргуу бэлтгэлийн үр дүн юм” гэлээ. Харин тэмцээний шүүгч гавьяат жүжигчин Л.Чаминчулуун “Энэ уралдаан урлагт хайртай хүүхдүүдийн авьяас чадварын манлайлал байлаа. Оролцсон хүүхдүүдээр би бахархаж байна. Урлагийн төлөө гэсэн сэтгэл зүрхтэй, зүтгэлтэй хүүхдүүдийн дундаас ирээдүйн урлагийг манлайлах сайхан уран бүтээлч төрөн гарна гэдэгт итгэлтэй байна“ гэсэн юм. Мөн тэрээр хүүхдүүдээс “Та нар Монгол хүүхэд болж төрснөөрөө бахархдаг уу” хэмээн асуухад танхим дүүрэн ”Бахархдаг” хэмээн чангаар хариулав.

Эх сурвалж: “ЗУУНЫ МЭДЭЭ” СОНИН

"Болор дуран"-аар шалгав.
Энэ мэдээнд өгөх таны сэтгэгдэл?
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-10-31 202.179.25.156

genen baina daa.

Avatar

Зочин 2019-10-31 139.5.218.100

энэ хүүхэд гэнэн байж болно, харин чи тэнэг байнадаа, яасан хэдэн япон со, хэдэн газраар явж үзээд өөрсдийгөө доош хийж , монгол болж төрсөндөө гутараа юу чи, чам мэтийн иймэрхүү тэнэг эготой гаруудаас болоод, монгол хөгжихгүй байгаан, хэзээ ч аливаа улс иймэрхүү гайхалтай эрч хүчтэй үндэсний үзэл бахархал хүмүүс дээрээ тургуурлан улс орон өөдөлдөг юм, чиний тэр япон америкийн чинь мянган жил үндэсний үзэлтэй хүмүүсийнхээ итгэл үнэмшлээр одоогйин америк японыг бүтээсэн юм шидээ,

NewsMN Гар утасны хувилбар Татах
NEWS.mn

Мэдээллийн эх сурвалж