ОУХМ Б.Бямбадорж, М.Лхагвагэрэл нар Будапештээс анхны медалийг авчирлаа | News.MN

ОУХМ Б.Бямбадорж, М.Лхагвагэрэл нар Будапештээс анхны медалийг авчирлаа

ОУХМ Б.Бямбадорж, М.Лхагвагэрэл нар Будапештээс анхны медалийг авчирлаа

ОУХМ Б.Бямбадорж, М.Лхагвагэрэл нар Будапештээс анхны медалийг авчирлаа

“Будапешт-2019” чөлөөт бөхийн 23 хүртэлх насанд хүрэгчдийн ДАШТ өнөөдөр /2019.10.31/ дөрөв дэх өдрөө үргэлжилж байна. Эрэгтэйчүүдийн 74 кг-ын жинд насанд хүрэгчдийн ДАШТ-ий тавдугаар байрын шагналт, үндэсийн шигшээ баг, “Алдар” спорт хорооны тамирчин, ОУХМ Б.Бямбадорж хүрэл медаль хүртжээ. Түүний энэ амжилт Будапештийн дэвжээнд Монголын баг тамирчдын анхны хүрэл медаль болж байна.

Мөн Унгарын нийслэлээс Монголын эрэгтэй баг тамирчдын хоёр дахь хүрэл медалийг 125 кг-ын жинд залуучуудын болон 23 хүртэлх насны Азийн дэд аварга, “Аварга” сургуулийн оюутан ОУХМ М.Лхагвагэрэл авчирлаа. Тэрбээр Монголын чөлөөт бөхийн түүхэнд нас насны ангиллаас хамгийн хүнд жинд дэлхийн анхны медальтан болж буй аж.

Монголын чөлөөт бөхийн хүнд жинд цаашид авч явах учиртай М.Лхагвагэрэл Будапештэд тэгшитгэлийн барилдаанд Кыргызстаны тамирчин Музаффар Жаппуевыг оноогоор цэвэр /12:1/ ялсан ч 1/8 шигшээд ОХУ-ын Виталий Голоевт 2:3-аар ялагдсан. Тэгвэл өчигдөр /2019.10.30/ дагах барилдаанд БНХАУ-ын өвөрмонгол залуу Эр Сонгбуг 6:1-ээр, Бүх Африкийн наадам болон Африк тивийн хошой аварга Египетийн Халед Мохамед Абдаллаг 12:1-ээр, хүрэл медалийн төлөөх барилдаанд АНУ-ын Даниэль Керквлиетийг хүнд барилдааны эцэст 4:4-өөр ялж, шагналын тавцанд зогсох эрхтэй болсон талаар Монголын чөлөөт бөхийн холбооноос мэдээлжээ.

А.СҮРЭН

Энэ мэдээнд өгөх таны сэтгэгдэл?
4
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

choloot boh 2019-10-31 64.119.19.87

dandaa orosuudad shaalgasan geh um yunaas ni aigaad badag yum. nasad huregchdiin delhiin avarga beheegees avhuulaad orosuudaa dandaa AIHYUM

Avatar

Зочин 2019-10-31 124.158.124.185

хоер залуу маань шөнө хүнд барилдаан хиисэн авьяаслаг залуус

NewsMN Гар утасны хувилбар Татах
NEWS.mn

Мэдээллийн эх сурвалж